«Мысль» журналына – 105 жыл скачать в хорошем качестве

«Мысль» журналына – 105 жыл

Алматы қаласындағы Ұлттық кітапханада республикалық қоғамдық-саяси «Мысль» журналының 105 жылдығына арналған «Тарихи жады және БАҚ: «Мысль» журналы – Қазақстанның деректі шежіресі» атты мерейтойлық конференция өтті. Салтанатты шараға «Қазақ газеттері» ЖШС бас директоры, филология ғылымдарының докторы, Дихан Қамзабекұлы, Қазақстан Журналистика академиясының президенті, тарих ғылымдарының докторы, әл-Фараби атындағы Қазақ ұлттық университетінің профессоры Сағымбай Қозыбаев, «Невада-Семей» халықаралық антиядролық қозғалысының вице-президенті, ЮНЕСКО жанындағы Мәдениеттерді жақындастыру халықаралық орталығының бас ғылыми қызметкері Валерий Жандәулетов, тарих ғылымдарының докторы, профессор, шығыстанушы Клара Хафизова, тарих ғылымдарының докторы, әл-Фараби атындағы Қазақ ұлттық университетінің саясаттану кафедрасының профессоры Ләйлә Ахметова, заң ғылымдарының докторы, Қонаев университетінің профессоры Қабдулсамих Айтхожин, Қазақстан Жазушылар одағының мүшесі, Қазақ ПЕН-клубының мүшесі Исмаилжан Иминов, филология ғылымдарының кандидаты, әл-Фараби атындағы Қазақ ұлттық университетінің доценті Қайрат Жаңабаев, Қазақстан Республикасы білім беру ісінің құрметті қызметкері, әл-Фараби атындағы ҚазҰУ профессоры Жетпісбай Бекболатұлы, «Мысль» журналының редакциясы, басқа да қонақтар мен БАҚ өкілдері қатысты. Ғасырдан астам тарихы бар журналдың мерейтойына арналған шара аясында қонақтар назарына Ұлттық кітапхананың және «Мысль» журналы мұрағаты қорынан көрме ұйымдастырылды.