9 ವರ್ಷಗಳಲ್ಲಿ ಆರ್ಥಿಕ ಅಭಿವೃದ್ಧಿ | ತಂತ್ರಜ್ಞಾನ, ವ್ಯಾಪಾರ ವಲಯದಲ್ಲಿ ಅಭೂತಪೂರ್ವ ಸಾಧನೆ скачать в хорошем качестве

9 ವರ್ಷಗಳಲ್ಲಿ ಆರ್ಥಿಕ ಅಭಿವೃದ್ಧಿ | ತಂತ್ರಜ್ಞಾನ, ವ್ಯಾಪಾರ ವಲಯದಲ್ಲಿ ಅಭೂತಪೂರ್ವ ಸಾಧನೆ

ಕಳೆದ ಒಂಬತ್ತು ವರ್ಷಗಳಲ್ಲಿ ಕೇಂದ್ರ ಸರ್ಕಾರವು ಕೈಗೊಂಡ ದಿಟ್ಟ ನಿರ್ಧಾರಗಳ ಫಲವಾಗಿ, ಇಂದು ವಿಶ್ವದ ಒಟ್ಟು ಜಿಡಿಪಿಯ ಶೇಕಡ 70 ಭಾಗದಷ್ಟು ಮಾರುಕಟ್ಟೆ ಭಾರತೀಯ ಉತ್ಪನ್ನಗಳಿಗೆ ಮುಕ್ತವಾಗಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್‌ ಗೋಯಲ್‌ ಹೇಳಿದ್ದಾರೆ. ದೆಹಲಿಯಲ್ಲಿ ಅವರು, ಭಾರತವು ಜಾಗತಿಕ ತಂತ್ರಜ್ಞಾನ ಮತ್ತು ವ್ಯಾಪಾರ ವಲಯದಲ್ಲಿ ಅಭೂತಪೂರ್ವ ದಾಪುಗಾಲಿಟ್ಟಿದೆ. ಕಳೆದ ಒಂಬತ್ತು ಹಣಕಾಸು ವರ್ಷಗಳಲ್ಲಿ ಭಾರತವು ಒಟ್ಟು 9 ಮುಕ್ತ ವ್ಯಾಪಾರ ಒಪ್ಪಂದಗಳನ್ನು ಅಂತಿಮಗೊಳಿಸಿದೆ. ಇದರಲ್ಲಿ ಅಮೆರಿಕದೊಂದಿಗಿನ ಮಹತ್ವದ - ಬಿಟಿಎ (BTA) ಒಪ್ಪಂದದ ಮೊದಲ ಹಂತವೂ ಸೇರಿದೆ. ಇದರಿಂದಾಗಿ ಭಾರತೀಯ ರಫ್ತುದಾರರಿಗೆ ಜಾಗತಿಕ ಮಟ್ಟದಲ್ಲಿ ಆದ್ಯತೆ ದೊರೆತಿದೆ ಎಂದು ತಿಳಿಸಿದರು. ತಲಾವಾರು ಆದಾಯ 25 ಸಾವಿರ ಡಾಲರ್‌ಗಳಿಂದ ಹಿಡಿದು 2 ಲಕ್ಷ ಡಾಲರ್‌ಗಳವರೆಗೆ ಇರುವ ಶ್ರೀಮಂತ ದೇಶಗಳ ಮಾರುಕಟ್ಟೆಯನ್ನು ಭಾರತ ತಲುಪುತ್ತಿದೆ. ಇದು ದೇಶದ ರೈತರು, ಮೀನುಗಾರರು, ಎಂಎಸ್‌ಎಂಇ ವಲಯ ಮತ್ತು ಕೈಗಾರಿಕೆಗಳಿಗೆ ದೊಡ್ಡ ಅವಕಾಶಗಳನ್ನು ಸೃಷ್ಟಿಸಿದೆ. ಭಾರತವು ಕೇವಲ ಸಾಂಪ್ರದಾಯಿಕ ವ್ಯಾಪಾರಕ್ಕೆ ಸೀಮಿತವಾಗದೆ, ಭವಿಷ್ಯದ ತಂತ್ರಜ್ಞಾನಗಳಾದ ಕ್ವಾಂಟಮ್ ಕಂಪ್ಯೂಟಿಂಗ್ ಮತ್ತು ಸ್ವದೇಶಿ ಭಾಷಾ ಮಾದರಿಗಳ ಅಭಿವೃದ್ಧಿಯಲ್ಲಿ ಹೂಡಿಕೆ ಮಾಡುತ್ತಿದೆ. ಅನ್ವಯಿಕ ಕೃತಕ ಬುದ್ಧಿಮತ್ತೆ ಕ್ಷೇತ್ರದಲ್ಲಿ ಭಾರತದ ಪ್ರತಿಭಾವಂತ ಯುವಶಕ್ತಿಯು ಜಗತ್ತನ್ನು ಮುನ್ನಡೆಸಲು ಸಜ್ಜಾಗಿದೆ ಎಂದರು. ವಾಣಿಜ್ಯ ಸಚಿವಾಲಯವು ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ದಿಮೆದಾರರಿಗೂ ಜಾಗತಿಕವಾಗಿ ಅವಕಾಶ ಕಲ್ಪಿಸುತ್ತಿದೆ. ವಿಶ್ವ ವ್ಯಾಪಾರದ ಮೂರನೇ ಎರಡರಷ್ಟು ಭಾಗದಲ್ಲಿ ಭಾರತದ ಪಾಲುದಾರಿಕೆಯನ್ನು ಹೆಚ್ಚಿಸುವುದು ಈ ಉಪಕ್ರಮದ ಉದ್ದೇಶವಾಗಿದೆ ಎಂದು ಹೇಳಿದರು. #LiveDDChandanaNews #DDChandanaNews #DDChandana #DDKannada