കനകധാരാസ്തോത്രം / ധന്യം നവരാത്രി - ദേവീസ്തുതി - 6 / Kanakadhara Stotram / Supatha / Dr Syam Malayil скачать в хорошем качестве

കനകധാരാസ്തോത്രം / ധന്യം നവരാത്രി - ദേവീസ്തുതി - 6 / Kanakadhara Stotram / Supatha / Dr Syam Malayil

Copyright reserved** 🪔സുപഥ-Supathā: The righteous path to self realization🪔 🕉ധന്യം നവരാത്രി - ദേവീസ്തുതി 6🕉 🪔കനകധാരാസ്തോത്രം - ശങ്കരാചാര്യവിരചിതം🪔 🍀ശ്ലോകം 1🍀 വിഷ്ണുഭഗവാൻ്റെ രോമാഞ്ചമണിഞ്ഞ ശരീരത്തിൽ, പൂമൊട്ടുകളണിഞ്ഞുനില്ക്കുന്ന പച്ചിലമരത്തിന്മേൽ പെൺവണ്ടെന്നപോലെ കളിയാടിക്കൊണ്ടിരിക്കുന്നവളും സകല ഐശ്വര്യങ്ങളും സ്വായത്തമാക്കിയവളുമായ മംഗലദേവതയുടെ (മഹാലക്ഷ്മീദേവിയുടെ) കടക്കൺ നോട്ടം എനിക്ക് മംഗളപ്രദമായി ഭവിക്കട്ടെ. 🍀ശ്ലോകം 2🍀 ശ്രേഷ്ഠമായ കരിങ്കൂവളപ്പൂവിന്മേൽ പെൺവണ്ടെന്നതുപോലെ മഹാവിഷ്ണുവിൻ്റെ തിരുമുഖത്തിൽ അനുരാഗലജ്ജാഭാര ത്തോടുകൂടി വീണ്ടും വീണ്ടും ഗതാഗതം ചെയ്തുകൊണ്ടിരി ക്കുന്നവളും അതിമനോഹരിയും പാലാഴിമങ്കയുമായ മഹാലക്ഷ്മിയുടെ ആ കടാക്ഷവിലാസം എനിക്കു സമ്പത്ത് നൽകട്ടെ. 🍀ശ്ലോകം 3🍀 സന്തോഷത്തോടുകൂടി വിഷ്ണു ഭഗവാനെ നോക്കിക്കൊണ്ടി രിക്കുമ്പോൾ, കാമപാരവശ്യത്താൽ പകുതിയടഞ്ഞും ആനന്ദംമൂലം മന്ദഗതിയായും ഔത്സുക്യം നിമിത്തം നിമേഷമില്ലാത്തതായും(ഇമവെട്ടാത്തതും)കാമാധീനമായും കോണിച്ചിരിക്കുന്ന കൃഷ്ണമണിയോടു കൂടിയുമുള്ള മഹാലക്ഷ്മിയുടെ മോഹനനേത്രങ്ങൾ എനിക്കു ഐശ്വരത്തെ തരുമാറാകട്ടെ. 🍀ശ്ലോകം 4🍀 മധുവൈരിയായ മഹാവിഷ്ണുവിൻ്റെ കൗസ്തുഭരത്നമണി ഞ്ഞിരിക്കുന്ന മാറിടത്തിൽ ഇന്ദ്രനീലനിർമ്മിതമായ ഹാരാവലിപോലെ വിളങ്ങുന്നതും , ഭഗവാനുപോലും സർവാഭീഷ്ടങ്ങളും കൈവരുത്തുന്നവളുമായ മഹാലക്ഷ്മീ ദേവിയുടെ ആ കടാക്ഷമാല എനിക്കു മംഗളം നൽകുമാറാകട്ടെ. 🍀ശ്ലോകം 5🍀 മഹാവിഷ്ണുവിൻ്റെ മേഘശ്യാമളമായ തിരുമാറിടത്തിൽ കാർമുകിലിൽ മിന്നൽപ്രഭപോലെ വിളങ്ങുന്നവളും,ആ സർവലോകജനനിയായ ലക്ഷ്മിദേവിയുടെ മഹനീയമായ കടാക്ഷം എനിക്കു മംഗളങ്ങളെത്തരുമാറാകട്ടെ. 🍀ശ്ലോകം 6🍀 സർവ്വമംഗളങ്ങൾക്കുമിരിപ്പിടമായ വിഷ്ണു ഭഗവാനിൽ ഒന്നാമ തായി കാമദേവൻ സ്ഥാനം പിടിച്ചതു യാതൊന്നിൻ്റെ പ്രഭാവം കാരണമായിട്ടാണോ ആ മഹാലക്ഷ്മിയുടെ ലജ്ജാലസമായ അരക്കൺ നോട്ടം എന്നിൽ അല്പമൊന്നുപതിക്കുമാറാകണമേ. 🍀ശ്ലോകം 7🍀 വിശ്വേന്ദ്രപദവിയോ അമരേന്ദ്രപദവിയോ തരുവാൻ സമർത്ഥയും മധുദ്വേഷിയുമായ മഹാവിഷ്ണു ഭഗവാനുപോലും അത്യധികം ആനന്ദത്തിനു കാരണഭൂതയും നീലത്താമര പ്പൂവിൻ്റെ അന്തർദളത്തിൻ്റെ നിറത്തിനൊത്ത നിറമുള്ള തുമായിരിക്കുന്ന മഹാലക്ഷ്മിയുടെ അർദ്ധകടാക്ഷം ക്ഷണനേരത്തേക്ക് എന്നിൽ പതിക്കണമേ. 🍀ശ്ലോകം 8🍀 വിശിഷ്ടമതികളായ ഭക്തന്മാർ ആരുടെ നോട്ടം ലഭിക്കുമ്പോൾ സ്വർഗ്ഗപദത്തെ സുലഭമായി പ്രാപിക്കുന്നുവോ, താമരയുടെ അന്തർഭാഗത്തിനൊത്ത ദീപ്തിയോടുകൂടിയ ആ മഹാലക്ഷ്മി യുടെ ദൃഷ്ടി എനിക്കു ശ്രേയസ്സിൻ്റെ പുഷ്ടിയെ ചെയ്യുമാറാകട്ടെ. 🍀ശ്ലോകം 9🍀 മഹാലക്ഷ്മിയുടെ കണ്ണാകുന്ന മേഘം ദയയാകുന്ന കാറ്റിനാൽ പ്രേരിപ്പിക്കപ്പെട്ട് ദുഷ്കർമമാകുന്ന ഗ്രീഷ്മ സന്താപത്തെ അകറ്റി ദാരിദ്ര്യാർത്തിയാൽ വലയുന്ന ഈ പക്ഷിക്കുഞ്ഞിൻ്റെ പാപംകൊണ്ടുളള ചൂടിനെ എന്നേക്കുമായി അകറ്റിയിട്ട് സമ്പത്താകുന്ന ജലധാരയെ വർഷിക്കുമാറാകണമേ! 🍀ശ്ലോകം 10🍀 സൃഷ്ടി, സ്ഥിതി , പ്രളയം, സിദ്ധി എന്നിവയ്ക്കായി സരസ്വതി, ലക്ഷ്മി, ശാകംഭരി , ശങ്കരി എന്നിങ്ങനെ സ്ഥിതി ചെയ്യുന്നവളും അവാച്യമായ മഹിമാതി ശയത്തോടു കൂടിയവളുമായ ത്രൈലോക്യനാഥൻ്റെ പത്നിക്ക് നമസ്കാരം. 🍀ശ്ലോകം 11🍀 ശുഭകർമ്മഫലപ്രദായിനിയായ വേദസ്വരൂപിണിക്ക് നമസ്കാരം. സകലരമണീയഗുണങ്ങൾക്കും ആശ്രയസ്ഥാനമായ രതിസ്വരൂപിണിക്ക് നമസ്കാരം. താമരപ്പൂവിൽ വസിക്കുന്നവളായ ശക്തിസ്വരൂപിണിക്ക് നമസ്കാരം. വിഷ്ണുവല്ലഭയായ പുഷ്ടിസ്വരൂപിണിക്കു നമസ്കാരം. 🍀ശ്ലോകം 12🍀 താമരപ്പൂപോലെയുളള മുഖത്തോടുകൂടിയവളും , പാലാഴിയിൽ പിറന്നവളും ചന്ദ്രൻ്റെയും അമൃതിൻ്റെയും സഹോദരിയുമായ ശ്രീനാരായണ വല്ലഭയ്ക്കായി നമസ്കാരം. 🍀ശ്ലോകം 13🍀 സ്വർണ്ണപത്മമാകുന്ന പീഠത്തിൽ സ്ഥിതിചെയ്യുന്നവളും ഭൂമണ്ഡലനായികയും ദേവാദികളിലും പരമകാരുണിയും ശാർങ്ഗായുധവല്ലഭയുമായ ലക്ഷ്മീദേവിക്കു നമസ്കാരം. 🍀ശ്ലോകം 14🍀 ഭൃഗുപുത്രിയും,വിഷ്ണുദേവൻ്റെ മാറിടത്തിൽ സ്ഥിതിചെയ്യുന്നവളും താമരപ്പൂവിൽ വസിക്കുന്നവളും ദാമോദരവല്ലഭയുമായ ലക്ഷ്മീദേവിക്കു നമസ്കാരം. 🍀ശ്ലോകം 15🍀 കമലേക്ഷണയും കാന്തിസ്വരൂപിണിയും ജഗന്മാതാവും ശ്രേയഃസ്വരൂപിണിയും ദേവാദികളാൽ പൂജിക്കപ്പെടുന്നവളും ശ്രീ കൃഷ്ണൻ്റെ പ്രിയതമായായ രുഗ്മിണിയുടെ സ്വരൂപത്തോടു കൂടിയവളുമായ ലക്ഷ്മീദേവിക്കു നമസ്കാരം. 🍀ശ്ലോകം 16🍀 താമരക്കണ്ണുള്ള അമ്മേ, അവിടുത്തേക്കായി ചെയ്യുന്ന വന്ദനങ്ങൾ സമ്പത്തു വർദ്ധിപ്പിക്കുന്നതും ഇന്ദ്രിയങ്ങളെ ആനന്ദിപ്പിക്കുന്നതും സാമ്രാജ്യവിഭവങ്ങൾ നൽകുന്നവയും ദുരിതങ്ങളെയില്ലാതാക്കുന്നതുമായി ഭവിക്കുന്നു. ബഹുമാന്യേ, നിരന്തരം എന്നെ അനുഗ്രഹിക്കേണമേ. 🍀ശ്ലോകം 17🍀 അല്ലയോ ദേവി! അവിടുത്തെ കൃപാകടാക്ഷത്തിനായി ദേവിയെ ആരാധിക്കുന്ന ഭക്തന് സമ്പത്തും സമൃദ്ധിയും കൈവരുന്നു. മഹാവിഷ്ണുവിൻ്റെ മാനസം കവർന്ന അല്ലയോ രാജ്ഞി, അങ്ങയുടെ മുൻപിൽ എൻ്റെ ചിന്താ-വാക്-പ്രവൃത്തികൾക്കൊണ്ട് നമസ്കാരം. 🍀ശ്ലോകം 18🍀 താമരയിൽ സ്ഥിതി ചെയ്യുന്നവളും തൃക്കയ്യിൽ താമരപ്പൂവച്ചുകൊണ്ടിരിക്കുന്നവളും നിർമ്മലവസ്ത്രങ്ങളാലും ഗന്ധമാല്യങ്ങളാലും ശോഭിക്കുന്നവളും വിഷ്ണുപ്രിയയും ത്രിഭുവനസമ്പൽപ്രദായിനിയും മനോജ്ഞയും ഹരിവല്ലഭയുമായ ഭഗവതി, എന്നിൽ പ്രസാദിച്ചാലും. 🍀ശ്ലോകം 19🍀 ദിഗ്ഗജങ്ങളാൽ സ്വർണകുംഭങ്ങളാകുന്ന മുഖത്തു നിന്ന് പൊഴിയുന്ന ഗംഗയിലെ നിർമലവും ചേതോഹരവുമായ ജലം കൊണ്ട് അഭിഷിക്തയായവളും സമസ്ത ലോകത്തിനും നാഥനായിട്ടുള്ളവൻ്റെ കുടുംബിനിയായവളും അമൃതസാഗര ത്തിൻ പുത്രിയുമായ ജഗന്മാതാവിനെ ഞാൻ പ്രഭാതത്തിൽ കൈവണങ്ങുന്നു. ( Description ൽ സ്ഥലം തികയാത്തതിനാൽ 20, 21, 22 ശ്ലോകങ്ങളുടെ അർത്ഥം Comment box ൽ നൽകിയിട്ടുണ്ട് ) 🪔🪔🪔🪔🪔🪔🪔🪔🪔🪔🪔🪔🪔🪔🪔 **Copyright -: All the content published in this channel is protected under copyright law and should not be used or reproduced in full or part , without creator's (Dr Syam Malayil alias Dr. Syam M S) prior permission. The right and credit of photos and background music is reserved to its respective creators. Special credits to Pinterest.com for pictures & Yellowtune youtube channel for royalty free music. For queries feel free to contact in our mail id - : supathaschoolktm@gmail.com Ph: 8089462210