အမေရိကန်ပဲပုပ်ဖတ်တင်သွင်းမှုစစ်ကောင်စီကအမေရိကန်အစိုးရအာရုံစိုက်မှုရအောင်လုပ်ရပ်လို့တွေသုံးသပ် скачать в хорошем качестве

အမေရိကန်ပဲပုပ်ဖတ်တင်သွင်းမှုစစ်ကောင်စီကအမေရိကန်အစိုးရအာရုံစိုက်မှုရအောင်လုပ်ရပ်လို့တွေသုံးသပ်

အမေရိကန်ပဲပုပ်ဖတ်တင်သွင်းမှု စစ်ကောင်စီက အမေရိကန်အစိုးရအာရုံစိုက်မှုရ အောင်လုပ်ရပ်လို့လုပ်ငန်းရှင် တွေသုံးသပ်   ဖေ ဖော်ဝါရီ-၂၆၊ ၂၀၂၆။ People's Spring   စစ်တပ်လက် အောက်ခံ အသင်းအဖွဲ့လုပ်ငန်းရှင်တွေက အမေရိကန်နိုင်ငံကနေ ပဲပုပ်ဖတ်တင်သွင်းဖို့ စီစဉ်တာဟာ စီးပွား ရေးထက် အ မေရိကန်အစိုးရရဲ့ အာရုံစိုက်မှုရ အောင် စစ်ကောင်စီရဲ့ကြိုးပမ်းမှုဖြစ်တယ်လို့ လုပ်ငန်းရှင် တွေကသုံးသပ်ကြပါတယ် ။   စစ် ကောင်စီက ဒေါ်လာရှားပါးမှုအ ကြောင်းပြချက်နဲ့ ဆေးဝါးကအစ သွင်းကုန်အားလုံးတင်းကြပ်ထားတာကြောင့် ပြည်တွင်းမှာ သွင်းကုန် အားလုံးရှားပါးပြတ်လပ် နေချိန်မှာ အ မေရိကန်ဆီက တိရစ္ဆာန်အစာ ပဲပုပ်ဖတ်ကိုတကူးတက တင်သွင်းမှုအ ပေါ်ပြည်သူ တွေက ဝေဖန် နေကြပါတယ် ။   မြန်မာနိုင်ငံကို ပဲပုတ်ဖတ် ရောင်းချဖို့ အမေရိကန်တင်ပို့ရောင်းချသူနဲ့ မြန်မာဝယ်ယူသူတွေအကြား သဘောတူညီချက်အသစ် လက်မှတ်ရေးထိုးပွဲကို အမေရိကန်သံရုံးက မျက်မြင်တွေ့ကြုံခွင့်ရခဲ့တဲ့အတွက် ဝမ်းမြောက် ကြောင်း ရန်ကုန်မှာရှိတဲ့ အ မေရိကန်သံရုံးက ဖေ ဖော်ဝါရီ ၂၅ ရက်မှာထုတ်ပြန်ပါတယ်။   အခုလို မိတ်ဖက်ပူးပေါင်းဆောင်ရွက်မှု တွေက အမေရိကန်လယ်သမား တွေအတွက် ဈေးကွက်သစ် ဖော်ဆောင်ပေးတဲ့အပြင် ဒေသတွင်းမှာ ခိုင်မာတဲ့ ထောက်ပံ့ရေးကွင်းဆက် တွေနဲ့ ရေရှည်စီးပွားရေး အဆက်အသွယ် တွေကိုလည်း ပိုမိုအားကောင်းစေမယ်လို့ ဖော်ပြထားပါတယ်။ စီးပွားရေးတိုးတက်မှုကို အထောက်အကူပြုပြီး ထုတ်လုပ်သူ တွေနဲ့ ဝယ်ယူသူ တွေအတွက် အခွင့်အလမ်းသစ်တွေ ဖန်တီးပေးမယ့် ကုန်သွယ်ရေးအစီအစဉ် တွေကို ကြိုဆိုတယ်လို့လည်း အ မေရိကန်သံရုံးက