Атыраудағы қылмыс: марқұм ерлі-зайыптының қызы да күдікті деп танылды скачать в хорошем качестве

Атыраудағы қылмыс: марқұм ерлі-зайыптының қызы да күдікті деп танылды

Атырау облысы Жангелдин ауылында ерлі-зайыптылардың өлімі бойынша марқұмдардың кенже қыздары да күдікті деп танылды. Ақбаян Мұқанғалиева бұрынғы күйеуімен бірге тергелетін болады. Бұл туралы Ішкі Істер министрлігінің өкілдері мәлімдеді. Жауапты ведомствоның мәліметінше, отандастарымызды қазір елге әкелу мәселесі қарастырылып жатыр. Күні кеше 29 жастағы Сұлтан Сәрсемәлиев пен 30 жастағы бұрынғы жұбайы Индонезияның Ломбок аралында ұсталған еді. Интерпол қызметкерлері мен Қазақстан полициясы бірлесіп, іздестіру операциясын жүргізген екен. Соның нәтижесінде қашып жүрген күдіктілер қолға түскен. Құзырлы орган өкілдері олардың нақты қай уақытта шетел асқандарын анықтаймыз деп отыр. Қазір марқұм зейнеткерлердің тұңғышы Мейрамгүл Қарабалиева мен оның інісі Наурыз Мұқанғалиев іздестіріліп жатыр. Әзірге іліп алар ақпарат жоқ. Еске салсақ, былтыр желтоқсан айында бүтін бір отбасы ізім-ғайым жоғалған болатын. Төрт адамның із-түссіз кеткені туыстарын алаңдатып, олар полицияға хабар берген. Бұл оқиға күллі елдің назарында болған еді. Алтыншы қаңтарда Мақсот Қарабалин мен Нәсіп Өтешқалиеваның мәйіттері сарайдың ішінен табылған. Денесінде пышақ іздері бар ерлі-зайыптыны зейнеткерлерді күдікті жерге көміп, үстін жиһазбен жауып тастаған екен. Полиция мәліметінше, 29 жастағы осы отбасының күйеу баласы қылмысты алдын ала жоспарлап, екі адамды қасақана өлтірген. Марқұмдардың мүлкі мен қаражатын иемденген. САНЖАР ӘДІЛОВ, ҚР ІІМ орынбасары: Қазіргі таңда оларды алып келу мәселесі шешілуде. Қазіргі таңда тергеу амалдары белсенді түрде жүргізілуде. Сонымен қатар қажетті сараптамалар тағайындалып, нақты тиісті шаралар өткізілуде. Екі күдікті қазіргі таңда ұсталды. Екеуі де күдікті. #Информбюро #31арна #БастыЖаңалықтар #Новости #31канал