ලංකාවේ දෙවන උසම කන්ද වන කිරිගල්පොත්තට | Kirigalpotta Mountain | Horton Plains скачать в хорошем качестве

ලංකාවේ දෙවන උසම කන්ද වන කිරිගල්පොත්තට | Kirigalpotta Mountain | Horton Plains

කවුරුත් දන්න #හෝර්ටන්තැන්න වටේ රවුමක් 👇💚 #srilanka #nuwaraeliya #hortonplains #kirigalpotta #kirigalpottaountain මීට අවුරුදු ගණනාවකට එහා ඈත අතීතයේදී හෝර්ටන් තැන්න හැඳින්වූයේ මහතැන්න, මහඑළිය, විල්මන්තලව ගෝනතැන්න වගේ නම් වලින්. 2010 වර්ශයේදී ලෝක උරුමක් බවටත්, 1969 දී ස්වාභාවික රක්ෂිතයක් ලෙසත්, 1988 දි වනෝද්‍යානයක් ලෙසත් නම් කරන ලද හෝර්ටන්තැන්න ජෛව විවිධත්ව ලක්ෂණ වලින් අනූන භුමියකි. මෙම භුමිය වැදගත් විමට හේතු රාශියකි. ලංකාවේ උසම කදු 5න් 3ක්ම මෙහි පිහිටා ඇත. ඒවා නම් 2.කිරිගල්පොත්ත කන්ද (2320m) 3.තොටුපළ කන්ද (2357m) 4.අග්‍රාබෝපත් කන්ද (2395m) තවද සුවිශේෂී ස්ථානයන් වන්නේ බේකර්ස් ඇල්ල, චිමිනි ඇල්ල හා ලොකාන්තයයි. තවද මෙම භුමියෙන් මහවැලි ,වලවේ , කැලණි යන ගංගා වල ආරම්භක ස්ථාන වන අග්‍ර ඹය, බෙලිහුල් ඔය හා බගවන්තලාව ඔය ආරම්භ වේ. මෙහිදි කිරිගල්පොත්ත උතුරු බෑවුම් වලින් ගලා යන ජල ධාරා අග්‍රා ඔය ඔස්සේ මහවැලි ගඟටද, තොටුපළ කන්දේ දකුණු පසින් ගලා හැරෙන ජල ධාරා බෙලිහුල් ඔය හරහාත් කිරිගල්පොත්තේ නිරිතදිගින් ගලා යන ජල ධාරා බගවන්තලාව ඔය හරහාත් කැළණි ගඟට එකතු වේ. 1831 - 1837 කාලයේදී බ්‍රිතාන්‍ය ආණ්ඩුවේ සර් රොබට් විලියම් හෝර්ටන් සහ සබරගමුව රටේ රාළ දඩයමේ පැමිණි අවස්ථාවක මෙම ස්ථානය සොයා ගෙන තබේ. 1836 දී මෙය හෝර්ටන්තැන්න ලෙස නම් කරන ලදි. කෙසේ වෙතත් මෙහි ඉතිහාසය රාවණා රජුගේ කාලය දක්වා දිව යයි. රාවණා රජු සීතාදේවිය පැහැරගෙන පැමිණ දඩුමොණර යන්ත්‍රය නවත්වා ඇත්තේ මෙය ආශිතව ඇති කදුගැටයක බව ජනයා විශ්වාස කරයි. එය වර්ථමානයේදි තොටුපළ කන්ද ලෙස ව්‍යවහාර කරයි. තවද සීතා දේවිය සගවා තැබු සීතාඑළිය පිහිටා තිබෙන්නේද වනෝද්‍යානය ආශිතවය. තවද රාම රාවණා යුද්ධය මෙහි සිදුවූ බවද ඒ හේතුවෙන් ඇති වු ගින්දරින් මෙම ප්‍රදේශය මෙලෙස තෘණ භුමියක් වු බවද පැවසේ.. තවද හෝර්ටන්තැන්න ආශ්‍රිතව කරන ලද පුරාවිද්‍යාත්මක පරීක්ෂණ වලින් මෙම භුමියේ ඈත අතීතයේ වගා කටයුතු සිදු වී ඇති බව පවසයි. එනම් ආදි මානවයා මෙහි ජීවත් වන්නට ඇත. තවද ශිරාන් දැරණියගල මහතා පවසන පරිදි මධ්‍යම ශිලා යුගයේදි එනම් ක්‍රි.