Aksyon Laban sa Kahirapan - Season 2 – Episode 56 скачать в хорошем качестве

Aksyon Laban sa Kahirapan - Season 2 – Episode 56

Bilang suporta sa pagdiriwang ng Pambansang Linggo ng mga Nakatatanda o Elderly Filipino Week (EFW), tampok sa ika-56 na episode ang panayam ni National Anti-Poverty Commission-Senior Citizens Sectoral Representative (SR) Salvacion Basiano, kung saan kanyang ibinahagi ang kahalagahan ng paggunita ng EFW at ang mga adyendang isinusulong ng konseho para sa mga Pilipinong senior citizen, sa programang Rise and Shine Pilipinas ng PTV-4, Oktubre 9. Ayon kay NAPC Senior Citizens SR Basiano mahalaga ang pagdiriwang EFW sa pagpapaigting ng kamalayan hindi lamang ang mga nakatatanda,kasama ang mga kabataan at mga pinuno sa bansa, hinggil sa kanilang tunay na sitwasyon. Aniya isa sa mga adyendang isinusulong ng sektor ang pagpasa sa Universal Social Pension, kung saan ibinahagi niya na sa isang pagdinig sa senado na kanyang dinaluhan nito lamang Agosto, nabanggit na sapat na ang 2% ng General Appropriation Act upang mapondohan ang isang taong social pension para sa lahat ng mga Pilipinong senior citizen edad 60 pataas sa bansa. Kanya ring binigyang-diin ang kahalagahan ng pagpaprayoridad sa mga senior citizen dahil mayroon din silang malaking ambag tulad ng kanilang pagtulong sa pangangalaga ng kani-kanilang mga pamilya, partikular ang kanilang mga apo. Dahil dito makakapagtrabaho ang kanilang mga anak na walang pangamba. Isinulong din ni SR Basiano na gawing prayoridad ang kalusugan ng mga Pilipino, hindi lamang ng mga nakatatanda, kung hindi maging ang mga mahihirap na sektor sa bansa. Sa kanyang pagbabalik-tanaw, ikinuwento ni SR Basiano na sinimulan nila ang kampanya para sa mas murang gamot noong taong 2006 at naipatupad lamang ito matapos ang tatlong taon. Aniya malaking tulong para sa lahat ng Pilipino, partikular na sa mga matatanda ang pagkakaroon ng mas mababang presyo ng gamot sa bansa. Bilang pagtatapos, ipinahayag niya na sa pagsasara ng paggunita ng EFW, umaasa siyang magpapatuloy pa rin ang pagtaas ng kamalayan ng publiko ukol sa mga pangangailangan ng mga Pilipinong nakakatanda. #NAPC26 #AksyonLabanSaKahirapan #BagongPilipinas