जपानचे माजी पंतप्रधान शिंजो आबे यांच्या निधनाबद्दल तीव्र शोक व्यक्त скачать в хорошем качестве

जपानचे माजी पंतप्रधान शिंजो आबे यांच्या निधनाबद्दल तीव्र शोक व्यक्त

दि.०८.०७.२०२२ : राष्ट्रपती रामनाथ कोविंद यांनी आबे यांच्या निधनाबद्दल दु:ख व्यक्त केलं आहे. आबे यांच्या निधनाच्या वृत्तावर विश्वास बसत नाही, असं ते म्हणाले. पंतप्रधान नरेंद्र मोदी यांनी जपानचे माजी पंतप्रधान शिंजो आबे यांच्या निधनाबद्दल तीव्र शोक व्यक्त केला आहे. आपल्या अतिशय प्रिय मित्रांपैकी एक असणाऱ्या, आबे यांच्या मृत्यूमुळे, मी स्तब्ध आणि आणि दु:खी झालो आहे. ते एक महान जागतिक नेते आणि प्रशासक होते. त्यांनी जपान तसंच जगाला अधिकाधिक चांगलं बनवण्यासाठी, स्वत:चं जीवन समर्पित केलं, अशा शब्दात, मोदी यांनी, आबे यांना श्रध्दांजली वाहिली आहे. आबे यांच्याप्रती, सन्मान व्यक्त करण्यासाठी, शनिवारी ९ जुलैला, एक दिवसाचा राष्ट्रीय दुखवटा पाळला जाईल, असं मोदी यांनी म्हटलं आहे. आबे यांच्याबरोबर, आपले गेल्या अनेक वर्षांपासून, अतिशय प्रगाढ संबंध होते. गुजरातचं मुख्यमंत्री पद भूषवत असताना, त्यांच्याशी प्रथम ओळख झाली आणि पंतप्रधान झाल्यानंतर, ही मैत्री विस्तारली. अर्थव्यवस्था आणि जागतिक मुद्यांवर, त्यांची दूरदृष्टी आपल्याला नेहमीच प्रभावित करुन गेली,असंही, मोदी यांनी ट्विटरवर म्हटलं आहे. भारताबरोबरची मैत्री आणि घनिष्ट संबंध, यांचं स्मरण करत, मोदी यांनी, आबे यांच्या आठवणींना उजाळा दिला आहे. २०१५ साली, मोदी यांनी, आबे यांना आपल्या वाराणसी मतदारसंघाची भेट घडवून आणली होती. गंगाआरती पाहून, आबे भारावून गेल्याचं, त्यांनी सांगितलं. आपल्या गेल्या जपान दौऱ्यात, आबे यांची भेट झाली. जपान-भारत संघाचं अध्यक्षपद, त्यांनी नुकतंच स्वीकारलं होतं. मात्र, तेव्हा ही अखेरची भेट ठरेल, याची आपल्याला पुसटशीही कल्पना नव्हती, असंही त्यांनी लिहिलं आहे. आबे हे अतिशय प्रेरणादायी नेते होते. भारत जपान द्विपक्षीय संबंध अधिक दृढ करणारे, अतिशय निकटचे स्नेही आपण गमावले आहेत, अशा शब्दात, संरक्षणमंत्री राजनाथ सिंह यांनी, आपल्या शोकभावना व्यक्त केल्या आहेत. आबे यांच्या निधनाबद्दल, जगभरातल्या नेत्यांनी तीव्र दु:ख व्यक्त केलं आहे.