පු 11000 දි පමණ දඩයම් කරන මානවයා හෝර්ටන්තැන්නෙහි ජීවත් වු බවට ඔහු පවසනවා. තවද මෙයින් සංක්‍රමණය වු මානවයා බලංගොඩ ප්‍රදේශයේ ගුහා ආශ්‍රිතව(බලංගොඩ මානවයා- ක්‍රි.පූ 8000) ජිවත් වු බවට විවිධ මත පවති. තවද මධ්‍ය ශිලා යුගයෙදී දඩයම් මානවයා කෘෂි මානවයා බවට පත් වී ඇති බව ප්‍රසිද්ධ මතයක්. මෙය සනාථ කරමින් ශිරාන් දැරණියගල මහතා හෝර්ටන්තැන්න ආශිතව කරන ලදි පරීක්ෂණයකින් ඔහුට, පොසිල විශේෂයක් හමුවි තිබෙන අතර එය මධ්‍යම ශිලා යුගයට අයිති බාර්ලි ,වී වැනි ධාන්‍ය වගාකල බවට සාක්ෂියකි. එනම් මීට වර්ශ 13000 කට පෙර ලංකාවේ අඩි 7000කට වඩා උස් ප්‍රදේශ වල මුලික කෘෂිකර්ම බිම් ව්‍යාප්තව පැවති ඇත. #srilanka #Hortonplains #nuwaraeliya #Kirigalpotta #unknownhiker (හෝර්ටන්තැන්නේ මීටර් 6ක් පමණ ගැඹුරු නිධි අතරේ මෙම පොසිල වාර්තා හමු වී ඇත) වනාන්තර එළිපෙහෙළි කිරීම හා ගින්දර භාවිතයෙන් සිදුකරන හේන් වගාව පිළිබඳ ව ඇති සාක්‍ෂි ද තෘණ බිම්වල සිදු වී ඇති එඬේර කටයුතු (Grazing and pastoral activity) සඳහා ඇති සාක්‍ෂි ද තෘණ බිම්වල කළමනාකරණය පිළිබඳ සාක්‍ෂි ද, කෑමට ගත හැකි ශාක වර්ග කීපයක පොසිල පරාග සාක්‍ෂි ද, වගා කටයුතු සඳහාම හඳුන්වා දෙන ලද පඳුරුමය ශාක කීපයකම (Cultivated shrubs) පොසිල වාර්තා හමුවීම ලංකාවේ පුරාණ කෘෂිකර්මය සඳහා ඇති සාධක වශයෙන් ආචාර්ය පේ‍්‍රමතිලක විසින් පෙන්වා දී ඇත. පාරිසරික භූ චුම්භන වාර්තා (Environmental mineral magnetic records) මඟින් පෙන්වා දෙන මානව භූ ඛාදන ක‍්‍රියාකාරිත්වයන් ද ලංකාවේ උස්බිම් කලාපයට අයත් මහඑළිය ප‍්‍රදේශයේ අදින් වසර 10,000 පෙර අවධියේ දී මානව ක‍්‍රියාකාරකම් සිදු වූ බව පෙන්වා දෙන තවත් අමතර සාක්‍ෂියකි. අදින් වසර 17,500කට පමණ පෙර තණබිම් හා ලඳු කැලෑ ගිනි දමා පුළුස්සා විනාශ කිරීමේ ලක්‍ෂණ විශාල