Top News - Trump lyen Air Force One/ Kuq, bardhë e blu, ushtria amerikane konfirmon скачать в хорошем качестве

Top News - Trump lyen Air Force One/ Kuq, bardhë e blu, ushtria amerikane konfirmon

Një kombinim ngjyrash e kuqe, e bardhë dhe blu, e mbështetur nga Presidenti Donald Trump, do të sjellë një pamje të re për Air Force One, tha ushtria amerikane të enjten. Forcat Ajrore thanë se ky kombinim ngjyrash do të përdoret për avionin e përditësuar që është planifikuar të shërbejë si Air Force One, si dhe avionë të tjerë më të vegjël që fluturojnë rregullisht për zyrtarë të tjerë të lartë qeveritarë. Ushtria publikoi një imazh të pamjes së re që përputhet me një model aeroplani që është parë në Zyrën Ovale në takimet me udhëheqës të huaj. Boeing është në proces të modifikimit të dy prej avionëve të saj 747-800 që janë planifikuar të zëvendësojnë flotën ekzistuese të dy avionëve të vjetëruar Boeing 747-200 që presidenti përdor aktualisht dhe që marrin emrin Air Force One kur presidenti është në bord. Në vitin 2018, Trump urdhëroi që këta avionë të rinj të hiqnin dorë nga dizajni ikonik blu dhe i bardhë i epokës Kennedy për një skemë ngjyrash të bardhë dhe blu të errët. Në vend të kësaj, gjysma e sipërme e aeroplanit do të ishte e bardhë, ndërsa pjesa e poshtme, përfshirë barkun, do të ishte blu e errët. Një vijë e kuqe e errët do të përshkonte pjesën nga kabina e pilotit deri në bisht. Modeli ishte pothuajse identik me atë të avionit personal të Trumpit. Një rishikim i Forcave Ajrore kishte sugjeruar që ngjyrat më të errëta do të rrisnin kostot dhe do të vononin dorëzimin e avionëve të rinj gjigantë, dhe Presidenti Joe Biden e ndryshoi vendimin në mars 2023. Trump ndërkohë u tha gazetarëve muajin e kaluar se "ai do një blu të fortë, jo blu të lehtë", duke iu referuar ngjyrës aktuale të avionit. "Çdo gjë ka kohën dhe vendin e vet. Ne do t'i ndryshojmë ngjyrat", shtoi Trump. Deklarata e Forcave Ajrore thotë se një avion i tretë Boeing 747-8i do të lyhet me të njëjtat ngjyra. Sekretari i Mbrojtjes Pete Hegseth pranoi zyrtarisht një avion luksoz Boeing 747 nga Katari, majin e kaluar, për t'u përdorur si Air Force One, pavarësisht pikëpyetjeve në lidhje me etikën dhe ligjshmërinë e marrjes së dhuratës së kushtueshme nga një komb i huaj. Sekretari i Forcave Ajrore Troy Meink u tha ligjvënësve qershorin e kaluar se modifikimet e sigurisë të avionit do të kushtonin më pak se 400 milionë dollarë, por nuk dha më shumë detaje. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Trump#AirForceOne