Runa Vimochana Angaraka Stotram I ఋణవిమోచన అంగారక స్తోత్రంI FULL TELUGU I скачать в хорошем качестве

Runa Vimochana Angaraka Stotram I ఋణవిమోచన అంగారక స్తోత్రంI FULL TELUGU I

స్కంద ఉవాచ | ఋణగ్రస్త నరాణాంతు ఋణముక్తిః కథం భవేత్ | బ్రహ్మోవాచ | వక్ష్యేహం సర్వలోకానాం హితార్థం హితకామదం | అస్య శ్రీ అంగారక స్తోత్ర మహామంత్రస్య గౌతమ ఋషిః, అనుష్టుప్ ఛందః, అంగారకో దేవతా మమ ఋణ విమోచనార్థే జపే వినియోగః | ధ్యానమ్ రక్తమాల్యాంబరధరః శూలశక్తిగదాధరః | చతుర్భుజో మేషగతో వరదశ్చ ధరాసుతః || ౧ || అథ స్తోత్రమ్ -మంగళో భూమిపుత్రశ్చ ఋణహర్తా ధనప్రదః | స్థిరాసనో మహాకాయః సర్వకర్మావబోధకః || ౨ || లోహితో లోహితాంగశ్చ సామగాయీ కృపాకరః | ధర్మరాజః కుజో భౌమో భూమిజో భూమినందనః || ౩ || అంగారకో యమశ్చెవ సర్వరోగాపహారకః | సృష్టికర్తాపహర్తా చ సర్వకామఫలప్రదః || ౪ || భూతిదో గ్రహపూజ్యశ్చ వక్త్రో రక్తవపుః ప్రభుః | ఏతాని కుజనామాని యో నిత్యం ప్రయతః పఠేత్ | ఋణం న జాయతే తస్య ధనం ప్రాప్నోత్యసంశయమ్ || ౫ || రక్తపుష్పైశ్చ గంధైశ్చ దీపధూపాదిభిస్తథా | మంగళం పూజయిత్వా తు మంగళేహని సర్వదా || ౬ || ఋణరేఖాః ప్రకర్తవ్యాః దగ్ధాంగారైస్తదగ్రతః | సప్తవింశతినామాని పఠిత్వా తు తదంతికే || ౭ || తాశ్చ ప్రమార్జయేత్పశ్చాద్వామపాదేన సంస్పృశన్ | ఏవం కృత్వా న సందేహో ఋణహీనో ధనీ భవేత్ || ౮ || భూమిజస్య ప్రసాదేన గ్రహపీడా వినశ్యతి | యేనార్జితా జగత్కీర్తిర్భూమిపుత్రేణ శాశ్వతీ || ౯ || శత్రవశ్చ హతా యేన భౌమేన మహితాత్మనా | స ప్రీయతాం తు భౌమోఒద్య తుష్టో భూయాత్ సదా మమ || ౧౦ || మూలమంత్రః అంగారక మహీపుత్ర భగవన్ భక్తవత్సల | నమోఒస్తు తే మమాశేష ఋణమాశు విమోచయ || ౧౧ || అర్ఘ్యమ్ -భూమిపుత్ర మహాతేజః స్వేదోద్భవ పినాకినః | ఋణార్తస్త్వాం ప్రపన్నోఒస్మి గృహాణార్ఘ్యం నమోస్తు తే || ౧౨ || ఇతి ఋణ విమోచన అంగారక స్తోత్రమ్ ||