«Сөз Сізде» жобасы Қызылорда жұртының шешілмей келе жатқан мәселелерін тыңдады скачать в хорошем качестве

«Сөз Сізде» жобасы Қызылорда жұртының шешілмей келе жатқан мәселелерін тыңдады

31-арнаның "Сөз сізде" жобасы бүгін Қызылорда облысы тұрғындарының бірнеше жылдан бері шешілмей келе жатқан мәселелерін тыңдады. Олардың ішінде мүмкіндігі шектеулі жандарға мемлекет тарапынан қарастырылған міндетті көмектердің берілмей отырғаны, пәтер кезегін сарыла күтіп, кішкентай дүңгіршекте тұрып келген жалғызбасты ананың мұңы, экологиялық аймақтағы халықты алаңдатқан денсаулық мәселесі көтерілді. Тұрғындардың осы шағымына Қызылорда қалалық тұрғын үй инспекциясының басшысы Абзал Рысбек жауап береді. Кеш жарық. Абзал мырза, "Сөз Сізде" жобасына келген жандардың бірі - Марал Яссауиова 2-топ мүгедегі, жалғызбасты ана. Марал тұрақты баспанасы жоқ екенін айтады. Жалғыз қызы бар. Жарымжан әйел пәтер кезегіне тұрғанына 13 жыл болған екен. Қазір кезекте 1058-ші болып тұр екен. Бірақ кезектің алға жылжитын түрі жоқ дейді. Өзін тыңдап көрейік. МАРАЛ ЯССАУИОВА, ІІ- топ мүгедегі: – Кезек жылжымайды. 13 жыл болды. Неге соншама жыл біз кезекте тұрамыз?! Неге біз мүгедектер бірінші болып кезекте тұрмаймыз? Вокзалда қызымыз екеуіміз тұрдық. Квартира жалдай алмадым. Ал Ақмарал Ержігітованың кәмелетке толмаған үш қызының да көздері дұрыс көрмегендіктен, мүгедектік тағайындалған. Айтуынша мұндай оқушыларға мемлекет тарапынан берілуі тиіс арнайы дәптерлер болады екен. Осы оқу құралдарын былтырдан бері алмапты. Өздері сатып алуға қарсы емес, тек оны табу қиын дейді. Экранға назар аударайық. АҚМАРАЛ ЕРЖІГІТОВА, тұрғын: – Арнайы брайлдық жүйе деген бар. Көзі көрмейтін балаларға арналған. Соның дәптері былтырғы жылдың жарты жылдығынан бастап ала алмай жүрміз. Біз оны таба алмаймыз. Базардан алған дәптер жарамсыз. Ақмарал Ержігітованың айтқан мәселесіне байланысты облыстық білім басқармасының басшысы Ақзира Қасымоваға хабарласқан едік. Басқарма басшысы әуелгіде бұл проблеманы анықтаймыз, содан соң ғана жауап береміз деген болатын. Бірақ біздің эфир уақытымыз басталуға сәл қалғанда мемлекет тарапынан көзі дұрыс көрмейтін оқушыларға берілуі тиіс көмекті біз бермейміз. Сондықтан ол сұраққа жауап болиайды деп байланысқа шығудан бас тартты. Бұдан бөлек басқа да өзекті мәселелер көтерілді. Бірі жертөлесі жағымсыз иістен арылмайтын көп қабатты үйдің, бірі жұмыссыздық жайын айтты. Сондай-ақ, әйелдердің зейнет жасын қысқарту мәселесі де қозғалды. Біз алдағы уақытта да қарапайым азаматтарды толғандырған проблемаларды назарда ұстайтын боламыз. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #СөзСізде #Информбюро