“Cinayət faktıdır, deyirlər ki, deyil” | Sökülən obyektlə bağlı qalmaqal yarandı - Baku TV скачать в хорошем качестве

“Cinayət faktıdır, deyirlər ki, deyil” | Sökülən obyektlə bağlı qalmaqal yarandı - Baku TV

“Cinayət faktıdır, deyirlər ki, deyil” | Sökülən obyektlə bağlı qalmaqal yarandı - Baku TV Cəlilabad rayon sakini, 36 yaşlı Nəriman Həsənov ona məxsus qeyri-yaşayış sahəsinin qanunsuz şəkildə sökülməyə cəhd edildiyini bildirir. Baku TV-nin qaynar xəttinə müraciət edən şikayətçinin sözlərinə görə, söküntü işləri “Jalilabad Residence” tərəfindən həyata keçirilib. “Vaxtilə bu binanın tikintisi başlayarkən mənə 75 kvadratmetr sahə təklif etmişdilər. Mənim obyektim isə 21,4 kvadratmetrdir. Maddi imkanım olmadığı üçün bu razılaşmadan imtina etdim. Obyekt istifadəyə yararsız olduğu üçün fəaliyyətini dayandırmışdı. Dolanışığım çətindir. Hadisə ilə bağlı müvafiq qurumlara şikayət etmişəm. Rayon icra hakimiyyəti bildirir ki, bu məsələ onların səlahiyyətində deyil. İşlə bağlı rayon prokurorluğuna müraciət olunub. Bir il altı ay keçməsinə baxmayaraq, prokurorluq inzibati xəta kimi qiymətləndirib və cinayət tərkibinin olmadığını bildirir. Mən bu qərarla razı deyiləm və işin yenidən araşdırılmasını xahiş edirəm”, – deyə N.Həsənov qeyd edib. “Jalilabad Residence”in əməkdaşı Vüqar Fərəcov isə məsələyə belə münasibət bildirib: “Köşkün sahibi ilk olaraq bizə müraciət etmişdi. Ərazinin bizə verilməsi ilə bağlı danışıqlar aparıldı. Faktiki olaraq bildirmək istəyirəm ki, həmin köşk altında yerləşən torpaq sahəsi bizə məxsusdur. Alqı-satqı zamanı reyestr xidmətinin koordinatlarına əsasən ərazinin bizim mülkiyyətimizdə olduğu təsdiqlənib. Şəhərsalma və Arxitektura Komitəsində də bu ərazi baş plan üzrə təsdiq olunub. İlkin mərhələdə qarşılıqlı razılıq əldə olunsa da, sonradan narazılıq yarandı və qarşı tərəf hüquq-mühafizə orqanlarına müraciət etdi. Məsələyə Cəlilabad Rayon Prokurorluğunda baxıldı və prokurorluq iddianın əsassız olduğu qənaətinə gəldi”. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv ❂❂❂❂❂ 2026 © All Rights Reserved ℗ "Baku TV" LLC ™ #bakutv #bakutvxəbər baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan