MNDAAနဲ့ TNLA ခေါင်းဆောင်တွေ စတင်ဆွေးနွေး၊ နတ်တလင်းမှာ ပြည်သူ ၃ဦး သတ်ခံရ | People's Spring скачать в хорошем качестве

MNDAAနဲ့ TNLA ခေါင်းဆောင်တွေ စတင်ဆွေးနွေး၊ နတ်တလင်းမှာ ပြည်သူ ၃ဦး သတ်ခံရ | People's Spring

MNDAAနဲ့ TNLA ခေါင်းဆောင်တွေ လောက်ကိုင်မြို့မှာ တွေ့ဆုံဆွေးနွေး   မတ်-၁၇၊ ၂၀၂၆။ People’s Spring   ညီနောင်မဟာမိတ်အချင်းချင်းတိုက်ပွဲဖြစ်ပွားနေတဲ့ တအာင်းတပ်မတော်(TNLA)နဲ့ ကိုးကန့်တပ်မတော်(MNDAA)တို့က ခေါင်း ဆောင် တွေဟာ ကိုးကန့်ဒေသ လောက်ကိုင်မြို့မှာ တွေ့ဆုံဆွေးနွေးနေကြတယ်လို့ သတင်းရင်းမြစ် ၃ ဦးက အတည်ပြု ပြောကြားပါတယ်။   ဆွေး နွေးပွဲက နေ နှစ်ဖက် အပစ်ရပ်စဲဖို့ သဘောတူညီချက်ရရှိထားပြီဖြစ်တယ်လို့ တအာင်းသတင်းရင်းမြစ်တချို့က ဒီနေ့မနက်ပိုင်းမှာပြောပါတယ်။   တအာင်းသတင်းရင်းမြစ်တစ်ဦးက မနေ့ည ၁၀နာရီ ကတည်းက အပစ်ရပ်ဖို့ သဘောတူကြပြီး အသေးစိတ်ကိုတော့ ဒီနေ့ ဆက်ဆွေးနွေးတဲ့ သဘောလို့ ကြားသိရကြောင်း ဆိုပါတယ်။   အခုလို ဆွေးနွေးနိုင်တာ ကောင်းမွန်တဲ့လက္ခဏာဖြစ်သလို ဆွေးနွေးပွဲရလဒ်က များစွာအရေးကြီးတယ်လို့လည်း သူက ဆက်ပြောပါတယ်။   လောက်ကိုင်မှာ ကိုးကန့်တပ်နဲ့ တအာင်းတပ်တို့ရဲ့ ဆွေးနွေးပွဲအ ခြေအ နေကိုမေးမြန်းဖို့ TNLA ပြောရေးဆိုခွင့်ရှိသူ လွေးယေဦးဆီကို People's Spring က ဒီမနက် ဆက်သွယ်ထားဆဲဖြစ်ပါတယ်။ နှစ်ဖက် ခေါင်း ဆောင် တွေကြား ပြသာနာကို ဆွေး နွေးညှိ နှိုင်းအ ဖြေရှာဖို့ TNLA က ကြိုးစား နေတယ်လို့ မတ်လ ၁၆ ရက်မှာ လွေး ယေဦးက လူထု နွေဦးကို ပြောထားပါတယ်။   ကွတ်ခိုင်မြို့မှာ ဖေဖော်ဝါရီ ၁၃ရက်က နယ်မြေဆိုင်ရာ၊ အုပ်ချုပ်ရေးဆိုင်ရာနဲ့ ပတ်သက်ပြီး ပြဿနာဖြစ်ပွားခဲ့ရာက တလအကြာ မတ်လ ၁၄ရက်မှာ MNDAAက TNLA ထိန်းချုပ်ထားတဲ့ ကွတ်ခိုင်မြို့ကို ထိုးစစ်ဆင်တာကြောင့် မတ်လ ၁၆ရက်နေ့အထိ တိုက်ပွဲတွေရှိခဲ့ပါတယ်။   နယ်မြေပြဿနာနဲ့ အုပ်ချုပ်ရေးဆိုင်ရာ ပြဿနာတွေကို အကြောင်းပြုပြီး MNDAA ရဲ့ ထိုးစစ် သုံးရက်အတွင်းမှာ ကွတ်ခိုင်မြို့နယ် အပါအဝင် TNLA တပ်စွဲရာနေရာ တွေကို ကိုးကန့်တပ်ကသိမ်းပိုက်ထားနိုင်ပြီး TNLAတပ်ဖွဲ့ဝင်တွေကိုလည်း ဖမ်းဆီးထားပါတယ်။   ကွတ်ခိုင်၊ နမ့်ဖက်ကာ၊ မုံးစီး/မုံးဟွမ်း၊ ကာလိုင်၊ နမ့်ခမ်း၊ မူဆယ်(၁၀၅)မိုင်၊ ကျင်စန်းကျော့ နယ်စပ်ဂိတ်က TNLA ရဲ့တပ်စခန်းတွေ သိမ်းပိုက်ခံထားရပြီး တပ်နဲ့ တပ်စခန်း အရေအတွက် အတိအကျကတော့ သက်ဆိုင်ရာက ထုတ်ပြန်ပြီးမှ အတည်ပြုနိုင်ပါလိမ့်မယ်လို့ သတင်းရင်းမြစ်က