මහා මාතාංගේශ්වරී කන්නලව්ව​ | Maha mathangeshwari kannalawwa | Matangi devi stotram | Matangeshwari скачать в хорошем качестве

මහා මාතාංගේශ්වරී කන්නලව්ව​ | Maha mathangeshwari kannalawwa | Matangi devi stotram | Matangeshwari

මාතංගි යනු කථනය, ඥානය, සංගීතය සහ කලාවට අධිපති මහා විද්‍යාවයි. විශ්වයේ තිබෙන සියලුම ශබ්ධයන්ගේ මූලය එතුමියයි. එතුමියගේ ශක්තිය පවතින්නේ අපගේ උගුර ප්‍රදේශයේ පවති විශුද්ධි චක්‍රය තුළයි.සියලුම මිනිසුන් හඬ ප්‍රකාශ කරන්නේ බුද්ධිය මෙහෙයවන්නේ මාතංගි දේවිය බැවින් එතුමියට වාග් දේවිය යනුවෙන්ද හඳුන්වනවා. එතුමියගේ ස්වරූපය බොහෝ සෙයින් සරස්වතී මෑණියන්ට සමානයි වගේම සරස්වති මෑණියන් බිහි වෙන්නේත් මාතංගි මෑණියන් තුළිනුයි. ශාරදා මෑණියන්ගෙන් ප්‍රකට වන කලාව, ඥානය සියල්ලම මාතංගි මෑණියනුයි.සරස්වති මෑණියන් පොතකට උපමා කළොත් එහි අන්තර්ගත ඥානය වෙන්නේ මාතංගි දේවියයි.සරස්වති මෑණියන් බැතිමතුන්ට ප්‍රධානය කරන සියලු විද්‍යා ඥානය මාතංගී දේවියයි. 🌷මාතංගි දේවිය වන්දනා කරන හේතු පෙර පැවසූ ආකාරයට මාතංගි මාතාව කථනය සහ බුද්ධියේ විද්‍යාවයි. එතුමියගේ වන්දනා කිරිමෙන් අපගේ, බුද්ධිය මනා ලෙස සැකසෙනවා. මානසික ආතතිය දුරු වෙනවා. කතා කිරිමේ අපහසුතා මඟ හැරෙනවා. ඉගෙන ගන්නා දරුවන්ගේ මනස විදිමත්ව පිහිටනවා. ජිවිතයේ තිබෙන කරදර බාධා නැති වෙනවා. හිරුගෙන් වෙන අපල උපද්‍රව දුරු වෙනවා. 🌼මහා මාතාංගේශ්වරී කන්නලව්ව​ | Maha mathangeshwari kannalawwa | Matangi devi stotram | Matangeshwari සාදු! සාදු! සාදු! දෑත් පපුවේ තබා වැන්දේත් නළලත තබා වැන්දේත් ඔසවා තබා වැන්දේත්, අනන්ත නාම ගුණ පූජිත මහා ශක්ති දශ මහා විද්‍යා ස්වරූප වන්නාවූ, ශ්‍රී මහා මාතාංගේශ්වරි දේව මෑණියන් වහන්ස! උතුම් ඔබ දේව මෑණියන් වහන්සේ මහා විද්‍යා ස්වරූපයක් වන්නාවූ සේම සකල ලෝක ජනයා කෙරෙහි දයානුකම්පාවෙන් යුක්තව ඉන්ද්‍ර දෙවියන් ගේ වරදානයෙන් සෘෂි පදවිය ලද්දාවූ චණ්ඩාල කුලයේ මාතාංග නම් ඍෂිවරයාගේ දියණියගේ ස්වරූපයෙන් මනු ලොව පහලව උච්චිෂ්ඨ චණ්ඩාලී නාමයෙන්ද ප්‍රකට වූ ඔබ වහන්සේ මහා මාතාංගේශ්වරි ස්වරූපයෙන් චතුර් හස්ථවලින් එක් හස්ථයකින් කඞ්ගයක්ද තවත් අතකින් මාණික්‍යක්ද, තවත් අතකින් මනුෂ්‍ය ශීර්ෂ කපාලයක්ද තවද වීණාවක්ද දරාගෙන විරාජමානව කීර පොතකයකු උරහිස දරාගෙන මරකත මාණික්‍ය හරිතවර්ණ පැහැයෙන් විරාජමාන විටෙක ශ්‍යාමලා නම් නාමයෙන්ද පූජිත ඔබතුමිය මාතංග කල්පයේදි ශුම්භ නිශුම්භ මර්ධනයෙන්ද, දෙවියන් ඍෂිවරුන් මනුෂ්‍ය සහිත සාධු ලෝක ජනයාට රැකවරණය දුන්නාවූ ඔබතුමිය මණිද්වීපයෙහි වාසය