#ព្រះបន្ទូលនៃសេចក្ដី скачать в хорошем качестве

#ព្រះបន្ទូលនៃសេចក្ដី

#ចំណងជើងវីដេអូ៖ «ចូរនិយាយជាភាសាដទៃហើយក៏ទទួលការដឹកនាំផងដែរ» Speak In Tongues And Receive Guidance #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី៣០ ខែមីនា ឆ្នាំ២០២៥។ «ចូរនិយាយជាភាសាដទៃហើយក៏ទទួលការដឹកនាំផងដែរ» Speak In Tongues And Receive Guidance #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ដ្បិត​អ្នក​ណា​ដែល​និយាយ​ភាសា​ដទៃ នោះ​មិន​មែន​និយាយ​នឹង​មនុស្ស គឺ​ទូល​នឹង​ព្រះ​វិញ ពី​ព្រោះ​គ្មាន​អ្នក​ណា​ស្តាប់​បាន​ទេ ប៉ុន្តែ អ្នក​នោះ​និយាយ​ជា​សេចក្តី​អាថ៌កំបាំង ដោយ​នូវ​វិញ្ញាណ»(១កូរិនថូស ១៤:២)។ នៅក្នុង​នាម​ជា​គ្រីស្ទាន យើង​នឹងមិន​ស្ថិត​នៅក្នុង​សេចក្ដី​ងងឹត​អំពីរឿង​អ្វីៗ​នោះ​ទេ។ អ្នកនឹង​អាច​ដឹង​អ្វី​គ្រប់យ៉ាង ប្រសិន​បើ​អ្នក​ប្រព្រឹត្តតាមអ្វីដែល​បទ​គម្ពីរ​បាន​បា្រប់។ បទគម្ពីរខាងលើរបស់យើងបានចែងថា “ដ្បិត​អ្នក​ណា​ដែល​និយាយ​ភាសា​ដទៃ(មិនស្គាល់) នោះ​មិន​មែន​និយាយ​នឹង​មនុស្ស គឺ​ទូល​នឹង​ព្រះ​(ព្រះវិញ្ញាណបរិសុទ្ធ)វិញ ពី​ព្រោះ​គ្មាន​អ្នក​ណា​ស្តាប់​បាន​ទេ ប៉ុន្តែ អ្នក​នោះ​និយាយ​ជា​សេចក្តី​អាថ៌កំបាំង(មិនច្បាស់ មិនយល់) ដោយ​នូវ​វិញ្ញាណ» ។ នៅពេលអ្នកស្ថិតក្នុងស្ថានភាពដែលអ្នកមិនច្បាស់អំពីទិសដៅ ឬជំហានដែលត្រូវធ្វើបន្ទាប់, សូមនិយាយភាសាដទៃ។ មិនយូរប៉ុន្មាន អ្នកនឹងទទួលបានចម្លើយពីវិញ្ញាណរបស់អ្នក។ អ្នកនឹងទទួលបានការដឹកនាំដែលអ្នកត្រូវការ ហើយអ្នកនឹងយល់ដឹងអំពីសេចក្ដីអាថ៌កំបាំងអំពីស្ថានភាពនោះ។ ប្រហែល​ជា​អ្នក​ចាំបាច់ត្រូវស្គាល់អំពី ស្ថានភាព​ជាក់លាក់ ប្រធានបទ គំនិត ឬ​គោលការណ៍​មួយចំនួន។ បើដូច្នោះមែន សូមចំណាយពេលអធិស្ឋានជាភាសាដទៃ។ ពេលដែលអ្នកធ្វើអញ្ចឹងហើយ នោះវានឹងមានការបើកសំដែងនៅក្នុងវិញ្ញាណរបស់អ្នក។ ព្រះ​អម្ចាស់​យេស៊ូវ​បាន​មាន​បន្ទូល​ថា «…អ្នក​ណា​ដែល​តាម​ខ្ញុំ នោះ​មិន​ដែល​ដើរ​ក្នុង​សេចក្តី​ងងឹត​ឡើយ គឺ​នឹង​មាន​ពន្លឺ​នៃ​ជីវិត​វិញ» (យ៉ូហាន ៨:១២)។ អ្នកអាចដឹងអ្វីៗទាំងអស់បាន, អ្នកមិនគួររំពឹងថា ខ្លួនឯងដើរក្នុងភាពងងឹតមិនថា ហិរញ្ញវត្ថុ សុខភាព អាជីព អាជីវកម្ម និងការបម្រើព័ន្ធកិច្ច ឬមិនថាផ្នែកណាមួយនៃជីវិតរបស់អ្នកទេ, ពន្លឺនៃព្រះស្ថិតនៅក្នុងវិញ្ញាណរបស់អ្នកហើយ។ (សុភាសិត ២០:២៧)។ ប្រសិនបើអ្នកមានការព្រួយបារម្ភអំពីសុខភាព ឬអំពីអ្វីមួយ សូមពិភាក្សាជាមួយនឹងព្រះវិញ្ញាណបរិសុទ្ធជាមុនសិន។ សូមនិយាយភាសាដទៃយ៉ាងក្លៀវក្លា និងចិត្តស្រេចឃ្លានចុះ។ អ្នក​នឹង​ភ្ញាក់​ផ្អើល​ថា​ ពន្លឺ និង​ប្រាជ្ញា​របស់​ទ្រង់​នឹង​ភ្លឺ​ឡើង​ក្នុង​ខ្លួន​អ្នក​យ៉ាង​លឿន ទាំងបង្ហាញ​ពីអ្វីដែលអ្នកត្រូវធ្វើបានយ៉ាងច្បាស់ទៀតផង។ ព្រះវិញ្ញាណបរិសុទ្ធគង់នៅក្នុងអ្នក ដើម្បីជួយអ្នកឱ្យយល់ស្គាល់ ថែមទាំងឲ្យបានរស់នៅដោយរីករាយនៅក្នុងជីវិតដ៏ពោរពេញផងដែរ។ នៅពេល​អ្នកធ្វើការប្រកបនឹងព្រះវិញ្ញាណបរិសុទ្ធ ហើយក៏និយាយ​ភាសា​ដទៃ នោះព្រះអង្គ​នឹង​ដឹកនាំ​អ្នកជា​ជំហានៗ​ជាក់លាក់ទាំង​ស្របតាម​ផែនការ​របស់​ព្រះ​សម្រាប់​ជីវិត​អ្នក។ ហាលេលូយ៉ា! #ការសារភាព ឱព្រះវរបិតាអើយ ខ្ញុំមានអំណរគុណចំពោះការដឹកនាំរបស់ទ្រង់ សម្រាប់ជីវិតរបស់ខ្ញុំ។ គ្រប់ពេលដែលខ្ញុំ​និយាយ​ភាសា​ដទៃ​ វិញ្ញាណ​របស់​ខ្ញុំ​ត្រូវ​បាន​បំភ្លឺឡើង ​ដើម្បី​ឲ្យបានស្គាល់ និង​ទទួល​បាននូវចម្លើយ។ ខ្ញុំមានការដឹកនាំ និងដឹងស្គាល់ពីអ្វីដែលត្រូវធ្វើនៅគ្រប់ទាំងស្ថានការណ៍ ពីព្រោះខ្ញុំបានទទួលការដឹកនាំ ដោយពន្លឺនៃព្រះ។ ហាលេលូយ៉ា! #ការសិក្សាបន្ថែម៖ កូរិនថូសទី១ ២:៩-១៣ រ៉ូម ៨:២៦-២៧ យូដាស ១:២០