شیعری قازی محمد دوو دانە دوو نابێ بە چوار دەبێ بە یەك ٢+٢=١ скачать в хорошем качестве

شیعری قازی محمد دوو دانە دوو نابێ بە چوار دەبێ بە یەك ٢+٢=١

لێرەدا شاعیر مەبەستێکی نیشتیمانی هەیە. کە دوو دانە دوو پەیوەندی هەیە لەگەڵ ئاواتی لە مێژینەی گەلی کورد کە پێکهێنانی وڵاتێکی سەربەخۆیە کە مەبەستی شاعیر یەکگرتنەوەی چوار پارچەی خاکی کوردستانە کە دەبێتە یەک . بەو هیوایەی تەمەن باقی بێ و بتوانین ئەو رۆژە ببینین … ئەمەی خوارەوە دەقی هۆنراوەکەیە: وەبیرمە لە مەکتەبا دەیانپرسی دوو دانە دوو دەکاتە چەن؟ هەموو تێکڕا دەیانووسی دەکاتە چوار کەچی ئەمن لە حیسابا نمرەی کەمم دەهێنا و دەهاتمە خوار ئەوەش تەنیا لەبەر ئەوەی لای من وابوو دوو دانە دوو دەبێ بەیەک ،نابێ بە چوار لای من وابوو ددان و دوو لێو و زوبان نابن بە چوار دەبن بە زار ، بە تێکڕایی دەکەن هاوار لای من وابوو دوو دەست و دوو لاقی مرۆڤ نابن بە چوار ، لە لەشێکدا وا دێنە کار لای من وابوو گەرەک ، خانوو ، کۆڵان ، شەقام نابن بە چوار ، دەبن بە شار تێیدا دەژین دەوڵەمەند و خەڵکی هەژار لای من وابوو کۆلکە و ڕیشە ، لق و گەڵا نابن بەچوار ، دەبن بە دار هێندێک کورت و هێندێک درێژ وەکو چنار لای من وابوو ئەوین و دڵ ، جوانی و پاکی نابن بە چوار ، دەبن بە یار ، لای دڵدار ئەو هەمووەی وا دوو بە دوو دەبن بە یەک نابن بە چوار یەکجار زۆرن ، بەڵام لەکوێ دێنە ژمار تەنیا ئەوەندەی دەزانم ئەگەر لەشم سەد پارچەکەن بمدەنە ژێر گولـلە و ڕەدبار ، بچمە سەر دار قسەی دڵم دێتە سەر زار کوردستان هەر وڵاتێکە و نابێ بە چوار