කරන්නාවූ මාතාංගේශ්වර ශිව දෙවියන් ගේ උකුලෙහි වාසය කරමින් සකල ලෝකයා කෙරෙයි දයාවෙන් බරිතව වාසය කරන්නාවූ ඔබතුමිය මහා රාජ මාතාංගේශ්වරි ස්වරූපයෙන් දශභුජ හස්ථ දරාගෙන ස්වර්ණ මිණි කිරුළු පලදා මල්මාලාවෙන් සුපූජිතව පද්මාසනාරූඪව වසමින් ත්‍රිශූල, පාශ, අංකුශ, ශංඛ, කලශ, පද්ම, පුස්තක, ජපමාල දරාගෙන උක්දණ්ඩක්ද අත තබාගෙන වීණාවක් වාදනය කරමින් ගිරවෙකුද දරාගෙන වාසය කරන්නාවූ ඔබතුමිය ශ්‍රී ලලිතා මෑණියන්ගෙ මන්ත්‍රිනී ලෙසද, ශ්‍රී මහා සරස්වති දේව මෑණියන් වහන්සේගේම තාන්ත්‍රික විද්‍යා ස්වරූපයෙන් මහා මාතාංගේශ්වරි නාමයෙන් පරසිදුව සකල ලෝකයා කෙරෙහි අනුග්‍රහ කරන්නාවූ ඔබතුමිය සියලු වාග් විද්‍යා නාදයන්ගේ උප්පත්තියට කාරණා බැවින් වාග්දේවී නාමයෙන්ද, සියලු යන්ත්‍ර මන්ත්‍ර තන්ත්‍ර විද්‍යා සාධනා දෙන්නා වූ සිද්ධි ප්‍රධායිනී නමින්ද, සකලවිධ මනුෂ්‍ය අමුනුෂ්‍ය දිව්‍ය, සුර, අසුර, නාග සුපර්ණක ගාන්ධර්වයන් සේම මෘග සතත්වයන්ද, වසඟ කල බැවින් සර්ව වසංකරී යන නාමයෙන්ද, ස්ත්‍රී පුරුෂයන්ද, දෙවියන් සහිත සකල ලෝකයා මෝහණය කරන බැවින් මෝහිණී නාමයෙන්ද, සකලවිධ ආහාර ප්‍රත්‍ය ධන ධාන්‍ය ස්වර්ණ රජත මාණික්‍ය මුක්ත හා සකල යස ඉසුරු ප්‍රදානය කරන්නාවූ බැවින් අනන්ත ⁣ඵෙශ්චර්‍ය සාධිනී නාමයෙන් වන්නා වූද, මෙසේ මහා මාතාංගේශ්වරි, රාජ මාතාංගේශ්වරි ශ්‍රී මාතාංගේශ්වරි ඔබතුමිය හ්රීම් බීජ මන්ත්‍රයෙන් ප්‍රකාශිතව වසන්නාවූද ඔබතුමියගේ ශ්‍රී නාමයට සැදී පැහැදී මෙකී ආකාරයෙන් අභිෂේක සුගන්ධ වස්ත්‍ර ආභරණ දීප පුෂ්පදාම ආදියෙන් හැකි පමණ ⁣පූජා කර ක්ෂීර පායාස මධු පාන පලතුරු සුවද පැන් ඖෂධ රසකැවිලි ආදියෙන් සන්තර්පණය කරවා මන්ත්‍ර පූජා ස්තෝත්ර පූජා ස්තූති පූජා ආදිය හැකි පමණ කරවා වැද කන්නලව් කර අයැද සිටිනුයේ ඔබතුමියගේ කරුණාබරිත මුව මඩලින් වෑහෙන්නාවූ සඳ කිරණ බදු අමෘත ස්නේහයේ අපරිමිත දයාවේ ආශිර්වාදයෙන් සියලු යහපත ශුභ ශාන්තිය ලගාකර දෙන ලෙසත්, විද්‍යාර්ථයන්ගේ ශාස්ත්‍ර ඥාන අභිවෘද්ධියත් රෝගීන්ගේ ආරෝග්‍යත් දුක්ඛිතයන්ගේ දුක්ඛ නිවාරණයෙන් සංතුෂ්ඨියත් දරිද්‍රයන්ගේ දරිද්‍රතාවයෙන් මිදී සෞභාග්‍යයත්, ඵෙශ්චර්‍ය හීන අයගේ සකල ඵෙශ්චර්‍යත් වඩවාලා සාධු ජනයාගේ හිත පිණිස ආශිර්වාද කරන ලෙසත්, අප කෙරෙහි අනුකම්පාවෙන් නිත්‍ය ආශිර්වාදයෙන් වාසය කරන ලෙසත්ය. ඕම් ශාන්ති ! ශාන්ති ! ශාන්තිහී ! මහා මාතංගී හෙවත් උච්චිෂ්ඨ චණ්ඩාලිනි ජායාරූපය https://images.app.goo.gl/YwhmZVupJK1... නිවසේ වන්දනා කිරීමට සුදුසු රාජ මාතංගී ජායාරූපය https://images.app.goo.gl/GwjbUrbZZfF... #dewakatha #matangi #matangeshwari #mathangeshwari