ပြောပါတယ်။   မတ်လ ၁၄ရက်က စတင်ဖြစ်ပွားခဲ့တဲ့တိုက်ပွဲတွေအတွင်း ကွတ်ခိုင်မြို့ကို ကိုးကန့်တပ်က ထိန်းချုပ်ထားပါတယ်။ လက်ရှိဖြစ်ပွားနေတဲ့အခြေအနေတွေဟာ အာဏာသိမ်းစစ်ကောင်စီကို အခွင့်အရေးပေးနေသလိုဖြစ်ပြီး  ကိုးကန့်တပ်အနေနဲ့ မဟာမိတ်အချင်းချင်း စစ်ရေးအာသာချက်ယူပြီး မတိုက်ခိုက်ဖို့ တော်လှန်ရေးအင်အားစုတွေ၊ အရပ်ဖက်အဖွဲ့အစည်းတွေနဲ့ ပြည်သူတွေက မှတ်ချက်ပြုထားကြပါတယ်။ အမျိုးသားညီညွတ်ရေးအတိုင်ပင်ခံကောင်စီ(NUCC)က တအာင်း နဲ့ ကိုးကန့်တပ်ရဲ့ မဟာမိတ်တပ်တွေကြား ဖြစ်ပွားနေတဲ့ ပဋိပက္ခကို ချက်ချင်းရပ်တန့်ဖို့နဲ့ နိုင်ငံရေးအရ ငြိမ်းချမ်းစွာ တွေ့ဆုံဆွေးနွေးဖြေရှင်းကြဖို့ မေတ္တာရပ်ခံထားပါတယ်။   ညီ နောင်မဟာမိတ်ဖြစ်တဲ့ အာရက္ခတပ် တော်(AA) ကလည်း နှစ်ဖက် တွေ့ဆုံညှိိနှိုင်းအ ဖြေရှာကြဖို့ တိုက်တွန်းထားတယ်လို့ လွေး ယေဦးက လူထု နွေဦးကို ပြောပါတယ်။ TNLAကလည်း မဟာမိတ်ချင်း ပြဿနာကို နိုင်ငံရေးနည်းအရ ဖြေရှင်းလိုကြောင်း အသိပေးထားပါတယ်။ === စစ်တပ်လွှတ် တော် စတဲ့ နေ့မှာ နတ်တလင်းကို စစ်ကြောင်းထိုးပြီး ပြည်သူ ၃ဦးကို သတ်ဖြတ်   မတ်-၁၇၊ ၂၀၂၆။ People’s Spring   စစ်တပ်လွှတ် တော် ခေါ်တဲ့ နေ့မှာ ပဲခူးတိုင်းအနောက်ခြမ်း၊ နတ်တလင်းမြို့နယ်ကို ဝင်လာတဲ့စစ်ကြောင်း  အရပ်သား ၃ဦးကို သတ်ဖြတ်ပြီး နေအိမ် တွေကို မီးရှို့ခဲ့တယ်လို့ ဒေသခံတွေက ပြောပါတယ်။   မတ်လ ၁၆ ရက် မနေ့က မနက် ၅ နာရီလောက်မှာ အင်အား ၁၀၀ နီးပါးပါတဲ့ စစ်တပ်စစ်ကြောင်းဟာ  နတ်တလင်းမြို့နယ် ဖလံပင်ရွာကို စစ် ကြောင်းထိုးဝင်ရောက်လာပြီး အရပ်သား တွေကို သတ်ဖြတ်ခဲ့တာ ဖြစ်ပါတယ်။   ဓမ္မငယ်ရွာမှာ အထိုင်ချနေတဲ့ စစ်ကောင်စီတပ်ဖွဲ့ဝင်တွေ တက်လာတာလို့ ဒေသခံတစ်ဦးက ပြောပါတယ်။   အဲ့ဒီနောက် စစ်သား တွေက ဖလံပင်ရွာခံဖြစ်တဲ့ အသက်(၄၈)နှစ်အရွယ် ဦးဌေးအောင်၊ အသက်(၆၅)နှစ်အရွယ် ဦးချစ်ထွန်းနဲ့   အသက်(၆၅)နှစ်အရွယ် ဒေါ်ခင်ရီတို့ သုံးဦးကို ပစ်သတ်ခဲ့တယ်လို့ ဒေသခံတွေက ဆိုပါတယ်။   ဒါ့အပြင် သေဆုံးသွားတဲ့ ဦးဌေးအောင် ဇနီးနဲ့ တခြားမိသားစုဝင် ၄ ဦးကိုလည်း ဖမ်းဆီးသွားတယ်လို့ သိရပါတယ်။   မနေ့က ညနေပိုင်းမှာတော့ ဖလံပင်ရွာထဲရောက်နေတဲ့ စစ်သားတွေဟာ ရွာထဲက အိမ်တွေကို မီးရှို့ခဲ့ပါတယ်။ စစ်တပ်စစ်ကြောင်းကြောင့် နတ်တလင်းမြို့နယ်ထဲက ဖလံပင်၊ ရှားစေးဖို၊ သရက်ပင်ကံရိုး၊ ငုတ်တရာနဲ့ ညောင်ဝိုင်းကျေးရွာက ဒေသခံတွေ ဘေးလွတ်ရာကို ထွက်ပြေးတိမ်းရှောင်နေကြရပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA