胡說八道會添食再開騷｜ 胡定欣避談缺席頒獎禮｜HK E News 娛樂新聞報道 скачать в хорошем качестве

胡說八道會添食再開騷｜ 胡定欣避談缺席頒獎禮｜HK E News 娛樂新聞報道

胡說八道會添食再開騷｜ 胡定欣避談缺席頒獎禮｜HK E News 娛樂新聞報道 高海寧、胡杏兒、胡定欣Nancy、黃智雯Mandy、黎諾懿、錢嘉樂同太太湯盈盈呢日盛裝出席品牌周年活動，杏兒同定欣不約而同以露背裝上陣大騷fit爆身材，盡顯女人味。早前胡說八道會成員喺美國舉行演唱會大受歡迎，佢哋已經計劃再添食，一有好消息就會公布，相信觀眾都好期待佢哋嘅合體。不過杏兒同定欣異口同聲表示最難係大家夾期，因為各自都好忙。 定欣今年缺席台慶頒獎禮因而惹嚟揣測，定欣對此避而不談，只話由去年開始拍攝《巾幗梟雄4》後，就趕往美國開騷，直至近日返港先真正休息，過去嘅日子非常忙碌，目前就計劃緊今年幾時再騷。 黃智雯離巢後簽約新經理人公司，成為資深藝人蔡少芬、朱茵等師妹，原來黃智雯同朱茵早有淵源，亦早已見過面，因為兩人同屬演藝學院畢業，黃智雯更稱朱茵做大大大師姐，而朱茵嘅同學又係佢嘅戲劇導師，所以黃智雯希望日後可以同師姐合作，未來更有意挑戰真人騷節目。 高海寧啱啱喺《萬千星輝頒獎典禮2023》獲封「最佳女配角」，佢表示因為工作太忙，生日飯同得獎慶功飯都未得閒食，要留待下月先有機會補數，但工作繁忙嘅佢依然好開心，喺演藝事業向前推進之際，高海寧就有個心願，極想挑戰精神分裂角色，盼從而呼籲大家多啲關注精神健康。 嘉樂同盈盈兩夫妻嚟撐場，早排嘉樂為劉德華監製及主演電影擔任動作導演，盈盈有帶同女兒去探班，除咗見到嘉樂嘅辛酸之外，仲見到好多震撼場面，嘉樂話大女睇完佢嘅工作之後，對爸爸多咗份敬畏，嘉樂感受到阿女好專重佢嘅行業，知道爸爸工作會有危險。 #高海寧 #胡杏兒 #胡定欣 #黃智雯 #黎諾懿 #錢嘉樂 #湯盈盈 #胡說八道會 #萬千星輝頒獎典禮2023 #最佳女配角 #蔡少芬 #朱茵 #真人騷 #新聞女王 #TVB #無綫新聞 #News #StayHome #WithMe #跟我一樣 #宅在家