ព្រះបរិត្តសូធ្យ/សូធ្យមន្តសិរីសួស្តី/Chanting Khmer Dhamar скачать в хорошем качестве

ព្រះបរិត្តសូធ្យ/សូធ្យមន្តសិរីសួស្តី/Chanting Khmer Dhamar

Khmer Dhamar new year បកស្រាយ ព្រះសូត្រទាំងអស់នេះ គឺសុទ្ធតែជាព្រះពុទ្ធដីកាមាននៅក្នុងព្រះត្រៃបិដក ដែលបុរាណលោកដកយកមកចងក្រងទុកជាក្បួនច្បាប់ សម្រាប់ព្រះសង្ឃសូធ្យ ស្វាធ្យាយពេលមានពិធីក្នុងសាសនា ដែលនិយមហៅថា - ចម្រើនពុទ្ធមន្ត”។ ហើយកិច្ចចម្រើនពុទ្ធមន្តនេះមាន២ យ៉ាងគឺ សូធ្យក្នុងពេលមានទុក្ខធុរៈ ១ យ៉ាង សូធ្យក្នុងពេលធ្វើបុណ្យទានផ្សេងៗ ១ យ៉ាង ។ ឯការចម្រើនពុទ្ធមន្តទាំង ២ យ៉ាងនោះ គឺៈ ១- សូធ្យក្នុងពិធីបុណ្យទានផ្សេងៗ ដូចជាបុណ្យចូលឆ្នាំ ភ្ជុំបិណ្ឌ កឋិនទាន កតញ្ញូ ឬពេលមានពិធីមង្គលការជាដើម, គួរសូធ្យមង្គលសូត្រ បរាភវសូត្រ និង មហាសមយសូត្រ។ ព្រោះមង្គលសូត្រជាសូត្រនិយាយអំពីហេតុដែលនាំឱ្យកើត មង្គល សិរីសួស្តី មាន ៣៨ ប្រការ, ឯបរាភវសូត្រនិយាយអំពីហេតុដែលនាំឱ្យ វិនាស មាន ១២ ប្រការ ដែលព្រះពុទ្ធអង្គទ្រង់បានប្រកាសសម្តែងប្រាប់ឱ្យ សព្វសត្វបានស្គាល់នូវផ្លូវនៃសេចក្តីចម្រើន និងវិនាស កាលដឹងហើយក៏ខំព្យា-យាមដើរទៅរកផ្លូវសេចក្តីចម្រើន ដោយចៀសវាងពីផ្លូវនៃសេចក្តីវិនាស...។ ឯមហាសមយសូត្រនោះ ក្នុងអដ្ឋកថាលោកប្រាប់ថា “គឺជាសូត្រដែលជាទី ស្រឡាញ់ជាទីពេញចិត្តរបស់ពួកទេវតាទាំងឡាយព្រោះដូច្នោះ ក្នុងស្ថានទីថ្មីៗ កាលនឹងពោលនូវមង្គលក៏គប្បីពោលតែព្រះសូត្រនេះប៉ុណ្ណោះ ។ ព្រោះកាលដែលពោលនូវព្រះសូត្រនេះទៅហើយ ពួកទេវតាតែងសម្គាល់ ថា ព្រះសូត្រនេះជារបស់យើងៗ ហើយក៏នាំគ្នាមកដោយសេចក្តីស្រឡាញ់ ពេញចិត្ត កាលពួកទេវតាដែលមានស័ក្តិធំមកប្រជុំគ្នាដូច្នេះ ពួកអមនុស្សណា មានចិត្តអាក្រក់ដែលមាននៅក្នុងទីនោះ ក៏នាំគ្នាគេចចេញទៅ ជាហេតុឱ្យកើត សិរីសួស្តីដល់ទីកន្លែងនោះ និងម្ចាស់កន្លែងនោះ...។