အီရန်ကို အမေရိကန်နဲ့ အစ္စရေး ပူးပေါင်း တိုက်ခိုက် | People's Spring скачать в хорошем качестве

အီရန်ကို အမေရိကန်နဲ့ အစ္စရေး ပူးပေါင်း တိုက်ခိုက် | People's Spring

အီရန်ကို အမေရိကန်နဲ့ အစ္စရေး ပူးပေါင်း တိုက်ခိုက် အီရန်ကို တိုက်ခိုက်ခဲ့တဲ့ အစ္စရေးရဲ့ စစ်ဆင်ရေးမှာ အမေရိကန်လည်း ပါဝင်နေတယ်လို့ သမ္မတ ဒေါ်နယ်လ်ထရမ့်က အတည်ပြု ကြေညာလိုက်ပါတယ်။ အမေရိကန်နဲ့ အီရန်တို့ကြား စစ်ရေးအရ တင်းမာမှုတွေ မြင့်တက်နေတဲ့ အချိန်မှာပဲ အမေရိကန်ရဲ့ မဟာမိတ်ဖြစ်တဲ့ အစ္စရေးက ဖေဖော်ဝါရီ ၂၈ ရက်နေ့မှာ အစ္စရေးကို လက်ဦးမှုယူ စတင်တိုက်ခိုက်ပြီလို့ ထုတ်ပြန်ခဲ့ပါတယ်။ အီရန်ရဲ့ မြို့တော် တဟီရန်မှာလည်း ပေါက်ကွဲသံတွေ ဆူညံနေခဲ့ပါတယ်။ အဲဒီနောက် သိပ်မကြာခင်မှာပဲ ထရမ့်က သူ့ကိုယ်ပိုင် လူမှုကွန်ရက် မီဒီယာ ပလက်ဖောင်းဖြစ်တဲ့ Truthပေါ်မှာ ၈ မိနစ်ကြာ ဗီဒီယိုတစ်ခု လွှင့်တင်ခဲ့ပြီး အစ္စရေးနဲ့အတူ အမေရိကန်ကလည်း အီရန်ကို တိုက်နေပြီလို့ အတည်ပြုခဲ့တာ ဖြစ်ပါတယ်။ ထရမ့်က အီရန်မှာ အမေရိကန်က အကြီးစား စစ်ဆင်ရေး (major combat operation)တွေကို ဆင်နွှဲနေတယ်လို့ ပြောကြားခဲ့ပါတယ်။ ဖေဖော်ဝါရီ ၂၇ ရက်နေ့မှာ သဘောတူညီမှု မရဘဲ ပြီးဆုံးခဲ့ချိန်အထိ အီရန် နျူကလီးယား ထိန်းချုပ်ရေး ကိစ္စမှာ အမေရိကန်ဟာ ညှိနှိုင်းမှုတွေနဲ့ အဖြေရှာဖို့ အစွမ်းကုန် ကြိုးပမ်းခဲ့တယ်လို့ ထရမ့်က ဆိုပါတယ်။ ဒါပေမဲ့ အကြိမ်ကြိမ် ကြိုးစားမှုတွေ အဆင်မချောခဲ့တဲ့နောက် အခုအခါ အီရန်ရဲ့ ဒုံးကျည်တွေကို ဖျက်ဆီးပြီး ဒုံးကျည် ထုတ်လုပ်မှုနိုင်စွမ်းတွေကို လုံးဝဥဿုံ အဆုံးသတ်စေဖို့ အမေရိကန်က လုပ်ဆောင်သွားတော့မယ်လို့ ထရမ့်က ပြောကြားထားပါတယ်။ သူက အီရန်ဟာ နျူကလီးယား နည်းပညာ တိုးတက်ရေးကို ဆက်လက် အကောင်အထည် ဖော်နေသလို တာဝေးပစ် ဒုံးကျည်တွေ ထုတ်လုပ်နိုင်ရေးကိုလည်း ဆက်လက် အားထုတ်နေကြောင်း၊ အဲဒီ ဒုံးကျည်တွေဟာ ဥရောပမှာရှိတဲ့ အမေရိကန်ရဲ့ အရင်းနှီးဆုံး မဟာမိတ်တွေကိုတောင် ခြိမ်းခြောက်နိုင်စွမ်း ရှိနေကြောင်းလည်း စွပ်စွဲခဲ့ပါတယ်။ အရမ်းကောက်ကျစ် စဉ်းလဲတဲ့ အာဏာရှင်တွေက အမေရိကန်ကို ခြိမ်းခြောက်လာမယ့် အခြေအနေကို တားဆီးဖို့အတွက် အမေရိကန်ဟာ အခုလို စစ်ဆင်ရေးကြီးကို ဆင်နွှဲဖို့ ရွေးချယ်လိုက်တာလို့လည်းထရမ့်က ဆိုပါတယ်။ အစ္စရေးနဲ့ အမေရိကန်တို့ရဲ့ ပူးပေါင်းတိုက်ခိုက်မှုကို ကြုံနေရချိန်မှာပဲ အီရန်ရဲ့ အစိုးရပိုင် သတင်းဌာနတွေ အပါအဝင် နေရာတချို့မှာ ဆိုက်ဘာနည်းလမ်းနဲ့ တိုက်ခိုက်မှုတွေကိုပါ ရင်ဆိုင်နေရကြောင်းလည်း သိရပါတယ်။ အီရန်နဲ့ အစ္စရေးတို့ဟာ ပြီးခဲ့တဲ့နှစ်တုန်းကလည်း ၁၂ ရက်ကြာ စစ်ဖြစ်ခဲ့ပါတယ်။ အဲဒီတုန်းက အမေရိကန်ကလည်း အီရန်ရဲ့ နျူကလီးယား အဆောက်အအုံတွေကို ဝင်ရောက် တိုက်ခိုက် ဖျက်ဆီးခဲ့ပါတယ်။ အမေရိကန်ရဲ့ စစ်ရေးစွက်ဖက်မှု အပြီးမှာတော့ အီရန်နဲ့ အစ္စရေးတို့ အပစ်အခတ် ရပ်စဲခဲ့ပေမယ့် အခုတော့ အဲဒီ သဘောတူညီချက် ပျက်ပြယ်သွားပြီ ဖြစ်ပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA