زان الربيع | جديد جزاع المري | 2022 скачать в хорошем качестве

زان الربيع | جديد جزاع المري | 2022

كلمات : سعد الذرفي تصميم : العفراني يا عناد انا من لي ثلاثة ليالي هموم قلبي كل يومن تمسيه حاولت انا انسى ماضين قد جرالي ولو ان حله عند مخلوق ماخفيه اضحك وقلبي كن يصلاه صالي من منقدن جمر السمر يلتهب فيه لا وهني الي من الهم خالي قلبه فضيخ ولاعليه المشاريه ماعده الا مثل ساير حلالي مثل الخروف الي عراضن علابيه ان جيت اعيد الذاكره ويل حالي وان جيت للواقع جسامن بلاويه شفنا وعفنا بالسنين التوالي والوقت يامشكاي صعبن تحديه ذاقو مرارتها كرام الرجالي على رهيف الموس كلن توطيه نصبر عليها مثل صبر الجمالي لو كان حمله فوق الامتان يدميه امرن مقدر من عزيز الجلالي الواحد الي دايم الدوم نرجيه والصمت خيرن من كلامن يقالي ياصار بعض الشي مانته بقاويه وانا بدويً يالربع شف بالي اول طلوع سهيل والوسم قافيه وذعذع لنا بارد هبوب الشمالي والقيض عن راح وقفت لياليه والنار زانت شبته لدلالي كيفن لعصمان الشوارب نسويه مزعفرن يشدى لدم الغزالي هو غاية الي كاثراتن طواريه ويشعاني الي ضوح برقه يلالي برقن تلالا بالسماء عز واليه يوضي سناه بمدلهم الخيالي ذعذع له الشرقي وسبل عباريه وصوت الرعد بالمزن له جتوالي هدير هرشن والعشاير تباريه مزنه تزبر قبل وقت الزوالي يازين شوفه ياتقافت مبانيه ساق وتراكم مثل لون الجبالي بامر الكريم الواحد الي يمشيه سيله حدر للارض مع كل عالي ماناش سيله حوله من علاويه غطاء البرد جبالها وسهالي وكلن عنى من كل صوبن يراعيه وستبشرت سكانها والمفالي واليابس البالي من الجذع يحييه واليامضى تسعة وعشرة ليالي ماطالعت عينك من العشب كاسيه يجيك نبته مثل زرع الزوالي اسبوع بعد سبوع نوه يساقيه & نباته المليح هو الكحالي مثل الاصابع ساكب المزن مرويه وتلقى الزبيدي نابتن بالسهالي وصوت ام سالم ترفعه ثم ترخيه مراتعن تبني ظهور الهزالي عقب الدهر والي معه من عوانيه تستانس الفاطر بنبت المفالي عقب السموم الي كوى الحال صاليه هذي عطاي الله وساع الشمالي الضيف وان جانا ولدها نعشيه ومنها الحليب الي كما الشهد حالي فيه الشفاء سبحان ربن مسويه وزال العلف يامحسبن لريالي ماعاد تلقى واحدن منك يشريه والفضل فضل الله عزيز الجلالي الواحد المعبود ماخاب داعيه وزان الربيع وزان جو الشمالي وصارت لنا عن ضجة المدن ترفيه مستانسن فيها لو اني لحالي ومن كان ضايق عن همومه تسليه دنياك هذي للفنى والزوالي والحي منا خلفه الموت قافيه&