NƏBİ RZAYEV - Azərbaycanın ilk şəhidi. (Bəxtiyar Qaraca, Qusar rayonu Həsənqala kəndi) скачать в хорошем качестве

NƏBİ RZAYEV - Azərbaycanın ilk şəhidi. (Bəxtiyar Qaraca, Qusar rayonu Həsənqala kəndi)

Azərbaycanın "Yaşamaqdan doymayan" ilk şəhidi "Əsl insan haqqında" Azərbaycan hekayəsi Qusarda tanınmış telejurnalist Bəxtiyar Qaracanın "Yaşamaqdan doymayanlar" filminin təqdimat mərasimi keçirilib. İstiPress-in şimal bürosunun məlumatına görə, film Qusarın Həsənqala kəndində yaşamış mərhum jurnalist Nəbi Rzayevin faciəli həyatından və yarımçıq qalmış nakam sevgisindən bəhs edir. Elə film də Nəbinin həyat yoldaşı Nazilə Rzayevanın müəllifə şəxsi xahişi əsasında hazırlanıb. Nəbiylə lənkəranlı qızı Nazilənin tanışlığı necə başlayıb? Fiziki qüsurlu Nəbi hansı xəstəlikdən əziyyət çəkib? Ailə Bəxtiyar Qaracanı şəxsən necə olub, tanıyıb? Bu suallara tam cavab alacaqsınız bu yazıda. Nəbi İbrahimxəlil oğlu Rzayev doğulduğu Həsənqala kəndində 7-ci sinfə qədər hamı kimi normal məktəbə gedib. 7-ci sinifdə qəfildən ayaqları tutulub və ailəsi onu bir çox xəstəxanalarda müalicə etdirib. Amma o uşaqkən erməni xislətinin qurbanı olub. 1972-ci il fevral ayının 7-də Respublika Klinik Xəstəxanasında 14 yaşlı Nəbi erməni həkim Sveta Bacayan tərəfindən onurğa sütunundan əməliyyat edilir və onurğa sütunundan qəsdən götürülən ilik onu nəinki ayağa qaldırır, əksinə ömürlük çarpayıya məhkum olur. Sonradan bu barədə danışan Nəbi özünü Azərbaycanın ilk şəhidlərindən hesab edirdi: "Erməni həkim məni ailəmizin razılığı olmadan qəsdən əməliyyat etdi. Razı olmurdum, dedi, razı olmasan, səni qarın üstünə atacağam". O vaxtdan yataqdan qalxa bilməyən Nəbinin çoxlu dostıarı olub. Kimlər gəlməyib bu qapıya? Nəsibə Zeynalova, Mikayıl Abdullayev, Qulu Xəlilov, Zemfira Verdiyeva və onlarla məşhur incənət, elm adamı Rzayevlərin qonağı olub. Ailənin ən vəfalı qonağı olan Nazilə isə sonradan bu ailənin daimi üzvü olub. Hələ 1977-ci ildə Nəbinin bacısı Nazilə ilə "Artek"də tanış olan Nazilə Nəbi ilə qiyabi olaraq əlaqə saxlayıb və məktublaşıb. 1981-ci il iyul ayının 6-da Nazilə Lənkərandan Qusarın Həsənqala kəndinə gələrək qiyabi tanıdığı Nəbi ilə tanış olub. Həmin il noyabr ayının 21-də Nəbinin bacısı Nazilə Siyəzəndə avtomobil qəzasında həlak olur və Nazilə adaşının əlil qardaşını diqqətdən kənarda qoymur və Nəbi ilə əlaqəsini kəsmir. Aralarında heç kimə demədikləri gizli sevgi Naziləni sonuncu dəfə qonaq gəldiyi Həsənqala kəndində daimi saxlayır. 1998-ci il noyabr ayının 21-də (Təsadüfə baxın-bacı Nazilənin öldüyü gün) Nazilə Nəbinin ailə üzvinə çevrilir və o vaxtdan lənkəranlı Nazilə Qusarda yaşayır. Rəsmi olaraq ailə quran cütlük 12 il-2010-cu il iyun ayına kimi birgə yaşayır. İyun ayının 22-də yataqdan dura bilməyən Nəbi Rzayev həyatdan köçür. Vəfalı Nazilə ölümündən sonra da Nəbigilin ailəsini, Qusarı tərk eləmir. Qeyd edək ki, əlilliyi ilə heç vaxt barışmayan Nəbi Rzayev qələmini heç vaxt paslandırmayıb. Bakı Dövlət Universitetinin jurnalistika fakültəsində qiyabi təhsil alan Nəbi Rzayev ömrünün sonuna kimi yerli "Qusar" qəzetinin ştatdankənar müxbiri olub. Qaldı ki, Bəxtiyar Qaracanı Nəbinin ailəsini necə tanımağına... 1993-cü il iyun ayının 1-də Azərbaycan Dövlət Televiziyasında "Bu vətən sənindir" verilişində Nəbi Rzayevin ömür yolundan süjet efirə gedib. Nəbi həmin verilişdə erməni həkim Sveta Bacayanın onu ömürılük şikəst etdiyini, özünü erməni vəhşiliyinin ilk qurbanlarından hesab etdiyini yana-yana danışıb. Nəbidən sonra sevgisini onun xatirəsinə, şəxsi əşyalarının qorunmasına həsr edən Nazilə Rzayeva keçən il ailənin yaxın dostu ,jurnalist Əntiqə Qonaqlı vasitəsilə Bəxtiyar Qaraca ilə danışır və ondan Nəbinin xatirəsinə veriliş hazırlamağı xahiş edir. Düz 25 ildən Qusarın Həsənqala kəndinə gələn Bəxtiyar Qaraca mərhum jurnalistin xatirəsinə bu dəfə "Yaşamaqdan doymayanlar" filmini çəkir. Qusar şəhərindəki Heydər Əliyev Mərkəzində keçirilən filmin təqdimatında müəllif Qaraca ilə yanaşı, millət vəkili, Azərbaycan Mətbuat Şurasının sədri Əflatun Amaşov da iştirak edib. Filmin layihə rəhbəri olan Əflatun Amaşov bu filmi "Nəbiylə Nazilənin sevgi balladası da adlandırmaq olardı"- deyərək fimin çox böyük mənəvi əhəmiyyət daşıdığından ətraflı danışıb. "Qusar" qəzetinin redaktoru Vidadi Sevzixanov filmdə Nəbinin əlil kimi təqdim olunması ilə razılaşmayıb: "Əlillər də cəmiyyətin bir üzvüdür, əlil kimi təqdim edəndə bu yazıqlıq təsiri bağışlayır. Əslində, Nəbi Rzayevlə hamımız normal ünsiyyət saxlamışıq, danışmışıq, yazıları barədə fikir mübadiləsi etmişik". Qusar İH başçısının müavini Elman Mustafayev filmin yeniliyindən danışaraq Nəbinin erməni həkim tərəfindən əlil vəziyyətə salınmasından çoxlarının xəbərsiz olduğunu deyib. Qusarlılar adından bir əyalət jurnalisti haqda film ərsəyə gətirildiyinə görə yaradııcı və təşkilatçılarına minnətdarlıq edilib.