ဆိုပါတယ်။   စစ်ကောင်စီက သူတို့ကို အသိအမှတ်ပြုအောင် နည်းအမျိုးမျိုးနဲ့ ချည်းကပ်နေတာလို့ သံရုံရဲ့ ပိုစ့် အောက်မှာ ပြည်သူတဦးကမှတ်ချက်ပြုပါတယ်။   တရားမဝင် အာဏာသိမ်းထားတဲ့ စစ်တပ်ရဲ့ လက်အောက်ခံ ဝန်ကြီးဌာနတွေ ,လူပုဂ္ဂိုလ်တွေနဲ့ လုပ်ငန်း တွဲလုပ်တော့မှာလား သိပါရစေခင်ဗျလို့ ပြည်သူတဦးကလည်း သံရုံး ရဲ့ ပိုစ့်အောက်မှာ မေးခွန်းထုတ်ထားတာပါ။   ပဲပုတ်ဖတ်တင်သွင်းတာဟာ အ မေရိကန်အစိုးရရဲ့ဒဏ်ခတ်ပိတ်ဆို့မှုခံထားရတဲ့ စစ်ကောင်စီက အ မေရိကန်အစိုးရဆီက အာရုံစိုက်မှုရ အောင်လုပ်တာဖြစ်နိုင်တယ်လို့ ပို့ကုန်သွင်းကုန်လုပ်ငန်းရှင်တဦး က သုံးသပ်ပါတယ်။   လမ်းကြောင်းရှည်တဲ့ ကုန်သွယ်မှုမှာ ကွန်တိန်နာ စရိတ်စက အရမ်းဈေးကြီးပြီး အခု ကုန်သွယ်မှုက ဒေါ်လာသန်းဆယ်နဲ့ချီရှိနိုင်သလို အမေရိကန်ရဲ့ အာရုံ စိုက်တာလိုချင်တာလည်း ပါလိမ့်မယ်လို့ အထက်ပါပို့ကုန်သွင်းကုန် လုပ်ငန်းရှင်က ပြောပါတယ်။   ရွေး ကောက်ခံအရပ်သားအစိုးရလက်ထက်မှာ အမေရိကန်က ပဲပုတ်ဖတ်တွေကို မြန်မာနိုင်ငံကိုတင်သွင်းခဲ့ဖူးတယ်လို့ သူကဆက် ပြောပါတယ်။ အ မေရိကန်ပဲပုတ်ဖတ်ဟာ ပရိုတင်းများတာကြောင့် တိရစ္ဆာန် အစာကျွေးရတဲ့သူတွေက ကြိုက်ကြတယ်လို့သူကဆိုပါတယ်။   လုပ်ငန်းရှင်တဦးက “မြန်မာပြည်မှာ ပဲပုတ်ထွက်ပြီး မသွင်းလည်းရတဲ့အခြေအနေ ရှိကြောင်းနဲ့ မသွင်းတာကလည်း အာဏာသိမ်းပြီး ၂၀၂၁ လောက်ကတည်းက ဖြစ်မယ်လို့ ဆိုပါတယ်။   အ မေရိကန် ပဲပုတ်ဖတ်တင်သွင်းဖို့ သ ဘောတူ လက်မှတ် ရေးထိုးတာမှာ  UMFCCI ရဲ့စိုက်ပျိုးရေး‌၊ မွေးမြူရေးနှင့် ရေလုပ်ငန်း ဖွံ့ဖြိုးတိုးတက်ရေးကော်မတီဥက္ကဌ ဦးရဲမင်း အောင် လက်မှတ် ရေးထိုးပါတယ်။ ဦးရဲမင်း အောင်က မြန်မာနိုင်ငံဆန်စပါးလုပ်ငန်းရှင်များအသင်းရဲ့ဥက္ကဌလည်းဖြစ်ပြီး စစ်တပ်အတွက် ဆန်စပါး၊ဖွဲ့နုတင်ပို့မှု တွေက နေ နှစ်စဥ် ဒေါ်လာသန်းရာချီရ အောင် လုပ် ပေး နေတဲ့သူလို့ လုပ်ငန်းရှင် တွေက