Օպերատիվ հետախուզական մարմինների խոհանոցները մաքրվել են․ Գագիկ Ջհանգիրյանը՝ Հոկտեմբերի 27-ի մասին скачать в хорошем качестве

Օպերատիվ հետախուզական մարմինների խոհանոցները մաքրվել են․ Գագիկ Ջհանգիրյանը՝ Հոկտեմբերի 27-ի մասին

«2003թ․ քրեական գործ են հարուցում քննչական խմբի ու դատախազի դեմ և գրում են՝ հանցավոր խումբ, որը ղեկավարել է Գագիկ Ջհանգիրյանն իր քննիչների հետ։ Մեզ հանցագործ են համարել։ Դեռ գործով դատավարություն էր գնում, դատական ակտը հրապարակված չէր, դեռ անջատված մասը մեր վարույթում էր»,- «Ա1+»-ի հետ զրույցում ասում է նախկին զինվորական դատախազ Գագիկ Ջհանգիրյանը՝ անդրադառնալով Հոկտեմբերի 27-ի գործին։ Վերջինս ասում է, որ գործի քննության ժամանակ իրենք դիմել են ԱԱԾ ղեկավարին, թե արդյոք Ազգային ժողովում ձայնագրվել կամ տեսագրվե՞լ է նախկին նախագահ Ռոբերտ Քոչարյանի և Հոկտեմբերի 27-ի գործով թիվ մեկ ոճրագործ Նաիրի Հունանյանի հանդիպումը։ Պատասխանել են, որ նման գործողություն չի կատարվել։ Բայց Գ․Ջհանգիրյանը ենթադրում է, որ ձայնագրվել է։ Գ․Ջհանգիրյանին նաև հետաքրքրում է, թե արդյոք ԱԱԾ-ից կորած փաստաթղթերը վերաբերո՞ւմ են նաև Հոկտեմբերի 27-ի գործին։ Հիշեցնենք, որ վարչապետ Նիկոլ Փաշինյանը հայտարարել էր, թե ԱԱԾ-ից փաստաթղթեր են կորել։ «Ինձ հիմա շատ հետաքրքրում է, Հոկտեմբերի 27-ի օպերատիվ գործն ամբողջությամբ ԱԱԾ-ո՞ւմ է, թե ոչ։ Այդ կորած թղթերը նաև Հոկտեմբերի 27-ի՞ օպերատիվ գործից են»,- հարցնում է նախկին զինդատախազը՝ վստահություն հայտնելով, որ «օպերատիվ հետախուզական մարմինների խոհանոցները մաքրվել են»։ Ի դեպ Գ․Ջհանգիրյանը տեղեկացրեց, որ դիմելու է նաև Վճռաբեկ դատարան բեկանելու 2008թ․ Ռ․Քոչարյանի երկու հրամանագրերը, որոնցով նա ազատվում է պաշտոնից և զրկվում դասային աստիճանից։ Նա այդ երկու հրամանագրերը վիճարկել է նաև Վարչական դատարանում։ Մանրամասները՝ տեսանյութում։