“ခုံနံပါတ်ထွက်ပြီးမှ မဖြေရတာဖြစ်လို့ ကျောင်းသား၊ကျောင်းသူတွေ တစ်နှစ် နစ်နာသွားနိုင်တယ်” скачать в хорошем качестве

“ခုံနံပါတ်ထွက်ပြီးမှ မဖြေရတာဖြစ်လို့ ကျောင်းသား၊ကျောင်းသူတွေ တစ်နှစ် နစ်နာသွားနိုင်တယ်”

စစ်ကိုင်းမြို့မှာ စစ်အုပ်စု ခွင့်ပြုချက်နဲ့ ဖွင့်ထားတဲ့ ကိုယ်ပိုင်အထက်တန်းကျောင်းတစ်ကျောင်းက ကျောင်းသား၊ ကျောင်းသူ ၁၆၀ ကျော်ကို စစ်အုပ်စုက စာမေးပွဲဖြေခွင့် ပိတ်လိုက်ပါတယ်။ ဖေဖော်ဝါရီ ၂၃ ရက်မှာ စစ်ကိုင်းမြို့ နန်းတော်ရာရပ်ကွက်ရှိ “ထက်” ကိုယ်ပိုင် အထက်တန်းကျောင်းက ၅ တန်း ကျောင်းသား ၇၂ ဦးနဲ့ ၉ တန်း ကျောင်းသား ၈၉ ဦး စုစုပေါင်း ၁၆၁ ဦးကိုစစ်အုပ်စု လက်အောက်ခံ ပညာရေးဝန်ထမ်းတွေက စာမေးပွဲခန်းထဲ ဝင်ခွင့်မပေးဘဲ စာမေးပွဲဖြေခွင့် ပိတ်လိုက်တာလို့ Non CDM ပညာရေးဝန်ထမ်းတွေက ပြောပါတယ်။ အဆိုပါ ကျောင်းသားတွေဟာ စာမေးပွဲဖြေဆိုဖို့ စာရင်းသွင်း၊ ငွေသွင်းပြီးသားဖြစ်သလို ခုံနံပတ်နဲ့ အမည်စာရင်းတွေကိုလည်း ရရှိပြီးသား ဖြစ်ပါတယ်။ ဒါပေမယ့်စာမေးပွဲနေ့ မနက်ပိုင်းမှာ “ဖြေဆိုခွင့်မပြု” လို့ ပြောကြားခဲ့တာကြောင့် စာမေးပွဲခန်းထဲ ဝင်ခွင့်မရဘဲ စာမေးပွဲ မဖြေနိုင်ခဲ့ကြတာ ဖြစ်ပါတယ်။ ထက် ကိုယ်ပိုင်အထက်တန်းကျောင်းဘက်ကတော့ကျောင်းသားတွေ နစ်နာမှု မရှိစေရေး စာမေးပွဲ ပြန်လည်ဖြေဆိုခွင့်ပေးဖို့ စစ်အုပ်စုထံ အသနားခံစာ တင်ပြထားတယ်လို့ ဆိုပါတယ်။ Non CDM ပညာရေးဝန်ထမ်းတစ်ဦးက “ခုံနံပတ်ထွက်ပြီးမှ မဖြေရတာဖြစ်လို့ ကျောင်းသား၊ကျောင်းသူတွေ တစ်နှစ် နစ်နာသွားနိုင်တယ်”လို့ ပြောပါတယ်။ ဘာကြောင့် စာမေးပွဲဖြေခွင့် ပိတ်တယ်ဆိုတာ တိတိကျကျ မသိရသေးပေမယ့် အတန်းကျော်တဲ့ကိစ္စ ဒါမှမဟုတ် အာဏာပြမှုတစ်ရပ် ဖြစ်နိုင်တယ်လို့ Non CDM တွေက သုံးသပ်နေကြပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။ #Mandalay_Free_Press_MFP (Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။) Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။ Facebook:   / mandalayfreepress   YouTube:    / @mandalayfreepressmfp   #MFP #MandalayFreePress #မန္တလေး #တော်လှန်သော #သပိတ် #မိခင်