WANANCHI WAASWA KUSHIRIKI MAADHIMISHO YA MASHUJAA скачать в хорошем качестве

WANANCHI WAASWA KUSHIRIKI MAADHIMISHO YA MASHUJAA

WANANCHI RUVUMA WAASWA KUSHIRIKI MAADHIMISHO YA MIAKA 120 YA MASHUJAA. Naibu Waziri wa Maliasili na Utalii, Mhe. Hamad Hassan Chande, ametoa wito kwa wananchi wa Mkoa wa Ruvuma kujitokeza kwa wingi katika maadhimisho ya miaka 120 ya mashujaa wa Vita ya Majimaji yatakayofanyika Februari 27. Wito huo umetolewa wakati alipotembelea na kukagua maandalizi ya maadhimisho hayo katika viwanja vya Makumbusho ya Taifa ya Vita ya Majimaji mjini Songea. Amesema wananchi wanapaswa kushiriki ili kujionea kumbukumbu mbalimbali na kupata historia ya namna mashujaa wa Majimaji walivyopambana kwa ujasiri hadi kufanikisha kupatikana kwa uhuru wa taifa. Aidha, Mhe. Chande amesisitiza kuwa wilaya na mikoa yenye makumbusho kama hayo yahakikishe yanatunzwa na kuenziwa, huku akibainisha kuwa serikali ipo tayari kushirikiana na wadau kufufua upya historia hiyo na kuitangaza duniani. Ameongeza kuwa nchi nyingi hujipatia mapato kupitia makumbusho ya kihistoria, hivyo ni wajibu wa Watanzania kuyathamini na kuyatumia kama nyenzo ya kukuza uchumi na kuendeleza urithi wa taifa.