Top Channel/ Lindja e Mesme në flakë: SHBA dhe Izraeli godasin Iranin, mister fati i Khameneit скачать в хорошем качестве

Top Channel/ Lindja e Mesme në flakë: SHBA dhe Izraeli godasin Iranin, mister fati i Khameneit

Situata në Lindjen e Mesme ka hyrë në një fazë tepër të rrezikshme, pasi Shtetet e Bashkuara dhe Izraeli nisën sulme ndaj Iranit të shtunën në mëngjes, pas asaj që ushtria izraelite e përshkroi si muaj të tërë “planifikimi të përbashkët”. Sipas autoriteteve izraelite, objektivat e sulmeve kanë qenë strukturat më të larta të regjimit iranian. Raportohet se në shënjestër kanë qenë Udhëheqësi Suprem i Iranit, Ajatollah Ali Khamenei, presidenti i vendit dhe kreu i forcave të armatosura. Por zhvillimi më dramatik lidhet pikërisht me fatin e Khameneit. Televizioni izraelit Channel 12, duke cituar burime të paidentifikuara brenda Izraelit, raporton se ekzistojnë “indikacione në rritje” se Ali Khamenei mund të jetë vrarë nga një prej sulmeve të kryera më herët gjatë ditës. Megjithatë, deri në këto momente, nuk ka asnjë konfirmim zyrtar për fatin e tij. Në raportimin fillestar, Channel 12 theksonte se vlerësimi paraprak i autoriteteve izraelite ishte se Khamenei kishte mbetur i plagosur. Sipas medias izraelite, ky vlerësim nuk bazohet në imazhe satelitore të kompleksit presidencial – i cili raportohet se është goditur rëndë – por në informacione të siguruara nga burime konfidenciale të inteligjencës. Ndërkohë, transmetuesi publik izraelit Kan raporton se aktualisht “nuk ka kontakt” me Udhëheqësin Suprem dhe se gjendja e tij mbetet e panjohur. Po sipas mediave izraelite, sulmet e sotme kanë shkaktuar “dëme shumë të konsiderueshme” në strukturat drejtuese të regjimit iranian, përfshirë edhe komandantë të lartë ushtarakë. Megjithatë, nga ana tjetër, Irani jep një version krejt tjetër. Ministri i Jashtëm iranian, në një intervistë për NBC News, deklaroi qartë se “Udhëheqësi Suprem i Iranit, Ali Khamenei, është ende gjallë”. Ai shtoi se pothuajse të gjithë oficerët e lartë janë të sigurt dhe gjallë. “Mund të kemi humbur një ose dy komandantë, por nuk është ndonjë gjë e madhe”, u shpreh ai. Araghchi dërgoi gjithashtu një mesazh të drejtpërdrejtë ndaj Uashingtonit: “Nëse amerikanët duan të flasin me ne, ata e dinë ku të na gjejnë.” Sipas tij, Teherani po kërkon ulje të tensioneve dhe është i gatshëm të diskutojë për një marrëveshje, sapo të ndërpriten sulmet. Në këtë klimë të tensionuar, mbetet e paqartë se cili është realisht fati i Ali Khameneit dhe sa thellë kanë depërtuar sulmet në strukturën e pushtetit iranian. Informacionet kontradiktore, mungesa e konfirmimeve zyrtare dhe heshtja nga Teherani për detaje të mëtejshme vetëm sa shtojnë misterin dhe pasigurinë. Zhvillimet e orëve dhe ditëve në vijim pritet të jenë vendimtare, jo vetëm për Iranin dhe Izraelin, por për të gjithë rajonin dhe ekuilibrat globalë të sigurisë. Pamjet: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Khamenei#Izrael#TopChannelNews