കൊണ്ടോട്ടി നേർച്ചയുടെ വരവ് കാഴ്ചകൾ വെള്ളാട്ടറക്കാരുടെ വരവ് скачать в хорошем качестве

കൊണ്ടോട്ടി നേർച്ചയുടെ വരവ് കാഴ്ചകൾ വെള്ളാട്ടറക്കാരുടെ വരവ്

കൊണ്ടോട്ടി നേർച്ചയുടെ വരവ് കാഴ്ചകൾ വെള്ളാട്ടറക്കാരുടെ വരവ് 14 വർഷങ്ങൾക്കു ശേഷം കൊണ്ടോട്ടി നേർച്ചക്ക് തുടക്കം കുറിച്ചു. കൊടിയേറ്റം കഴിഞ്ഞു ഒരു മാസം പിന്നിട്ടാൽ കൊണ്ടോട്ടി തങ്ങളുടെ അധീനതയിൽ സൂക്ഷിച്ചിരുന്ന പീരങ്കികൾ പുറത്തെടുക്കുന്ന കർമ്മമാണ് തോക്കെടുക്കൽ. ഈ പീരങ്കികളെ വലിയ തോക്ക് എന്ന്‌ കൊണ്ടോട്ടിക്കാർ വിളിക്കപ്പെടുന്നു. പണ്ടൊക്കെ 11 തോക്കുകൾ ഉണ്ടായിരുന്നെങ്കിൽ പിന്നീട് അത് 9, 7, 5 ഒക്കെയായി ചുരുങ്ങി. 50 വർഷങ്ങൾക്കു മുമ്പ് ഞാൻ കാണുന്ന കാലത്തു തോക്കുകൾ 3 ലേക്ക് എത്തിയിരുന്നു. ടിപ്പുവിനോട് അടുപ്പം കൂടിയ കൊണ്ടോട്ടി തങ്ങളെ ആക്രമിക്കാൻ സമൂതിരിയിൽ നിന്ന് സമ്മതം കിട്ടിയപ്പോൾ പാറ നമ്പിയും, കൊളത്തൂർ നമ്പ്യാരും മങ്കട മേനോനും തയ്യാറായി. കൊണ്ടോട്ടി തങ്ങൾ അവരെ പരാജയപ്പെടുത്തിയപ്പോൾ അവർക്കു പീരങ്കികളും തോക്കുകളും നഷ്ടപ്പെട്ടു. എന്നാൽ കൊണ്ടോട്ടി തങ്ങളിൽ നിന്ന് പീരങ്കി വീണ്ടെടുക്കാൻ സാമൂതിരി വന്നെങ്കിലും അത് പൊക്കി കൊണ്ട് പോകാൻ അവർക്കായില്ല. പകരം ആനകളെ വരുത്തിയെങ്കിലും ഉദ്യമം പരാജയപ്പെട്ടു. അതോടെ ഈ പീരങ്കികൾക്ക് എന്തോ മഹത്വം ഉണ്ടെന്നു പറഞ്ഞു അവ കൊണ്ടോട്ടി തങ്ങൾക്കു തന്നെ വിട്ടുകൊടുത്തു എന്നാണ് നേർച്ച പുരാണം. ആ തോക്കുകൾ ഇപ്പോൾ കൂട്ടിലങ്ങാടി എ ആർ ക്യാമ്പിൽ സൂക്ഷിച്ചിരിക്കയാണ്. പീരങ്കികളെ എണ്ണ തേച്ച് കുളിപ്പിക്കാൻ പണ്ട് മുതലേ ഭക്തർ വെളിച്ചെണ്ണ നേർച്ച നേർന്നിരുന്നു. തോക്കിനെ കുളിപ്പിച്ച എണ്ണ കൊണ്ട് രോഗ ശമനം നടക്കുമെന്നും ജാതി മത വ്യത്യാസമില്ലാതെ ഒരു വിശ്വസിച്ചു പോന്നിരുന്നു. അത് കൊണ്ട് തന്നെ തോക്ക് എടുക്കലും, തോക്ക് ചുമക്കലും, കുളിപ്പിക്കലും, വെടി മരുന്ന് നിറക്കലുമൊക്കെ ഒരു ആത്മീയ സിദ്ധി ലഭിക്കുന്ന കർമ്മങ്ങളാണെന്നു ഒരു ജനത ഇന്നും വിശ്വസിക്കുന്നു. അല്ലെങ്കിൽ അതവരുടെ ഒരു ആചാരത്തിന്റെ ബാക്കി പത്രമായി അവർ ഇന്നും കരുതി പോരുന്നു. അവസരം കിട്ടിയാൽ ആ ആചാരത്തിനു അവരിന്നും തയ്യാറാണ് എന്നാണ് 14 വർഷത്തെ ഇടവേളയ്ക്കു ശേഷവും കൊണ്ടോട്ടി കുബ്ബ ഇന്നലെ നമ്മളോട് വിളിച്ചു പറഞ്ഞത്. ഇപ്പോൾ പോലീസ് കസ്റ്റഡിയിലുള്ള ഈ പീരങ്കികൾ പൊട്ടിക്കുന്നതോടെ "വല്യോക്ക് പൊട്ടി" ഇനി നേർച്ചക്ക് തുടക്കം എന്നായിരുന്നു 14 വർഷം മുമ്പ് വരെ. എന്നാൽ നേർച്ച പുനരാരംഭിക്കുന്ന ഇക്കൊല്ലം സ്ഥല പരിമിതി കാരണമാകാം പീരങ്കി പൊട്ടിക്കുന്നതിനു പകരം മൂന്ന് കതീന വെടികൾ പൊട്ടിക്കുന്നതാണ് കാണാൻ കഴിഞ്ഞത്. രണ്ടാമത്തെ ദിവസം ഇന്ന് വെള്ളാട്ടറക്കാരുടെ വരവാണ്. പെരിന്തൽമണ്ണ ഭാഗത്തുള്ള ഒരു സ്ഥലമാണ് വെള്ളാട്ടറ. അവിടെ നിന്നു ഇങ്ങോട്ടുള്ള പെട്ടി വരവ് നേർച്ചയുടെ കാലം മുതൽക്കുള്ളതാണ്. കൊണ്ടോട്ടി തങ്ങൾക്കു കാണിക്കയായി അവർ കൊണ്ട് വരുന്ന പലഹാരത്തെ ചീര്ണി എന്ന് വിളിക്കപ്പെടുന്നു. തോക്ക് പൊട്ടിയ ദിവസം പുറപ്പെടേണ്ട അവർക്കു ഇത്ര ദൂരം നടന്നെത്താനുള്ള പ്രയാസം കാരണം പണ്ടൊക്കെ അവർ വള്ളുവമ്പ്രത്തോ പോത്തട്ടിപ്പാറയിലോ വാഹനത്തിൽ വന്നു അവിടെ നിന്ന് വെളുപ്പിന് കൊണ്ടോട്ടിയിലേക്ക് കാൽ നടയായി പോവുകയാണ് പതിവ്. വെള്ളാട്ടറ വരവ് അറിയിക്കാൻ ഉള്ളത് ചെണ്ടയും തട്ട് കൊടിയുമായിരുന്നു. രാവിലെ 10 മണി ആവുമ്പോഴേക്കും അവർ കൊണ്ടോട്ടി തക്കിയക്കൽ എത്തുമെങ്കിലും ഒഫിഷ്യൽ വരവേൽപ്പ് വൈകുന്നേരം 5 മണിക്കാണ്. അന്നേരമാണ് ചെണ്ട കൊട്ടലും വീണ വായനയും അരങ്ങേരുക. കൊട്ടും കുരവയുമായി ഏകദേശം ഒരു മണിക്കൂറോളം അവർ കൊണ്ടോട്ടി പാടത്തു അരങ്ങേറ്റം നടത്തുമ്പോൾ ഈ പ്രദേശങ്ങളിലെ രക്ഷിതാക്കൾ കൊണ്ടോട്ടി നേർച്ച കാണിക്കാൻ കുട്ടികളെ കൊണ്ട് പോകുന്നത് വെള്ളാട്ടറ വരവ് ദിവസമാണ്. ആ വാദ്യമേളം ആസ്വദിക്കലും കുട്ടികൾക്ക് കളിപ്പാട്ടങ്ങൾ വാങ്ങി കൊടുക്കൽ, ചാട്ടിരി കൊട്ട കയറൽ (ഇപ്പോൾ യന്ത്ര ഊഞ്ഞാൽ ആടൽ) മരണക്കിണർ കാണൽ, മൃഗശാലാ കാട്ടി കൊടുക്കൽ അങ്ങനെ ഒക്കെയായിരുന്നു പഴമക്കാരുടെ കൊണ്ടോട്ടി നേർച്ച. അതുകൊണ്ട് വെള്ളാട്ടറ വരവിനെ കുട്ടികളുടെ നേർച്ച എന്നും അറിയപ്പെട്ടിരുന്നു. തട്ടാന്റെ പെട്ടി ഒഴികെ ബാക്കി എല്ലാ പെട്ടി വരവും കൊണ്ടോട്ടിയിൽ എത്തുന്നത് രാത്രിയുടെ അന്ത്യയാമങ്ങളിലായത് കൊണ്ട് കുട്ടികൾക്ക് നേർച്ച കാണിച്ചു കൊടുക്കാൻ പറ്റിയ ദിവസം ഇന്നാണ്. പഞ്ചസാരക്ക് പകരം ശർക്കര ചേർത്തുണ്ടാക്കുന്ന ജിലേബിയാണ് ( ശർക്കര മിഠായി) കൊണ്ടോട്ടി നേർച്ചയുടെ മാധുര്യം.