2025香港小姐競選｜袁偉豪結他伴奏驚喜搞喊曾閱遙 施宇琪見慣大風浪情緒冷靜 скачать в хорошем качестве

2025香港小姐競選｜袁偉豪結他伴奏驚喜搞喊曾閱遙 施宇琪見慣大風浪情緒冷靜

2025香港小姐競選｜袁偉豪結他伴奏驚喜搞喊曾閱遙 施宇琪見慣大風浪情緒冷靜 《2025香港小姐競選》14位佳麗前往檳城拍攝，除咗上山下海，仲有營火會欣賞熣燦煙花，兼食到當地娘惹菜，一班佳麗著上小背心嚟到峇都丁宜海灘睇日落，靚人配靚景，真係風光如畫。一行人由天光拍攝到天黑埋啦，由加上劉佩玥Moon同袁偉豪Ben聯同14位佳麗，喺海邊嘆椰青水，兼欣賞精彩嘅雜技表演。 喺營火會上一班佳麗除咗互相交換禮物之外，佢哋更喺阿Ben結他伴奏下唱歌，唱唱吓阿Ben突然彈起生日歌，原來佢哋夾埋為5號曾閱遙送上生日驚喜，搞到Elysia感動到落淚話自己平日好少喊，但呢個生日好難忘。1號李尹嫣覺得經過檳城之旅後，佳麗之間嘅感情變得更鞏固。阿Moon亦深深感受到一班女仔嘅友誼充滿愛。 營火晚會上有愛，亦有熣燦煙花，衝擊住各位佳麗嘅淚點，4號莫凡仲做咗大喊包，不過凡事總有例外，好似7號施宇琪就全程都好冷靜，佢話因為自己從事股票交易七年，被巿場大起大落磨練到唔會喊，連男朋友都接近3年都冇見過佢喊，但佢都珍惜大家嘅情誼。 今趟檳城之行，一班佳麗除咗友情大躍進之外，佢哋對檳城嘅娘惹文化亦有更深了解，又入鄉隨俗著上颜色鮮艷嘅娘惹裝參觀娘惹博物館，兼品嚐娘惹餐進行沉浸式體驗。 阿Ben同阿Moon旅程中對佳麗們亦改變睇法，大家心目中都有自己心水，阿Ben更笑指好耐冇接觸其他女性，所以旅程好開心，見到一班女仔咁甜嘅笑容即刻想起老婆。身旁嘅阿Moon都話睇得出阿Ben救生意欲好強，而且仲係由心笑出嚟。 #2025香港小姐競選 #檳城 #曾閱遙 #李尹嫣 #莫凡 #袁偉豪 #劉佩玥 #娘惹 #娘惹博物館 #峇都丁宜海灘 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0