الدويلة قوة المجد العظيمة | اداء : دحام الضحيك скачать в хорошем качестве

الدويلة قوة المجد العظيمة | اداء : دحام الضحيك

ذعذع الغربي وحركني نسيمه ولامست صدري نسانيس الصباحي في علوً للمداهيل القديمه وماكرً للطير خفاق الجناحي لي ثلاث ايام وافكاري محيمه وفاقدً سلوة فؤادي وارتياحي غايبً عن ساحة الشعر المقيمه الغياب وللحضور ابلا صلاحي دالهً عند الرعيل وعند ريمه وشاريً راحة ضميري وانشراحي مير للطيب يجي للقاف قيمه محتزم للعلم ومزهب سلاحي افرح اللي فيه طيب وفيه شيمه واجرح كبودً معورها نجاحي ماقطفت القاف بالارض الوخيمه من مساسً مادّرج فيها المتاحي ويش عذري من راع اليمنا الكريمه واتصالً منك جاني يافلاحي احتزم بي بالمواقيف الجسيمه صاحبك ماهو مثل وصف الضحاحي مرحبا ترحيبة الطيب السليمه مادخل فيها شكوك ولا مزاحي ياهلا ماهل فوق القاع ديمه وعد ما البرّاق وسط المزن لاحي عند ابن عمي وهو راع العزيمه احمويً باللقا ماله امناحي والكواتا مدحهم ماهو ظليمه علّم اهل الهرج والمدح السياحي يافهد لك بالوفا والطيب سيمه والتهاني لك من كرام اللواحي والكويتي ياعسى ربي يديمه المهلّي في ضيوفه من نصاحي بالفهود اهل الوفا واهل الحشيمه من ديار اخوان نوره والصباحي نمدح اهل الطيب والروس الحكيمه والحصان اللي لاجاء الميقاف صاحي والردي محروم يامال الحريمه والثناء والمدح به ماهو مباحي المديح يجوز ويجوز اتحكيمه في هل الطاله موردّت الرماحي الدويله قوة المجد العظيمه يوم دقلات السبايا والصياحي لاتعلينا معالجة الشكيمه واختلط عج الرمك والصدر فاحي فعلنا يفرق نديمً من نديمه واسمنا طول الزمن ماهوب ماحي ودنا ماحن سبب دمعة يتيمه وللصياح وللصباح وللنياحي مير قومً مارضينا ب الهزيمه من عرض بنحورنا بالكون طاحي افتخر في فعل وامجادً مقيمه في زمنّا اليوم واللي راح راحي