【士多老店】蛋卷老店飄香40年 西環齒來香結業😭 скачать в хорошем качестве

【士多老店】蛋卷老店飄香40年 西環齒來香結業😭

伙計寫呢段字嘅時候，心情好複雜。 有40年歷史嘅齒來香係士多嘅供應商，但作為真。西環街坊嘅伙計，早喺加入士多之前，同好多西環街坊一樣，多年來同齒來香建立咗深厚感情。 每當經過第三街，總會被一陣陣嘅蛋卷香吸引🤤，忍唔住走入齒來香最少半個鐘先行返出嚟，同老闆娘萬太閒話家常，仲成日講笑，叫萬太收我為徒。😋 【街坊：你去到邊，我哋跟到邊。唔使驚呀！】 點知，上星期六突然傳出齒來香頂唔順加租，做到今個11月28號就唔做嘅消息，真係震驚西環😱。到星期日好多街坊仆落去，迫爆呢間舖仔。當日看舖嘅萬太家姐陳小姐一邊應付人潮，一邊同街坊講不捨之情，講講吓就喊。😭 【加租，就係無奈】😔 伙計今日再去搵萬太👩🏻做訪問，9點一開舖萬太同老公👨🏻已經埋位，喺30度高溫嘅爐前面開工，一個做鳳凰卷、一個做蛋卷。💦💦如此這般，朝9晚7日復日、年復年，守住老爺嘅手藝以及街坊嘅味道。🤲🏻 「我老公19歲入行，而家佢57歲，做咗38年。我20歲嫁俾佢就開始幫手，已經做咗30年。辛苦？而家天氣涼還好，天氣熱差少少。但我哋有咩未經歷過，以前喺街邊鐵皮檔做都係咁啦。」萬太講得輕描淡寫，但話晒做咗咁多年，講到要結業，都係無奈。😔 「唔捨得街坊都無法啦，業主加租，計唔掂條數。我萬一應承簽咗約，就要每個月為咗咁跑數，太辛苦喇，唯有唔做，做到今個月11月28號就結業。」 【唔好到失去先珍惜❤️】 見住萬太兩公婆密密手咁捲，以熟練嘅手工賺取微薄利潤去支撐一間小舖。由鐵皮檔搬入舖已經18年，撐到今日終於因為加租頂唔順。 「香港人真係要多啲支持小店！人就係咁，無咗先嚟珍惜。幾時再開？可能年半後，辛苦咗幾十年，可能係天意要我哋抖抖啦。或者年半之後，舖租如果回落返啲，會開間細細哋嘅舖，門市做少量貨，應付吓街坊，主要網上賣啦。」 萬太話而家為咗應付街坊嘅需求，已經唔會再接士多柯打。😭伙計收到風，會有一批少量嘅齒來香蛋卷短期內返貨，你可以入去呢個page👉🏻👉🏻：http://bit.ly/2PMQHFP，㩒定「返貨通知」，一有貨就會收... #撐小店 #香港製造 #蛋卷 #齒來香 #一萬個不捨 #當香港只剩連鎖店 #士多 #Ztore #士多一種選擇