«Վերնատուն». Միասնական ուժերով՝ գիրքը հասանելի դարձնել․ գրահրատարակչության նոր օրակարգը 23.02 скачать в хорошем качестве

«Վերնատուն». Միասնական ուժերով՝ գիրքը հասանելի դարձնել․ գրահրատարակչության նոր օրակարգը 23.02

Հայաստանի գրահրատարակչական ոլորտում նկատվում է համախմբում, և ձևավորվել է կառուցողական երկխոսություն պետության ու հրատարակիչների միջև։ Ոլորտի նոր զարգացումների շուրջ զրուցել ենք Հայաստանի հրատարակիչների ազգային ասոցիացիայի նախագահ, «Անտարես» հրատարակչության տնօրեն Արմեն Մարտիրոսյանի հետ։ Ըստ նրա՝ հրատարակիչների պատկերացումներն ու իրականությունը դեռ բավականին հեռու են իրարից, թե՛ իշխանությունների, թե՛ հանրության հետ ահռելի աշխատանք կա անելու։ Եթե ցանկանում ենք, որ Հայաստանը լինի խելացի մարդկանց պետություն, ապա պետք է գիտակցենք, որ դա ուղղակիորեն կապված է կենցաղի և դաստիարակության հետ՝ սկսած նրանից, թե տանը երեխաներն ինչ երաժշտություն են լսում, մինչև այն, թե ծնողներն ինչ գրքեր են կարդում նրանց համար կամ ինչ թեմաների շուրջ են զրուցում։ Հրատարակիչները հասկացել են, որ առանձին-առանձին հնարավոր չէ հասնել այն արդյունքին, որն ապահովում է միասնական աշխատանքը։ Սա լավ օրինակ կարող է լինել նաև այլ բնագավառների համար։ Համախմբված յոթ հրատարակչություններն ունեն այլ բիզնեսներ ու եկամուտներ, որոնք պատրաստ են ներդնել գրահրատարակչության մեջ։ Թեև ոլորտն այսօր դեռևս «խիստ վնասաբեր» է, սակայն նպատակը մեկն է՝ գիրքը դարձնել առավել հասանելի, ինչն էլ հետագայում կհանգեցնի ոլորտի շահութաբերությանը։