Akabyino ka Nyogokuru lyrics | rugamba sipiriyani songs & amasimbi n'amakombe | KARAHANYUZE скачать в хорошем качестве

Akabyino ka Nyogokuru lyrics | rugamba sipiriyani songs & amasimbi n'amakombe | KARAHANYUZE

Akabyino ka Nyogokuru lyrics | rugamba sipiriyani songs | rugamba sipiriyani - amasimbi n'amakombe | KARAHANYUZE Akabyino ka nyogokuru Nzajya nkabyina nongere Ngacurange ngacurire Ngacinye nongeranya Maze nsimbuke nsubire, Amajwi menshi meza nyasobeke Ndushe insengo babariburiye, Aba kera bagize indahiro. Nzabyina mwizihire. Ubwo yashaje ubu akansiga, Nzagatungaho urwibutso. Mbakoranye abo tungana Nkaririmbe bakamfashe, Mbahugure mbabwirize Ko umubyeyi wateze urugori Izina lye ritabura kivuga, Abo yabyaye tumubyinirira. Nzabyina mwizihire. Nzamukumbura mwibuke, Nzajya nibuka narize, Uko yanteruraga akampoza akampa inka zitabarika N'ubwo atunze inyana imwe iyi Akayirebamo ubushyo amagana, Ngo abe yabona nshira amaganya Ngarure umucyo nshire icyusa. Nzabyina mwizihire. Niba hirya iyo bumva, Nzajya njya aho yararaga Ndenze ijwi ndangurure, Muririmbire akabyino; Ngahe ibitambwe by'ibitego, Mu bikango akunda mpakomeze, Aho yagiye hose mumare ipfa ry'umudiho ubwe yanyigishije. Nzabyina mwizihire. Agacuma yansigiye, nzagashakira akanago nkamanike ngakomeze, Ku rubariro mu ruhamo rw'inzu ye yansigiye, Maze umwanzi cyangwa se umurozi Bahatinye bubahe umurage, Uwo mubyeyi yanyihereye. Nzabyina mwizihire. Umweyo we yakubuzaga Nzawucuma nywuhungure Nywegeke aho yawusize Hagana ku ruhimbi; Ni ho yansabye gushyira Ibyo yakundaga bimunogeye, Nk'uruhindu n'inkongoro N'akabando kamuramiraga. Nzabyina mwizihire. Aho yaryamaga nubaha Nzasasaho udusuna Twiza tuva mu Kinyaga, Naze ibyahi by'ibihura Maze mpashyire inyegamo N'umurere ubereye iyo ngoro Y'umubyeyi wanyihereye Nifuza gushimisha. Nzabyina mwizihire. Urugori yansigiye, Iryo kamba lyamwizihiye Nzaritakaho urusaro rwiza ruryizihiye Ndyubakire n'agatara keza gatatse umurayi, Mpategure imitako inoze, Irusha izuba kubengerana. Nzabyina mwizihire. Kora subscribe hano:   / @urukarigroup4873