Top News - SHBA fajtore për sulmin mbi shkollën / Hetimi i ushtrisë tregon përgjegjësi të mundshme скачать в хорошем качестве

Top News - SHBA fajtore për sulmin mbi shkollën / Hetimi i ushtrisë tregon përgjegjësi të mundshme

Hetuesit ushtarakë amerikanë besojnë se ka të ngjarë që forcat amerikane të jenë përgjegjëse për një sulm ndaj një shkolle iraniane për vajza që vrau dhjetëra fëmijë të shtunën, por ende nuk kanë dalë në një përfundim dhe as nuk e kanë mbyllur hetimin, thanë dy zyrtarë amerikanë për Reuters. Agjencia nuk ishte në gjendje të përcaktonte më shumë detaje rreth hetimit, duke përfshirë se cilat prova kontribuan në vlerësimin paraprak, çfarë lloj municioni u përdor, kush ishte përgjegjës ose pse SHBA-të mund ta kenë goditur shkollën. Sekretari amerikan i Mbrojtjes, Pete Hegseth, pranoi të mërkurën se ushtria amerikane po hetonte incidentin. Zyrtarët, që folën në kushte anonimiteti, nuk e përjashtuan mundësinë që të dalin prova të reja që e shfajësojnë SHBA-në nga përgjegjësia dhe tregojnë një palë tjetër përgjegjëse në incident. Shkolla e vajzave në Minab, në Iranin jugor, u godit të shtunën gjatë ditës së parë të sulmeve të SHBA-së dhe Izraelit ndaj vendit. Ambasadori i Iranit në OKB në Gjenevë, Ali Bahreini, tha se sulmi vrau 150 nxënës. Sekretari amerikan i Shtetit, Marco Rubio, u tha gazetarëve të hënën se Shtetet e Bashkuara nuk do të sulmonin kurrë qëllimisht një shkollë. Forcat izraelite dhe amerikane deri më tani i kanë ndarë sulmet e tyre në Iran si gjeografikisht ashtu edhe sipas llojit të objektivit, tha një zyrtar i lartë izraelit. Ndërsa Izraeli ka goditur vendet e lëshimit të raketave në Iranin perëndimor, Shtetet e Bashkuara po sulmojnë objektiva të ngjashme në jug. Imazhet e funeralit të vajzave të martën u shfaqën në televizionin shtetëror iranian. Arkivolet e vogla u mbuluan me flamuj iranianë dhe u ngjitën mbi një kamion i cili kaloi përmes një turmë të madhe njerëzish. Sulmi i qëllimshëm ndaj një shkolle, spitali apo ndonjë strukture tjetër civile mund të jetë krim lufte sipas ligjit ndërkombëtar humanitar. Nëse do të konfirmohej roli i SHBA-së, sulmi do të renditej ndër rastet më të rënda të viktimave civile në dekadat e konflikteve të SHBA-së në Lindjen e Mesme. Pamje: AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#SHBA#Sulmi