18 12 25 Տեղի ունեցավ Սևան համայնքի ավագանու 2025թ-ի տարեվերջյան նիստը: скачать в хорошем качестве

18 12 25 Տեղի ունեցավ Սևան համայնքի ավագանու 2025թ-ի տարեվերջյան նիստը:

Համայնքի ավագանու տարեվերջյան նիստում Սևան համայնքի ավագանու ութերորդ նստաշրջանի վերջին նիստի օրակարգը հագեցած էր և ընդգրկուն: Մինչ օրակարգային հարցերի հաստատմանն անցնելը, Սևան համայնքի ղեկավար Սարգիս Մուրադյանն անդրադարձ կատարեց տարվա ընթացքում իրականացված աշխատանքներին, նշեց, որ դրանք` ֆինանսական գործառույթներից մինչև ծրագրեր, ընթանում են բնականոն ընթացքով: «Մեր առջև դրված խնդիրների զգալի մասը կատարված է, այն ծրագրերը, որոնք նախանշել էինք տարեսկզբին, այլևս իրողություն են, որը նպատակասլաց և հետևողական աշխատանքի արդյունք է: Տարին ամփոփում ենք էական ձեռքբերումներով, տեսանելի ծրագրերով: Շնորհակալություն եմ հայտնում համայնքապետարանի աշխատակազմին նպատակասլաց աշխատանքի, համայնքի ավագանու անդամներին արդյունավետ համագործակցության համար, շնորհավորում եմ Սևան համայնքի բնակիչներին գալիք տոների կապակցությամբ»,- նշեց համայնքի ղեկավարը: Նիստին ներկայացված օրակարգային հարցերը հաստատելուց հետո դրանք ներկայացրեցին ավագանու անդամների քննարկմանը: Համայնքի ավագանին կայացրեց համապատասխան որոշումներ: Սևան համայնքի 2026 թվականի բյուջեի հաստատումից առաջ համայնքի ղեկավարը նշեց, որ 2025 թվականին իրականացված աշխատանքը, ֆինանսական առումով կայուն վիճակը լավ հիմքեր է ստեղծում համայնքի 2026 թվականի ֆինանսական գլխավոր փաստաթղթի հաստատման համար, որը լինելու է հավասարակշռված, իրատեսական և հնարավորություն է ընձեռելու առաջիկա տարում ևս իրականացնել մեծածավալ աշխատանք, խուսափել ցնցումներից, ավելացնել սեփական եկամուտները: Սևան համայնքի ավագանին սահմանեց Սևան համայնքի ղեկավարի պաշտոնային դրույքաչափը, հաստատեց Սևանի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը և պաշտոնային դրույքաչափերը, ՀՀ Գեղարքունիքի մարզի Սևան համայնքի ենթակայության համայնքային ոչ առևտրային կազմակերպությունների /ՀՈԱԿ-ներ/` աշխատակիցների թվաքանակը, հաստիքացուցակը և պաշտոնային դրույքաչափերը, Սևանի համայնքապետարանի խնամակալության և հոգաբարձության հանձնաժողովի քանակական և անհատական կազմը, Հայաստանի Հանրապետության Գեղարքունիքի մարզի Սևան համայնքում 2026 թվականի` հողօգտագործման, բնակելի ու ոչ բնակելի տարածքների, հողօգտագործման վարձավճարներ և այլ տեղական վճարները, Հայաստանի Հանրապետության Գեղարքունիքի մարզի Սևան համայնքի բնակավայրերի վարչական տարածքում գտնվող գյուղատնտեսական նշանակության հողատարածքների՝ 2026 թվականին օգտագործման տրամադրվող վարելահողերի, արոտավայրերի և խոտհարքերի համար մրցութային մեկնարկային գինը: Սևան համայնքի ավագանին հաստատեց Սևան համայնքի 2026 թվականի ֆինանսական գլխավոր փաստաթուղթը՝ բյուջեն, համաձայն որի՝ հաստատվել են Վարչական բյուջեի եկամուտները՝ 2398977.3 հազար դրամ Վարչական բյուջեի ծախսերը՝ 2398977.3 հազար դրամ Ֆոնդային բյուջեի եկամուտները՝ 1320000.0 հազար դրամ Ֆոնդային բյուջեի ծախսերը՝ 1320000.0 հազար դրամ Համայնքի ավագանին հաստատեց նաև Հայաստանի Հանրապետության Գեղարքունիքի մարզի Սևան համայնքի Սևան քաղաքում թափոնների տեսակավորման կառավարման պլանը, որը հաջորդել է Սևան քաղաքում թափոնների կառավարման նոր համակարգի ներդրմանը: Ավագանու քննարկմանը ներկայացվեցին նաև մի շարք հարցեր, որոնք հաստատվեցին համապատասխան որոշումներով: Ավագանու տարեվերջյան նիստն ամփոփվեց դիմումների քննարկմամբ, որոնց տրվեցին սպառիչ պատասխաններ: Սևան համայնքի ավագանու 8-րդ նստաշրջանն ավարտեց իր աշխատանքները: 9-րդ նստաշրջանի առաջին նիստը տեղի կունենա փետրվար ամսին: