Lənkəranda 3 ay davam edəcək əhalinin pulsuz tibbi müayinəsi başladı скачать в хорошем качестве

Lənkəranda 3 ay davam edəcək əhalinin pulsuz tibbi müayinəsi başladı

Lənkəranda 3 ay davam edəcək əhalinin pulsuz tibbi müayinəsi başladı Bu gündən etibarən respublika üzrə əhalinin icbari dispanserizasiyasına başlanıldı. Ölkə başçısının müvafiq sərəncamına əsasən artıq üçüncü ildir təşkil edilən tibbi müayinədə yaşı 18-dən yuxarı olan bütün vətəndaşlar iştirak edə bilirlər. Pulsuz tibbi müayinəsi Lənkəranda şəhər əhalisi üçün Müalicə Diaqnostika Mərkəzində, kənd və qəsəbələrdə yaşayanlar üçün isə səyyar formada aparılır. Lənkəranda idarə və müəssisələrdə çalışan digər rayonların sakinləri də burada müayinədən keçə bilərlər. İcbari tibbi müayinə bu gün başladığı üçün bəzi sakinlər elə tibb müəssisəsində bundan xəbər tutdular. Lənkəran Müalicə Diaqnostika Mərkəzindən bildirildi ki, əvvəlki illərin təcrübəsinə əsasən rayon sakinlərində əsasən ürək-damar, mədə-bağırsaq xəstəliklərinə daha çox rast gəlinir. Bu gün başlanan müayinələrin effektiv təşkili üçün kifayət qədər həkim-mütəxəssis cəlb olunub. Müayinələr zamanı daha ağır və Lənkəranda müalicəsi mümkün olmayan xəstəliklər aşkarlanarsa həmin şəxslər Bakıdakı tibb müəssisələrinə yola salınacaq. Kənd sakinlərinin isə şəhərə gəlməsinə ehtiyac yoxdur, onlar elə səyyar briqadalar vasitəsilə yerlərdə müayinə olunacaqlar. Bu gün ilk briqada Liman şəhər xəstəxanasında olub.” Qeyd edək ki, builki pulsuz tibbi müayinə may ayının 15-nə kimi davam edəcək.