အာဏာစက် _ မောရိသျှ скачать в хорошем качестве

အာဏာစက် _ မောရိသျှ

ဒီစာအုပ်ကို ယဟူဒီလူမျိုးဖြစ်တဲ့ စာရေးဆရာ Robert Greene ကရေးသားထားတာဖြစ်ပါတယ်။ ဘာသာပြန်သူက မောရိသျှဖြစ်ပါတယ်။ လူတွေကြားထဲ သွားလာလှုပ်ရှားတဲ့အခါ သိမ်ငယ်စိတ်၊ အရေးမပါဘူးလို့ ထင်နေတဲ့စိတ်တွေဖြစ်တတ်ပါတယ်။ တစ်ခါတစ်လေ အာဏာပြတာတဲ့သူတွေကို အမြင်ကတ်ကြပေမဲ့ အာဏာမပြ၊ သြဇာမညောင်းတဲ့သူကိုလည်း “အသုံးမကျသူ” လို့ သတ်မှတ်တတ်ကြပြန်ပါတယ်။ အဲ့ဒီလို ဖြစ်ပျက်တတ်တဲ့ ခေတ်ကြီးထဲမှာ တရားသူကြီးတစ်လှည့်၊ အာဏာရှင် တစ်လှည့် သရုပ်ဆောင်ကောင်းကောင်းနဲ့ လူတွေရဲ့စိတ်ကို လှည့်စားနိုင်ဖို့အတွက် နည်းဥပအဒေသ ၄၈ ရပ်အကြောင်းကို ရေးသားထားတာ ဖြစ်ပါတယ်။ US ထောင်မှာ ဒီစာအုပ်ဖတ်ရှုခွင့်ကို ပိတ်ထားပါတယ်။ ဒီစာအုပ်ထဲမှာ တစ်ဖက်လူအပေါ် လူလည်ကျနည်းတွေနဲ့ လူတွေရဲ့စိတ်ကိုလှည့်စားပြီး ဘယ်လိုအာဏာသက်ရောက်အောင် လုပ်ဆောင်ရမလဲဆိုတဲ့ အချက်တွေပါဝင်နေတာဖြစ်ပါတယ်။ နည်းဥပဒေသ ၄၈ ရပ်ထဲက တစ်ချို့အချက်အလက်တွေကို ကျွန်မက အနည်းငယ် ဝေမျှသွားချင်ပါတယ်။ 1. သူ့ထက်သာကြောင်း မပြပါနဲ့။ ထူးချွန်ကြောင်းပြချင်ရင် အပိုမလုပ်ဘဲ ပုံမှန်အတိုင်းနေပါ။ ကိုယ့်ထက်သာတဲ့လူတွေက ကိုယ့်အပေါ် မျက်နှာသာပေးတယ်ဆိုတိုင်း ဘာမဆိုလုပ်လို့ရပြီလို့ မယူဆဘဲ အနေအထိုင်ဆင်ခြင်ရပါမယ်။ 2. လိုတာထက် ပိုမပြောနဲ့။ လူထင်ကြီးခံရအောင် စကားကြီးစကားကျယ်တွေနဲ့ ပြောတော့မှ လေပေါလွန်ပြီး လူပေါဖြစ်သွားတတ်ပါတယ်။ လူငယ်ပန်းချီဆရာ အန်ဒီဝါရောက “လူတွေကို စကားပြောပြီး လက်သင့်ခံအောင် လုပ်လို့မရဘူး။ လူတွေရဲ့ စိတ်ကိုက တစ်ဦးနဲ့တစ်ဦး ဆန့်ကျင်လိုစိတ်များနေတဲ့ အတွက် ကောင်းတာပဲဖြစ်စေ၊ ဆိုးတာပဲဖြစ်စေ အကန်ဘက်နဲ့ အရင်ထိုးဆိတ်ကြတယ်။ အကောင်းအတည့်ကို အစောင်းအရွဲ့အဖြစ် အရင်မြင်တတ်ကြတယ်။ အဲ့တော့ “ပါးစပ်ပိတ်ထားတော့မှ လူပိုရှိန်တာဗျ” လို့ပြောခဲ့တယ်။ လိုတာထက်ပိုမပြောတဲ့ အကျင့်ကြောင့် ကိုယ်ပြောသမျှစကားတွေက အဓိပ္ပာယ်ပိုရှိသလို ဖြစ်သွားတယ်။ အပြောနည်းတာကြောင့် အမှားနည်းသွားတယ်။ စကားများရင် အပေါဆန်တယ်။ စကားနည်းရင် တန်ဖိုးတက်တယ်။ 3. သတိကြီးကြီး ထားတတ်ပါစေ။ အပြင်ပုံပန်း သဏ္ဏာန်နဲ့ ဆုံးဖြတ်ကြတဲ့ လောကကြီးမှာ ပေါ်လွင်မှုမရှိဘဲ ပျောက်ကွယ်နေရင် ဆုံးရှံးတာပဲ။ လူပုံလယ်ရောက်နေပေမဲ့ ကိုယ်ပျောက်လူသား မဖြစ်စေနဲ့၊ ပေါ်လွင်နေပါစေ။ အရောခံဘဝကို မသာယာမိစေနဲ့။ ရုန်းကန်ဖောက်ထွက်ပါ။ ကိုယ့်ဘဝထက် သာလွန်ကောင်းမွန်တဲ့ လူနေမှု ဘဝမျိုးကို လူတိုင်းလိုလို မက်မောတတ်ကြပါတယ်။ ကိုယ့်ထက် ယုတ်ညံ့စုတ်ချာရင် ပျက်ရယ်ပြုပြီး ပစ်ပစ်ခါခါ လုပ်တတ်ကြတယ်။ ကောင်းတဲ့ဘဝပဲရရ၊ စိုးတဲ့ဘဝပဲရရ ဘယ်လိုဘဝမျိုးနဲ့ပဲရှင်သန်ပါစေ အပယ်ခံဘဝမျိုး မရောက်ပါစေနဲ့။ ကိုယ့်ဘဝက သူမသိသူမသိဘဝရောက်နေမယ်ဆိုရင် လူတွေဂရုစိုက်မိအောင် လုပ်လို့ရတဲ့နည်းလမ်းက အမြင့်ဆုံးမှာရှိတဲ့လူကိုရှာပြီး အပြစ်ကင်းတဲ့ တိုက်ခိုက်မှုမျိုးနဲ့ သတိပြုမှုကို ဖန်တီးရယူတတ်ရပါမယ်။ ၁၆ ရာစုလောက်က ပီရဲထရို အဲ‌ရေတီနို ဆိုတဲ့ ရောမလူငယ် ကျေးတောသား ကဗျာဆရာပေါက်စက လူသိထင်ရှားဖြစ်ဖို့အတွက် ပုပ်ရဟန်းမင်းကို တိုက်ခိုက်ပြီး လူသိအောင်ကြိုးစားခဲ့ဖူးပါတယ်။ တိုက်ရိုက်ကြီး တိုက်ခိုက်တာမဟုတ်ပေမဲ့ ထိကပါး ရိကပါး သ‌ရော်စာလေးတွေနဲ့ အရွဲ့တိုက်ပြီး လူသိအောင် လုပ်ခဲ့တာပါ။ ခုလိုနည်းနဲ့ လူသိအောင်လုပ်မယ်ဆိုရင် အတိုင်းအတာသိဖို့လိုပါတယ်။ 4. သူများကို လုပ်ခိုင်းပြီး နာမည်ကောင်းယူပါ။ သူများရဲ့ ခွန်အားကို အသုံးချပြီး ကိုယ်ကျိုးထုတ်တတ်တာက ပညာရှိခြင်းပါပဲ။ ပလူတာ့လို စာပေပညာရှင်ကြီးရဲ့ လက်ရာတွေနဲ့ တခြားပညာရှင်တွေရဲ့ ဇာတ်လမ်းဇာတ်ကွက်တွေကို အခြေခံပြီး