01.092 திருவீழிமிழலை | வாசி தீரவே காசு நல்குவீர் | திருஞானசம்பந்தர் தேவாரம் | скачать в хорошем качестве

01.092 திருவீழிமிழலை | வாசி தீரவே காசு நல்குவீர் | திருஞானசம்பந்தர் தேவாரம் |

01.092 திருவீழிமிழலை | வாசி தீரவே காசு நல்குவீர் | திருஞானசம்பந்தர் தேவாரம் இந்தப் பதிகத்தை பக்தியும் அன்பும் கொண்டு ஓதி வழிபடுவோருக்கு செல்வச் செழிப்பு ஏற்படுவதோடு, உலக வாழ்வில் சேர்த்த பொருள் அழியாது வளரும், வாழ்வு கிடைக்கும் என்பது நம்பிக்கை. இறைவர் திருப்பெயர் : ஸ்ரீ விழியழகர் இறைவியார் திருப்பெயர் : ஸ்ரீ அழகுமுலையம்மை திருமுறை : முதல் திருமுறை 092 வது திருப்பதிகம் அருளிச்செய்தவர் : திருஞானசம்பந்த சுவாமிகள் பதிக குரலிசை : திரு சங்கர கிருஷ்ணமூர்த்தி ஞானசம்பந்தப் பெருமானும், திருநாவுக்கரசு சுவாமிகளும் ஒரே கால கட்டத்தில் வாழ்ந்தவர்கள். நாவுக்கரசர் முதிய பிராயத்தில் 60 வயது அளவில் இருந்தபோது, பிள்ளையாருக்கு பால வயது. பிள்ளையாரின் அருமை பெருமைகளை உணர்ந்த வாகீசர், அவரைத் தேடி வந்து அளவளாவி, இருவரும் சில காலம் பல தலங்களுக்குச் சேர்ந்து சென்று வழிபட்டனர். அக்கால கட்டத்தில் திருவிழிமிழலைப் பகுதியில் இருவரும் தங்கியிருந்த போது ஊரில் பஞ்சம் நிலவியதால், அடியார்களுக்கு உணவிடும் பொருட்டு, சிவபெருமான் பிள்ளையாருக்கும் வாகீசருக்கும் தினமும் ஒவ்வொரு பொன் படிக்காசு, கோவிலின் கிழக்கு, மேற்கில் அமைந்த விருட்சப் படியில் வழங்குவதாக கனவில் அருளி, தினமும் காசு வழங்கலானார். இதில் பிள்ளையாருக்கு வழங்கிய காசு சிறிது மாற்று குறைவாக இருந்ததால், அவருக்குப் பொற்காசின் மூலம் கிடைத்த பொருள் சிறிது குறைவாகக் கிடைத்தது. பிள்ளையார் இறைவரிடம் வருந்தி வேண்டி, இந்தப் பதிகம் பாட இருவருக்கும் நல்ல மாற்றில் பொற்காசு கிடைக்கப் பெறலானது. வாசி தீரவே காசு நல்குவீர் மாசின் மிழலையீர் ஏசல் இல்லையே. ..... (01) இறைவர் ஆயினீர் மறைகொள் மிழலையீர் கறைகொள் காசினை முறைமை நல்குமே. ..... (02) செய்ய மேனியீர் மெய்கொள் மிழலையீர் பைகொள் அரவினீர் உய்ய நல்குமே. ..... (03) நீறு பூசினீர் ஏற தேறினீர் கூறு மிழலையீர் பேறும் அருளுமே. ..... (04) காமன் வேவவோர் தூமக் கண்ணினீர் நாம மிழலையீர் சேம நல்குமே. ..... (05) பிணிகொள் சடையினீர் மணிகொள் மிடறினீர் அணிகொள் மிழலையீர் பணிகொண்டு அருளுமே. ..... (06) மங்கை பங்கினீர் துங்க மிழலையீர் கங்கை முடியினீர் சங்கை தவிர்மினே. ..... (07) அரக்கன் நெரிதர இரக்கம் எய்தினீர் பரக்கும் மிழலையீர் கரக்கை தவிர்மினே. ..... (08) அயனும் மாலுமாய் முயலும் முடியினீர் இயலும் மிழலையீர் பயனும் அருளுமே. ..... (09) பறிகொள் தலையினார் அறிவது அறிகிலார் வெறிகொள் மிழலையீர் பிறிவது அரியதே. ..... (10) காழி மாநகர் வாழி சம்பந்தன் வீழி மிழலைமேல் தாழும் மொழிகளே. ..... (11) பதிகப் பலன் : இத்திருப்பதிகம் சீகாழிப்பதியாகிய பெரிய நகருள் தோன்றி வாழும் ஞானசம்பந்தன் திருவீழிமிழலை இறைவர் மேல் தாழ்ந்து பணிந்து போற்றிய மொழிகளைக் கொண்டதாகும். ஆலய முகவரி : அருள்மிகு நேத்ரார்ப்பணேஸ்வரர் திருக்கோயில், திருவீழிமிழலை, திருவீழிமிழலை அஞ்சல், குடவாசல் வட்டம், திருவாரூர் மாவட்டம், PIN - 609 505. முதல் திருமுறை | திருஞானசம்பந்தர் தேவாரம்    • முதல் திருமுறை | திருஞானசம்பந்தர் தேவாரம்   குறிப்பு : இப்பதிகத்திற்கான சொற்பிரிவு எங்களது முயற்சியில் உருவாக்கப்பட்டுள்ளது. பிழை இருப்பின் எங்களுக்கு தெரியப்படுத்தலாம். "மேன்மைகொள் சைவநீதி விளங்குக உலகம் எல்லாம்"