კვლევა უსაფრთხო ქუჩების შესახებ скачать в хорошем качестве

კვლევა უსაფრთხო ქუჩების შესახებ

„გორბის“ კვლევის მიხედვით, საქართველოში ქალები ღამით ქუჩაში სეირნობისას თავს ყველაზე უსაფრთხოდ გრძნობენ. 2026 წლის თებერვალში ქვეყნის მასშტაბით ჩატარებულმა კვლევამ 2050 ზრდასრული ადამიანი მოიცვა. დოკუმენტში საქართველოს შედეგები განსაკუთრებით საყურადღებოდ არის მოხსენიებული, რადგან ისინი ფართო გლობალურ ტენდენციებს ეწინააღმდეგება. ამ შედეგის ასახსნელად რამდენიმე ფაქტორი სახელდება: პირველი, საქართველოსთვის დამახასიათებელია არაფორმალური სოციალური კონტროლის მაღალი დონე და თემის წევრებს შორის მჭიდრო ნაცნობობა, განსაკუთრებით, საცხოვრებელ უბნებში. მეორე, კვლევის მიხედვით, ბევრ ამერიკულ თუ დასავლეთ ევროპულ ქვეყანასთან შედარებით, საქართველოში ისტორიულად ფიქსირდება ქუჩის დანაშაულისა და საჯარო სივრცეში უცნობების მიმართ ჩადენილი ძალადობრივი დანაშაულის შედარებით დაბალი მაჩვენებელი. და მესამე - შესაძლოა, გარკვეულ როლს თამაშობდეს ურბანული დაგეგმარება და სოციალური ცხოვრების სტილიც. ქართულ ქალაქებში, განსაკუთრებით თბილისსა და სხვა ურბანულ ცენტრებში, საზოგადოებრივი ცხოვრება გვიანობამდე აქტიურია. მთლიანობაში, კვლევის შედეგები საქართველოს იმ ქვეყნების რიგში აყენებს, სადაც ქალები ღამით საჯარო სივრცეში თავისუფლად გადაადგილებისას ყველაზე მაღალ თავდაჯერებულობას გამოხატავენ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.