Top News - Rrafshohet fabrika ruse e mikroçipave / Ukraina sulmon me Storm shadow скачать в хорошем качестве

Top News - Rrafshohet fabrika ruse e mikroçipave / Ukraina sulmon me Storm shadow

Ukraina goditi një fabrikë ushtarake "të rëndësishme" në një sulm me raketa të martën në qytetin perëndimor të Rusisë, Bryansk, tha Presidenti ukrainas Volodymyr Zelensky pasi Moska dha një numër prej gjashtë të vdekurish në sulm. Rusia ka kryer sulme pothuajse të përditshme me dronë dhe raketa mbi Ukrainën gjatë pushtimit të saj të nisur në vitin 2022, duke bërë që Ukraina të kundërpërgjigjet duke goditur infrastrukturën e Moskës, përfshirë objektet energjetike, në shenjë hakmarrjeje. "Ushtarët tanë goditën një nga fabrikat kryesore ushtarake ruse në Bryansk. Kjo fabrikë prodhonte elektronikë dhe komponentë për raketat ruse. Pikërisht ato që po godasin qytetet tona", tha Zelensky në fjalimin e përditshëm. Në një video të postuar në mediat sociale nga Shtabi i Përgjithshëm i Forcave të Armatosura të Ukrainës që supozohet se tregohet sulmi, me një ndërtesë që tronditet nga shpërthime të shumta, me tym të zi që ngrihen nga vendi. Zelensky e quajti sulmin "një përgjigje plotësisht të justifikuar ndaj agresorit". Rusia më herët akuzoi Kievin për një sulm "terrorist" në Bryansk, që tha se vrau gjashtë civilë dhe plagosi të paktën 37 persona të tjerë. Ajo nuk tha se cili ishte objektivi. Të plagosurit "u dërguan në Spitalin Rajonal të Bryanskut, ku po marrin kujdesin e nevojshëm mjekësor", tha guvernatori rajonal Aleksandr Bogomaz në Telegram. Ukraina nuk ka komentuar pretendimin për viktima civile. Bryansku, një qytet me rreth 400,000 banorë, është rreth 100 kilometra larg kufirit të Ukrainës. Ukraina përdori raketa kruiz britanike Storm Shadoë në sulm, tha ushtria e Kievit. "Njësitë e Forcave të Armatosura të Ukrainës goditën me sukses uzinën e mikroelektronikës në Bryansk Kremniy El me raketa ajrore Storm Shadoë", tha Shtabi i Përgjithshëm në një postim në mediat sociale. "Fabrika ishte e specializuar në teknologjinë gjysmëpërçuese dhe mikroçipat e integruar, të cilët janë 'truri' dhe 'sistemi nervor' i armëve moderne, përfshirë raketat Iskander", tha deklarata. Ushtria tha se kishte shkaktuar "dëme të konsiderueshme në objektet e prodhimit" në fabrikë. Në dhjetor, Ukraina tha se përdori raketat "Storm Shadoës" për të sulmuar një rafineri nafte ruse në rajonin e Rostovit, një objekt që ajo tha se ishte i përfshirë drejtpërdrejt në furnizimin e forcave të armatosura të Moskës. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Sulmi#Fabrika#Rusi