Трескавичен екот во рани зори: Нови генерации го продолжуваат вековниот обичај – Џоломари скачать в хорошем качестве

Трескавичен екот во рани зори: Нови генерации го продолжуваат вековниот обичај – Џоломари

Во тиквешијата опстојува уникатен древен обичај што успеал да ја задржи својата автентична форма со векови. Тоа е обичајот Џоломари, што сè уште живее благодарение на упорноста на жителите од селата. Ноќта меѓу 13 и 14 јануари во тиквешкото село Бегниште ќе се растрчаат и развреват древните џоломари. Тоше Огњанов Трескавичен екот во рани зори: Нови генерации го продолжуваат вековниот обичај – ЏоломариТрескавичен екот од ѕвонци и клопотарци предзори. Луѓе преправени во исконски чудовишта растрчани низ селото. Нивните лица исцрнети, а под образите долги бради и мустаци. Главите, пак, покриени со наметки и качулки стари и по еден век. Тоа се џоломарите од кавадаречкото село Бегниште. Се појавуваат во ноќта меѓу 13ти и 14ти јануари, за Василица. Задачата им е со вревата и страшниот изглед, ритуално да ги избркаат лошите духови и болестите од старата година. Да се отвори пат за бериќет, здравје и плодност во новата. Обичајот е еден од ретките што со векови ја задржал својата изворна форма. Ги снимавме изминативе години и по повод нивното ново собирање годинава, ви ја пренесуваме нашата куса видео приказна за Џоломарите. „Се трудиме да ја задржиме традицијата на нашите дедовци, прадедовци, на нашите предци. Се трудиме. Малку е тешко во овој современ свет, но некако опстануваме“, вели 35-годишниот џоломар, Пере Лазаров. Учесниците се мажи, преправени во страшилишта, како и во баба, две невести и еден магаричар. Бабата ја симболизира старата година, а невестите се симбол за новото раѓање. „Магаричарот го води магарето. Одат од куќа до куќа, каде ги даруваат со месо, брашно, овошје, кој што има. Бабата е облечена целата во црно и ја претставува старата година што одминува. Додека невестите, коишто се две, се целите облечени во бело и ја претставуваат годината што надоаѓа“, истакнува Ордан Лазаров, претседател на Карневалска група „Џоломари“ од с. Бегниште.