ရှမ်းပြည်နယ်တောင်ပိုင်း ဆီဆိုင်မြို့မှာစစ်ကောင်စီတပ်စခန်းများကိုတော်လှန်ရေးတပ်များသိမ်းပိုက်ထားဟုဆို скачать в хорошем качестве

ရှမ်းပြည်နယ်တောင်ပိုင်း ဆီဆိုင်မြို့မှာစစ်ကောင်စီတပ်စခန်းများကိုတော်လှန်ရေးတပ်များသိမ်းပိုက်ထားဟုဆို

ရှမ်းပြည်နယ်တောင်ပိုင်း ဆီဆိုင်မြို့ ရဲစခန်းကို တော်လှန်ရေးတပ်ဖွဲ့က သိမ်းပိုက်ရရှိထားကြောင်း သိရပါတယ်။ ရှမ်းပြည်နယ် ဆီဆိုင်မြို့ လမ်းမပေါ်ရှိ စစ်ကောင်စီဂိတ်များကို ပအိုဝ်းအမျိုးသား လွတ်မြောက်ရေး အဖွဲ့ချုပ် (PNLO)နဲ့ ကရင်နီအမျိုးသား ကာကွယ်ရေးတပ်ဖွဲ့KNDF၊ PDF ပူးပေါင်းတပ်ဖွဲ့တို့ စတင်ထိုးစစ်ဆင် တိုက်ခိုက်ကာ မြို့တွင်းတိုက်ပွဲဖြစ်ပွားနေကြောင်း ဆီဆိုင်ဒေဒေသခံများပြောပြချက်အရသိရပါတယ်။ ဇန်နဝါရီလ ၂၄ ရက် နံနက်အစောပိုင်းအချိန်မှစကာ ဆီဆိုင်မြို့ရဲ့ တောင်ဘက် (၃) မိုင်ခန့်ဝေးသော ဆီဆိုင်-လွိုင်ကော် ကားလမ်းမပေါ်ရှိ ပအိုဝ်းပြည်သူ့စစ် PNO စစ်ဆေးရေးကို PNLO၊ KNDFနဲ့ PDF ပူးပေါင်းတပ်ဖွဲ့တို့ ထိုးစစ်ဆင်တိုက်ခိုက်ခဲ့ကြောင်း သိရပါတယ်။ အဲ့ဒီနောက် ဆီဆိုင်မြို့အဝင် ဆိုင်းဘုတ်အနီးရှိ စစ်ကောင်စီ ဌာနဆိုင်ရာ စစ်ဆေးရေးဂိတ်ကိုထပ်မံ တိုက်ခိုက်ပြီး ဝင်ရောက်လာရာ စစ်ကောင်စီတပ်၊ ပအိုဝ်းပြည်သူ့စစ် PNO တို့နဲ့ ထိတွေ့တိုက်ပွဲ ဖြစ်ပွားခဲ့တယ်လို့သိရပါတယ်။ ပအိုဝ်းအမျိုးသားလွတ်မြောက်ရေးအဖွဲ့ချုပ် /ပအိုဝ်းအမျိုးသားလွတ်မြောက်ရေးတပ်မတော် (PNLO/PNLA) နဲ့ စစ်ကောင်စီ လက်အောက်ခံပအိုဝ်းပြည်သူ့စစ်(PNO/PNA) တို့အကြား စစ်ရေးတင်းမာနေတဲ့ အခြေအနေမှာ ဆီဆိုင်မှာ စစ်ကောင်စီတပ်က လေကြောင်းတိုက်ခိုက်ခြင်း၊ စစ်ကောင်စီနဲ့ PNO တပ်စခန်း၊ ဂိတ်စခန်းအချို့စွန့်ခွာခြင်းတို့ဖြစ်ပွားခဲ့တယ်လို့ စစ်ဘက်ရေးရာနဲ့နီးစပ်တဲ့ ပအိုဝ်းသတင်းရင်းမြစ်က ပြောပါတယ်။ ရုတ်တရက် မြို့တွင်းတိုက်ပွဲ ဖြစ်ပွားလာတာကြောင့် ကြိုတင်ပြင်ဆင်ချိန် မရှိဘဲ ထွက်ပြေးရသူများ ရှိသလို ထွက်မပြေးနိုင်ဘဲ တိုက်ပွဲကြား ပိတ်မိနေသူများရှိလည်း ကျန်ရှိနေကြောင်းသိရပါတယ်။ တိုက်ပွဲဖြစ်ပွားနေတဲ့ ဆီဆိုင်မြို့နယ် နောင်ထော်ကျေးရွာဟာ ရှမ်း - ကယားနယ်စပ်ကို ဆက်သွဘ်ထားတဲ့ လမ်းကြောင်းလည်း ရှိနေတာကြောင့် ကရင်နီမှ စစ်ဘေးရှောင်များစွာ ခိုလှုံနေထိုင်တဲ့ ကျေးရွာလည်း ဖြစ်ပါတယ်။ စစ်ကောင်စီတပ်တွေ လေယာဉ်နဲ့ ဗုံးကြဲတိုက်ခိုက်တာကြောင့် နေအိမ်တွေမီးလောင်နေပြီး ပိတ်မိနေသူတွေရှိတယ်လို့ မြို့ခံတွေက ပြောပါတယ်။ ပြီးခဲ့တဲ့ ဇန်နဝါရီလ ၂၁ ရက်နေ့ကလည်း ဟိုပုံးမြို့နယ် မဲနယ်တောင်ဒေသအတွင်း ပအိုဝ်းအမျိုးသား လွတ်မြောက်ရေးတပ်မတော် (PNLO) တို့ လက်နက်များသယ်ဆောင်လာပြီး စံဖူးကျေးရွာရှိ စစ်ကောင်စီတပ်ဖွဲ့၊ PNO တပ်ဖွဲ့တို့နဲ့ ထိပ်တိုက်ဆိုင်ရင် ပစ်ခတ်မှုဖြစ်စဉ်အပြီး နောက်နှစ်ရက်အကြာမှာ အခုလို ဆီဆိုင်မြို့နယ် မှာတိုက်ပွဲစတင်ဖြစ်ပွားလာခဲ့တာဖြစ်ပါတယ်။ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO/PNLA) ကတော့ ပအိုဝ်းပြည်သူတွေ အတွက် လုံခြုံရေးအရ လှုပ်ရှားဆောင်ရွက်နေတာဖြစ်တယ်လို့ ဇန်နဝါရီ ၂၄ ရက်နေ့ညက ထုတ်ပြန်တဲ့ ကြေညာချက်မှာ ဖော်ပြထားပေမဲ့ စစ်ကောင်စီနဲ့ တိုက်ပွဲဖြစ်နေတာကိုတော့ ထည့်သွင်းဖော်ပြထားတာ မရှိပါဘူး။ #Political News #MizzimaTV ---------------------------------------- မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U Subscribe our channel:    / @mizzimanewstv   Follow us: Facebook | Myanmar Language   / mizzimadaily   Facebook | English language   / mizzimamyanmarnews   Facebook | Mizzima+TV   / mizzimaplustv   Twitter   / mizzimanews   Telegram https://t.me/mizzimatv Sportify https://open.spotify.com/show/0JqldUl... Get Mizzima TV App Free http://bit.ly/44WaGEU Website : https://www.mizzima.com https://www.mizzimaburmese.com https://www.mizzima.tv ..................... About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.