StarTalk一氣呵成版丨古天樂讚蘇悅弦係天才演員 游學修潘燦良了解救護員嘅不容易 скачать в хорошем качестве

StarTalk一氣呵成版丨古天樂讚蘇悅弦係天才演員 游學修潘燦良了解救護員嘅不容易

StarTalk一氣呵成版丨古天樂讚蘇悅弦係天才演員 游學修潘燦良了解救護員嘅不容易 觀人於微嘅 古天樂 ，呢日同新片兩位拍檔 潘燦良 同 游學修 作客《StarTalk》，不過當古仔見到着住馬甲現身嘅主持 王鎮泉 時，就即刻話覺得佢呢個造型好似要去打桌球咁，仲話每次接受泉叔嘅訪問，對方都一定係着住馬甲現身，又叫泉叔唔好將呢段剪走，搞到泉叔哭笑不得。 今次新片以救護員為題材，古仔就話吸引佢拍嘅原因，就係對救護員嘅認知唔多，所以想探討一下呢個行業。潘燦良就指拍攝前對救護員嘅工作同流程唔太熟悉，所以喺正式開拍片都有做研究一下，又有跟真實嘅救護員去了解佢哋嘅術語、抬擔架嘅步驟及姿勢等。阿修就指救護員唔係喺鎂光燈之下，而自己就因為呢次拍攝而認識多咗佢哋嘅專業，並唔係好似戲中對白「數下脈搏就收工」嘅職業。 繼《明日戰記》後，古仔喺戲中再與小演員蘇悅弦合作飾演父女，但古仔話其實係《送院途中》拍先嘅，佢又讚蘇悅弦係天才演員，無論有幾多對白，定係要佢做啲咩表情，蘇悅弦都可以即刻做到。而最令古仔驚喜嘅係，有日兩父女拍一場居家戲時，蘇悅弦見古仔唔講嘢，於是就走埋去同佢傾偈，仲問古仔係咪外星人嚟，就係呢個問題令古仔決定揾蘇悅弦拍《明日戰記》，阿修就笑言蘇悅弦呢個行為係搲撈呀。 好多人都話動物同小朋友係最難拍嘅，但同過唔少小演員合作嘅古仔，就分享自己同小朋友嘅相處方法，點樣可以勾起小朋友嘅好奇心。 游學修就指自己近年接觸嘅小演員個個演技都好犀利，仲話自己喺對方呢個年紀時，一定做唔到佢哋咁叻，笑言做戲對一眾小演員嚟講好似一件好輕鬆嘅事咁。阿修話同小朋友相處時，會當佢哋係一個大人。 至於講到同古仔、燦哥兩位前輩合作，阿修就話有一種男人嘅浪漫喺入面。提到戲中阿修因為同古仔鬧交而打爆鏡一幕，古仔就話自己當下都嚇親，不過當事人阿修就話冇咩特別，仲笑言又唔係打古仔，如果係打佢嘅話可能會再大力啲呀。 講到佢哋印象最深嘅一幕，燦哥就話係一場拍救護車內嘅戲，畀人感覺就好似一架車乘載住三代人。古仔就指最後一場一鏡到底嘅戲份係最難拍，同時亦係佢最難忘嘅一場。 今次電影以救護員作為題材，古仔表示希望觀眾睇完呢齣電影後，可以有更多人了解到呢個職業同時，亦了解到救護員肩負住嘅壓力同付出。 #StarTalk #古天樂 #游學修 #潘燦良 #送院途中 #一氣呵成版 #王鎮泉 #馬甲泉 #打桌球 #救護員 #男人的浪漫 #一鏡到底 #打爆玻璃 #蘇悅弦 #天才演員 #明日戰記 #數下脈搏就收工 #搲撈 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0