ရေးခဲ့လို့ ရှိုတ်စပီးယားရဲ့ ပြဇာတ်တွေက လက်ဖျားခါလောက်အောင် ကောင်းတာဖြစ်ပါတယ်။ ခေတ်အဆက်ဆက် ပြဇာတ်ဆရာတိုင်းထက် ပလူတာက သာလွန်ခဲ့သလို ရှိုတ်စပီးယားကလဲ ပလူတာနဲ့ တခြားပညာရှင်တွေရဲ့ အဆီအနှစ်တွေကို ထုတ်ယူနိုင်ခဲ့လို့ ရှိုတ်စပီးယားက သူများထက်တော်ပြီး သာလွန်တဲ့သူဖြစ်လာတာဖြစ်ပါတယ်။ 5. အပြောမဟုတ် အလုပ်နဲ့အနိုင်ယူပါ။ တခွန်းတလေ ပြောစရာမလိုဘဲ အလုပ်နဲ့သက်သေပြပြီး အနိုင်ယူနိုင်မှ အောင်မြင်မှုအစစ်ပါ။ ဒါကြောင့်ရှင်းပြ မနေပါနဲ့ လက်တွေ့သက်သေပြပါ။ အလုပ်နဲ့သက်သေပြပါဆိုတိုင်း တဖက်လူရဲ့ လက်ခံမှုကို တမင်ဆန့်ကျင်သလိုမျိုးမဖြစ်ပါစေနဲ့။ နှစ်ဦးနှစ်ဘက် အဆင်ပြေမဲ့ အနေအထားတစ်ခုကို ဖန်တီးတတ်ဖို့ လိုအပ်ပါတယ်။ ငြင်းခုံပြီး အနိုင်ယူတာထက် ပိုသာတဲ့အနေအထားနဲ့ တစ်ဖက်သားအပေါ် လွှမ်းမိုးနိုင်မှာ ဖြစ်ပါတယ်။ ဘယ်တော့မှ မငြင်းပါနဲ့။ ရလဒ်ထွက်အောင် အရင်လုပ်ပါ။  ကျွန်မတို့ ဘဝမှာ လောင်းရိပ်မမိဖို့ အရမ်းအရေးကြီးပါတယ်။ လောင်းရိပ်ခံဘဝမှာ ဘယ်လောက်ပဲထူးချွန်နေပါစေ နေရာကောင်းမရနိုင်ဘူး။ သူများအရိပ်ကြောင့် လမ်းပျောက်သူ အဖြစ်မခံပါနဲ့။ အတိတ်ကဖြစ်ရပ်တွေကြောင့် ကိုယ့်အနာဂတ် အစွန်းထင်းမခံပါနဲ့။ ကိုယ်ပိုင်ဖြစ်တည်မှုကို ‌ပေါ်လွင်ထင်ရှားအောင်လုပ်ပါ။ အမွေအနှစ်ဟောင်းတွေကို အစဉ်အလာအသစ်တွေနဲ့ အစားထိုးပစ်ပါ။  မပြီးဆုံးနိုင်တဲ့ အပြေးပြိုင်ပွဲကြီးမှာ အပျင်းကြီးပြီး နားဖို့မတွေးလိုက်ပါနဲ့။ နေရာဝင်ယူမယ့်သူတွေ ပတ်လည်ဝိုင်းနေမဲ့ အချက်ကို သတိရပါ။ စာအုပ်ကို ဖတ်ဖူးတဲ့ သူတွေရှိရင် Comment မှာ sharing လုပ်ပေးစေချင်ပါတယ်။ ကျွန်မတို့ရဲ့ ချန်နယ်လေးကိုလည်း Like & Subscribe လေး လုပ်ပေးပါအုံးရှင့်။ စာအုပ်ကောင်းလေးတွေကို ဖတ်ရှုဖို့အတွက် Channel လေးကို like & Subscribe လုပ်သွားပေးအုံးနော်.....။