poojalandaru chesede pushpayagamu скачать в хорошем качестве

poojalandaru chesede pushpayagamu

#poojalandaru_chesede_pushpayagamu ( ragam-- hamsanadam ) ANNAMAYYA AKSHARA VEDAM - EPISODE - 51 *అన్నమయ్య అక్షర వేదం ..సంపుటి --51*( #పూజలందరుచేసేదె_పుష్పయాగము .....*) 🙏 *ఓం నమో వేంకటేశాయ*🙏 అందరికీ శుభ శనివారము ✍️ --- మీ వేణుగోపాల్ అన్నమయ్య అక్షర వేదం ..సంపుటి -- 51 కి శుభ స్వాగతం ✍️ -- మీ వేణుగోపాల్ 🌺🍃🌺🍃🌺🍃🌺🍃🌺🍃 అహింసా ప్రథమం పుష్పం! పుష్ప మింద్రియనిగ్రహః సర్వభూతదయా పుష్పం! క్షమా పుష్పం విశేషతః! శాంతిపుష్పం ,  తపః పుష్పం!  ధ్యాన పుష్పం తధైవచ! సత్యం అష్టవిధం పుష్పం! విష్ణోః ప్రీతికరం భవేత్!! ✍️ ఆర్యోక్తి భావం ః-- 🌺అహింస , ఇంద్రియనిగ్రహము , సర్వభూతదయ , క్షమ , శాంతి , తపము , ధ్యానము , సత్యము అను ఎనిమిది పుష్పములను శ్రీ మహా విష్ణువు , అత్యంత ప్రీతికరముగా భక్తులనుండీ స్వీకరించును .🌺 అందుకని మనం ఎల్లప్పుడూ ఈ ఎనిమిది గుణాల్నీ అలవరచుకొని ఆచరించే ప్రయత్నం చేయాలన్నది ఆర్యోక్తి. 🙏 🌺మరి స్వామిని బాహ్యమున పుష్పములతో పూజించనవసరములేదా ?? అంటే పూజించాలి .నిర్మలమైన భక్తి భావముతో స్వామి పాదారవిందముల వద్ద పెట్టిన ప్రతీ పువ్వు ,మన అంతరాత్మతో సమానము . స్వామి ఆ సుమములను స్వీకరించి ,  మన మనసులను తన వైపుకు త్రిప్పుకొనును .🌺 🌺అఖిలాండకోటి బ్రహ్మాండనాయకునికి ఈ విధముగా కోటానుకోట్ల భక్తులు అనునిత్యమూ సమర్పించే పుష్పాలే , పుష్పయాగముగా శోభించుచున్నది.🌺 యాగము అనగా సమర్పణము . రండి ఈ వారము ఆ స్వామి పుష్పయాగ వైభవమును కీర్తిస్తూ అన్నమయ్య పాడుకున్న ఈ కీర్తన అర్ధము తెలుసుకుని మనమూ పాడుకుందాము.🙏🙏 మన మనోకుసుమాన్ని స్వామికి సమర్పించుకుందాము . తరిద్దాం.. 🙏 🌺🍃🌺🍃🌺🍃🌺🍃🌺🍃 🌹అందరూ నిత్యము నిన్ను పూజిస్తూ , నీ నామస్మరణము చేస్తూ  పువ్వులతో అర్చించుటయే నీకు పుష్పయాగము . 🌹🙏 🌹యుధ్ధభూమిలో, నీ విశ్వరూప సందర్శనము చేసుకుని ,   " న అహం కర్త ....హరీ కర్త " అను సత్యము తెలుసుకుని తనను తాను  సమర్పణము చేసుకుని , అర్జునుడు చేసిన పూజయే ,  పుష్పయాగము . 🌹🙏 🌹తన హస్తములలో ఎల్లప్పుడూ సుందరమైన కమలములను పట్టుకుని , శ్రీ హరికే సమర్పించుటకు ఆసక్తురాలైన ఆ శ్రీ మహాలక్ష్మి , అందించిన కమలములే నీకు మొట్టమొదటి పుష్పయాగము .🌹🙏 🌹గాఢముగా మీ ఇద్దరినీ ఒకటి చేసి ,  మోహము పెంచే పరిమళభరితమై విరులు మీకు చేసెను పూజగా  పుష్పయాగము .🌹🙏 🌹మాలాకారుడు ( సుదాముడు ), మధురలో స్వామికి నిష్కామ భక్తితో , అమితమైన ప్రేమతో వేసిన పూలదండయే , తరచిచూస్తే , అదియే పుష్పయాగము .🌹🙏 🌹బహురంజకముగా లోక కళ్యాణము కోసము నారదుడు మీ చేత చేయించన  లీలయే పారిజాతాపహరణము .భూలోకములో ఇదియేగా పుష్పయాగము.🌹🙏 🌹మా అమ్మ అలమేలుమంగ ఘనమైన కొప్పులో నుంచి భారముగా విడివడి జారి మీ ఉరముపై పడిన పుష్పములన్నియూ మీకు చేసే పుష్పయాగమే కదా .🌹🙏 🌹అన్ని సత్ గుణములతో , మునులూ యోగులు , భక్తాగ్రేసులందరూ, శ్రీ వేంకటాధీశుడయిన మిమ్ము ఏరికోరి , తనివితీరా మిమ్మల్ని కీర్తించుటయే కదా మీకు చేసే పుష్పయాగము . 🌹🙏 🙏🙏🌹కావున ఓ అలమేలుమంగపతి , ఓ శ్రీ వేంకటేశా, మా చేత ఈ పుష్ప యాగమును వేడుకగా నీవే చేయించుకుని , ఆనంద భరితుడవై మమ్ము అనుగ్రహించి నీ పాద కమలముల వద్దకు చేర్చుకో తండ్రి . 🌹🙏🙏 తాత్పర్య సహిత దృశ్య మాలికగా మీకు అందించాలన్ననా చిన్న ప్రయత్నమును ఆశీర్వదిస్తారని ఆశిస్తూ..దోషములున్న...మన్నించమని విన్నపము... ( అన్నమయ్య అక్షర వేదం సంపుటి 51 ) ✍️ -- మీ వేణుగోపాల్ 🌺🍃🌺 *సంకీర్తన*🌺🍃🌺 పూజలందరు జేసేదే పుష్పయాగము ఆజి నర్జునుడు చేసినది పుష్పయాగము మొదల శ్రీసతి చేతి మోహన కమలమే పొదల నీకెపుడును పుష్పయాగము గుదిగొన మిమ్మిద్దరి గూడించే మరువిరులు పొదిగి పూజించిన పుష్పయాగము మాలాకారుడిచ్చిన మధురలో పూదండా పోలింప నీకు నదె పుష్పయాగము కేలితో నారదుడొసగిన పారిజాతము భులోకమున నీకు పుష్పయాగము తొరలి అలమేల్మంగ తురుమున విరులే నీకు పొరసి నీవురముపై పుష్పయాగము సిరులతో మునులెల్ల శ్రీవేంకటాద్రీశ నీకు పొరిపొరి జేసేరు పుష్పయాగము