ഈഴവ വിമോചകരായ ക്രൈസ്തവ മിഷണറിമാര്‍- മതനിരാസത്തിന്‍റെ രാഷ്ട്രീയം- Bro. Anilkumar V Ayyappan скачать в хорошем качестве

ഈഴവ വിമോചകരായ ക്രൈസ്തവ മിഷണറിമാര്‍- മതനിരാസത്തിന്‍റെ രാഷ്ട്രീയം- Bro. Anilkumar V Ayyappan

ഇന്ന്, ഹിന്ദുമതത്തിനു വേണ്ടി സമൂഹമാധ്യമങ്ങളില്‍ ക്രിസ്ത്യാനിറ്റിക്കെതിരെ ആക്രോശിക്കുന്ന, സുവിശേഷം അറിയിക്കുന്നവരെ ആക്രമിക്കാന്‍ നടക്കുന്ന, ഗോതമ്പും പാല്‍പ്പൊടിയും കൊടുത്ത് മതം മാറ്റാന്‍ വന്നവര്‍ എന്ന് പറഞ്ഞ് മിഷണറിമാരെ പരിഹസിക്കുന്ന, തന്‍റെ ഹിന്ദു പാരമ്പര്യത്തില്‍ അഭിമാനിക്കുന്ന ഈഴവരോ തീയ്യരോ ആയ പുതു തലമുറയിലെ ചെറുപ്പക്കാര്‍ അറിഞ്ഞിരിക്കേണ്ട ചില ചരിത്ര വസ്തുതകളുണ്ട്. ആ വസ്തുതകളാണ് ഈ പ്രബന്ധത്തിലൂടെ ബ്രദര്‍.അനില്‍കുമാര്‍ അയ്യപ്പന്‍ നിങ്ങളുടെ മുന്‍പാകെ അവതരിപ്പിക്കുന്നത്‌. ഈഴവരടക്കമുള്ള സകല അവര്‍ണ്ണ ജാതിക്കാരും ഹിന്ദുക്കളല്ല, അവരെയൊക്കെ പില്‍ക്കാലത്ത് ഹിന്ദുമതത്തിനകത്തെക്ക് വ്യക്തമായ ചില രാഷ്ട്രീയ താല്പര്യങ്ങളോടെ തിരുകിക്കയറ്റിയതാണ്. അതുകൊണ്ടുതന്നെ, അവര്‍ണ്ണ ജാതിയില്‍പ്പെട്ട ഒരാള്‍, ഞാന്‍ ഹിന്ദുവാണെന്ന് പറഞ്ഞ് അഭിമാനം കൊള്ളുന്നത്‌, കാലില്‍ കിടക്കുന്ന കാരിരുമ്പിന്‍റെ ചങ്ങല കാലപ്പഴക്കം കൊണ്ട് സ്വന്തമാണെന്ന് പറഞ്ഞു ഒരാള്‍ അഭിമാനിക്കുന്നത് പോലെയുള്ള വിവരക്കേടാണ്. അധികമൊന്നും പഴക്കമില്ലാത്ത കേരളത്തിന്‍റെ ചരിത്രത്തില്‍ നാം കാണുന്നത് ഈഴവര്‍ അടിമകളായിരുന്നു എന്നുള്ളതാണ്. വിന്ധ്യപര്‍വ്വതം കടന്ന് ആര്യാവര്‍ത്തത്തില്‍ നിന്ന് ബ്രാഹ്മണര്‍ ഇങ്ങോട്ട് കുടിയേറുന്നതിന് മുന്‍പുള്ള കാലത്ത് ഈഴവര്‍ ഇവിടെ സ്വാതന്ത്ര്യത്തോടെ ജീവിച്ചിരുന്നവരാണ്. പക്ഷെ പിന്നീടവര്‍ അടിമകളായിപ്പോയി. അടിമജാതിയായി ഈഴവര്‍ മാറി. മിഷണറിമാരും അല്ലാത്തവരുമായ പലരും ഈഴവര്‍ അടിമജാതിയാണ് എന്ന് രേഖപ്പെടുത്തി വെച്ചിട്ടുള്ളത്‌ നമുക്ക് കാണാന്‍ കഴിയും. വിശപ്പൊടുക്കാനാവാതെ മരിക്കുന്നതൊഴിവാക്കാന്‍ സ്വയം വില്‍ക്കലും സ്വന്തം സന്താനങ്ങളെ വില്‍ക്കലും സാധാരണമായിരുന്ന കാലത്ത്, ശരീരം വിറ്റു സ്വന്തം മക്കളെയും കുടുംബാംഗങ്ങളെയും രക്ഷിക്കേണ്ട ഗതികെട്ട അവസ്ഥയിലായിരുന്നു നിര്‍ഭാഗ്യവതികളായ ഈഴവ സ്ത്രീകള്‍ എന്ന് വിദേശ സഞ്ചാരികളുടെ വിവരണങ്ങളില്‍ നിന്ന് നമുക്ക് ഗ്രഹിക്കാന്‍ സാധിക്കും. ആ അടിമജാതികള്‍ക്ക് വിമോചന ദാഹം നല്‍കിയത്, അവരെ സ്വന്തം കാലില്‍ നിവര്‍ന്നു നില്‍ക്കാന്‍ പ്രാപ്തരാക്കിയത് ക്രിസ്ത്യന്‍ മിഷണറിമാരാണ്. ആ ചരിത്രമാണ് ഇവിടെ അനാവരണം ചെയ്യപ്പെടുന്നത്.