ප‍්‍රමාණයක් ක්‍ෂුද්‍ර අඟුරු විශ්ලේෂණය, පරාග වාර්තා, ෆයිටොලිත වාර්තා හා පොළොව අභ්‍යන්තරයේ භූ චුම්භණ ගතිගුණ විශ්ලේෂණය කිරීමේ ක‍්‍රමවේදය හරහා අනාවරණය විය. මිනිස් ක‍්‍රියාකාරකම් නිසා හෝර්ටන් තැන්නේ බොහෝ බෑවුම් ඛාදනයට ලක් වී ඇති අයුරු තේරුම් ගැනීම සඳහා ද මේ වාර්තා තවදුරටත් වැදගත් වනු ඇත. ඒ අනුව, මහඑළිය හෙවත් වර්තමානයේ හෝර්ටන් තැන්න යනුවෙන් හඳුනාගන්නා භූමි ප‍්‍රදේශයේ ඇති වී ඇති තණබිම් එකල විසූ මිනිසුන් විසින් කැලෑ එළිකර ගිනිතැබීම නිසා ඇති පතන භූමි වශයෙන් හඳුනා ගැනීමට හැකි වී ඇත. කාලීනව විශාල ගස් කපා බෙමි හෙළිම හා එසේ කළ නොහැකි ගස්වල පොතු ඉවත් කිරීම මඟින් ඒවා මැරී වියළිමට ලක්කර පසුව ගිනි තැමීබ මඟින් මෙම විශාල ගස් විනාශ කර ඇති අතර පසුව ඇතිවන පතන භූමියේ මුවා, ගෝනා වැනි කුර සහිත සත්වයන්ගේ ගහණයේ ශීඝ‍්‍ර වර්ධනයක් එකී භූ දර්ශනය තුළ දී එවැනි සතුන් දඩයම් කිරීමට ඇති පහසුවත් සලකා මෙවැනි ක‍්‍රියාමාර්ගයක් ප‍්‍රාග් ඓතිහාසික මානවයා විසින් අනුගමනය කර ඇති බව අර්ථකථනය කර ඇත. ඒ අනුව එකී කලාපයේ භූ දර්ශනය එකල මිනිසාගේ මැදිහත්වීම හේතුවෙන් ඇති වූවක් බව පැහැදිලි වේ. අතීතයේ තැන්න පුරාවටම විශාල අලි ග්‍රහනයක් වාර්තා වී ඇති අතර බ්‍රිතාන්‍යය අන්ඩුවේ මේජර් තෝමස් රොජර් විසින් එකල සිට් අලි ඇතුන් 1400ක් දඩයම් කල බව ඔහු විසින් 1850 දි රචිත ග්‍රන්තයේ සදහන් වෙයි. හෝර්ටන්තැන්නෙහි ආක්‍රමණශීලී ශාක විශාල වශෙයෙන් හදුනාගෙන ඇති අතර, එයින් බරපතලම හානි සිදු කරන ශාක විශේෂ දෙකකි 1. Ulex euvopaeus මෙය කහ පැහැති මල් හට ගන්නා කටු සහිත ශාකයකි. 2. Pterdium aqulinium මෙය දීප්තිමත් කොළ අැති පර්ණාංග ශාකයකි. හෝර්ටන්තැන්නෙහි පවතින මීදුම නිසා තැන්නේ පාසි සහ ලයිකනවලට අවශ්‍ය තෙත් හා ශීත ස්වභාවය ඇති කරයි. වලාකුළු නිර්මාණය වී ඒවා කඳු ආවරණය කර ගැන්මේදි කඳු මත ඇති ශාක සමග ගැටිමේදි, ජල බිංදු වැස්සීම සිදු වේ. මෙම අවස්ථාව හොර්ටන්තැන්නේ දි හොදහැටි බලාගැනීමට පුලුවනි. ශාක හේතුවෙන් වළාකුළු වල ඇති ජලය ලබාගෙන සංචිත කර එය පසට ලබා දී ගංගා නිර්මාණයට දායක වේ.