“Fati tragjik i 7-vjeçares nga Kurbini”, babai akuza mjekëve. Drejtori Spitalit: Vdiq nga i ftohti скачать в хорошем качестве

“Fati tragjik i 7-vjeçares nga Kurbini”, babai akuza mjekëve. Drejtori Spitalit: Vdiq nga i ftohti

Nga arkiva e televizionit News24 13 shkurt, 2015 Drejtori i Spitalit të Laçit, Gazmir Dervishi, ka reaguar sot ndaj akuzave publike të familjes së 7-vjeçares Pamela Jahja, e cila humbi jetën nga pneumonia disa ditë më parë. Sipas të atit të vogëlushes, i cili foli për “News 24”, Pamelës nuk i është dhënë ndihma e duhur në Spitalin e Laçit dhe për këtë edhe ka bërë denoncim në Prokurori. Por, sipas Drejtorit të këtij institucioni, Gazmir Dervishit, ka ndodhur e kundërta. “Në radhë të parë, i jap ngushëllime kësaj familjeje nga ana ime, – tha Dervishi. – Ju falënderoj edhe ju për interesimin. Nga informacioni që kam marrë nga mjeku i rojes, rezulton që fëmija të ketë ardhur më 25 janar 2015; ka pasur një bronko-pneumoni shumë të thellë. Këtu në spital i janë dhënë të gjitha mjekimet ose ndihma e shpejtë. Duke parë se fëmijës i është përkeqësuar gjendja, ne i jemi drejtuar Lezhës; e kemi dërguar në Lezhë.” I pyetur nga gazetari i “News 24” nëse pretendimi i z.Jahja se i është dhënë mjekim i gabuar, është i padrejtë, drejtori iu përgjigj: “Absolutisht. Unë jam i hapur për çdo lloj hetimi kundrejt këtij pretendimi. Fëmijës është dhënë ndihma e parë këtu në spital.”