［彩虹冒險 서바이벌 프로젝트 Survival Project＋時空亂鬥 로스트사가 Lost Saga］Live（2025年3月31日） скачать в хорошем качестве

［彩虹冒險 서바이벌 프로젝트 Survival Project＋時空亂鬥 로스트사가 Lost Saga］Live（2025年3月31日）

你地班《彩虹冒險》死忠真係冇撚得救！《時空亂鬥》至今已經出咗13年，你地都居然未玩過，或者重來冇打算玩，成日FF《彩虹冒險》公司會出隻「3D版彩虹」？屌你老味！《時空亂鬥》其實咪就係「3D版彩虹」囉！你地冇玩過又點會明？淨係鐘意玩《彩虹冒險》，睇唔起《時空亂鬥》既人，我想講你地真係冇撚得救！你地永遠唔會知《彩虹冒險》作者點樣將彩虹重新包裝，再昇華到另一個層次！你地願意做一世「井底之蛙」既話，FINE！我唔會怪你地，我只係鄧你地可憐啫！ 《時空亂鬥》做得最錯既係，當年推出既時候，冇叫做《彩虹冒險 2》，如果你地係咁介意個名而冇興趣玩《時空亂鬥》既話，咁我想講你地係真心on9到冇朋友！作為《彩虹冒險》既親生細佬，《時空亂鬥》完美地繼承《彩虹冒險》既遊戲模式同裝備系統。 所有你喺《彩虹冒險》度玩過既野，作者會用全新既形式，重新演繹一次。當你玩咗《時空亂鬥》之後，你係會大大聲屌出黎？哇！依啲乜野黎嫁？我係咪喺度玩緊《彩虹冒險》？喂唔係喎！我玩緊《時空亂鬥》嫁喎，但點解又feel倒係《彩虹冒險》既野黎？ 你地班《彩虹冒險》死忠大部份都係食古不化的！成日將「我返黎玩《彩虹冒險》係搵返當年的情懷，重拾童年回憶，我唔想去玩一隻唔知係乜，聽都未聽過既遊戲！」其實，就係因為你地先入為主，覺得依間公司（依班作者）出既第二隻遊戲一定比唔上彩虹。你地眼界太窄喇！依班開發團隊既然可以整倒依隻令你地深深喜愛既《彩虹冒險》，你覺得後繼作品會有可能比唔上彩虹？其實玩過《時空亂鬥》既人都知，論遊戲系統同多樣化原素，時空已經根本吊打彩虹，依樣野連你班彩虹死忠都不得不承認！如果間公司出第二隻GAME，入面既野仲簡陋過前作，你估會唔會有人去捧依隻新GAME場？ 你地同我講《彩虹冒險》啲裝備既「特殊技能」好正？好過癮？我同你講，喺《時空亂鬥》入面，你想開乜野S都有得你開，咩轉圈圈，禁跑，禁近攻，三倍發射，加速鞋？依啲基本步黎嫁咋，更多唔同既招式，狀態通通都有得你體驗！《彩虹冒險》果套舊系統已經加唔倒新原素落去，我比盡佢修改啲裝既STAT，整啲咩10裝/11裝出黎，依啲都只係比你班彩虹死忠，滿足返你地以前恨咗好耐，未體驗過既野。但如果你話想玩啲新花式，一定會係《時空亂鬥》先做倒。 我成日堅持一樣野，玩得《彩虹冒險》既，如果你冇玩埋《時空亂鬥》，你係會永遠帶住一個疑問，唔好成日將「冇任何遊戲比得上彩虹」掛喺口邊，因為你宜家係隻跌咗落深井既可憐青蛙，有啲野你係要試過，你眼界先會開，先會明點解作者要出第二隻續作遊戲，同點樣延續《彩虹冒險》既精神落去，你地玩完《時空亂鬥》就會明嫁喇！信我丫！大佬！你估我流嫁咩？我個專頁Google排第一嫁，你願意去呃自己，同自己講《時空亂鬥》係唔知乜野黎，唔會好玩得過《彩虹冒險》，都唔願意去相信我依個PAGE主？ 我玩《彩虹冒險》玩咗18年喇，《時空亂鬥》都玩咗11年喇。如果依兩隻GAME係咁冇吸引力既，你估我會花咁多時間，精神落去玩佢地？我創立得依個粉絲專頁，大家都應該理解倒我對依兩隻GAME既愛係有幾深！所以大家，係時候放遠啲個眼界，接受一下新事物。我敢講你地玩咗《時空亂鬥》之後，一定會返黎多謝我介紹咗依隻GAME比你地！我好堅持一樣野，你一係兩隻GAME都唔好玩，一係就同我玩曬兩隻佢！寧做「雙修撚」，勿做食古不化既「井底之蛙」！ 想解開一切既謎團？即刻加入我地既Discord群一齊玩，有心入坑絕對唔怕遲，哪怕係已經遲咗13年？ https://discord.gg/ZFJ947wJsC