ပြောပါတယ်။   ရှမ်းပြည်နယ်က ကုန်သည်တဦးက တော့ စစ် ကောင်စီက အ မေရိကန်နဲ့ ကုန်သွယ် ရေးလုပ်ဖို့ကြိုးစား နေတာဟာ တရုတ်အစိုးရကို ဒေါသထွက် စေနိုင်တယ်လို့သုံးသပ်ပါတယ် ။   “တရုတ်က စကစ အမေရိကန်ဘက် ယိမ်းသွားမှာကို စောင့်ကြည့်နေတာ။ ယိမ်းတာနဲ့ တမျိုးကစားမှာပဲ။ အခု ကုန်သွယ်တဲ့ သတင်းကို အမေရိကန်သံရုံးက ထုတ်တာကိုက ထူးတာ။ တရုတ်ကို ဒေသထွက်စေမှာ။ နယ်စပ်ကုန်သွယ်ရေးကိုပါ ပြန်တင်းကျပ်ပြီး စကစကို ပညာပြနိုင်တယ်"လို့ သူကဆိုပါတယ်။   လက်ရှိမှာတရုတ်နှစ်သစ်ကူးရက်ဖြစ်တာကြောင့် မြန်မာ-တရုတ်နယ်စပ်က မူဆယ်၊ချင်းရွှေဟော်နယ်စပ်ဂိတ် တွေကနေ ကုန်စည်သယ်တာကို တရုတ်က ရပ်ထားပါတယ်။ ကုန်သွယ်တဲ့အခါလည်း ဆေးဝါးတွေ နဲ့ စက်သုံးဆီတင်သွင်းတာကို အထူးတင်းကျပ်ထားပြီး စားသောက်ကုန်သာ အဓိက တင်သွင်းတာလို့ သိရပါတယ်။   စစ် ကောင်စီက အ မေရိကန်ကနေ ပဲပုတ်ဖတ်တင်သွင်းမှုကို သတိထား စောင့်ကြည့်ရမှာဖြစ် ပေမယ့် မစိုးရိမ်းကြဖို့ ဖောက်ဖျက်မှု တွေရှိလာရင်လွှတ် တော်ကိုအ ကြောင်းကြားရမယ်လို့ နွေဦး တော်လှန် ရေးနဲ့ပတ်သက်တဲ့ ဆောင်းပါး တွေကို နိုင်ငံတကာသတင်းဌာန တွေမှာ ပုံမှန်ရေးသား နေတဲ့ ဦးဂျမ်းစ် ရွှေက ဖေ့စ်ဘွခ်မှာ ရေးထားပါတယ် ။   အ မေရိကန်အစိုးရက စစ်ကောင်စီနဲ့ခရိုနီ တွေအ ပေါ် အ ရေးယူဒဏ်ခတ်မှုဟာ ဆက်ရှိ နေပြီး ပိတ်ဆို့အရေးယူမှု စည်းမျဉ်းများအောက်မှာ စားနပ်ရိက္ခာနဲ့သက်ဆိုင်တဲ့ ကုန်သွယ်မှုအဖြစ် ကန့်သတ်ခွင့်ပြုထားတာ ဖြစ်တယ်လို့ ဦးဂျိမ်းစ် ရွှေက ဆိုပါတယ်။ ဒါဟာ အ မေရိကန်ကစစ်ကောင်စီကို နိုင်ငံရေးအရ ပုံမှန်ဆက်ဆံရေးပြန်လည်ထူထောင်တာလည်း မဟုတ်သလို ထောက်ခံအားပေးတာလည်း မဟုတ်ဖူးလို့ သူ ရေးသားထားပါတယ်။ စစ် ကောင်စီက တော့/ အ မေရိကန်အစိုးရနဲ့ထိ တွေ့ဆက်ဆံနိုင်ဖို့ လော်ဘီကုမ္ပဏီ တွေကို ဒေါ်လာသန်းချီ ပေးပြီးငှားရမ်းထားပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA