មនោមយិទ្ធិ ភាគទី ០១ скачать в хорошем качестве

មនោមយិទ្ធិ ភាគទី ០១

ការមានលក្ខណះរឹងបុឹង ជឿជាក់ខ្លួនឯង សេចក្តីព្យាយាមមិនរាថយ ការមិនតក់ស្លុតញាប់ញ័រចំពោះមុខបុគ្គលគ្រប់ប្រភេទ អំណាចដែលនឹងបង្គាប់ការគិត ការចុះសម្រុងតាម និង ការវិនិច្ឆ័យរបស់អ្នកដទៃ កម្លាំងចិត្ត និង ភាពមាំទាំសម្រាប់តស៊ូចំពោះសេចក្តីតោកយ៉ាកទាំងពាន់ប្រការ ។ គុណសម្បត្តិទាំងនោះ ជាធម្មជាតិដែលធ្វើអោយកើតឡើងបាន មេរៀននេះនឹងសម្តែងអោយលោកអ្នកឃើញ មេរៀននេះនឹងបង្រៀនលោកអ្នកថា តើនឹងប្រើវិធីណាទើបអាចអោយគុណសម្បត្តិទាំងអស់ដែលពោលខាងលើនេះ កើតមានឡើងក្នុងខ្លួនរបស់អ្នកយ៉ាងច្រើនជាទីបំផុត សូម្បីលោកអ្នកមានហើយប៉ុន្តែតិចតួចបំផុតក្តី ។ វិធីដែលចែងទុកមកនេះ នឹងអោយផលសម្រេចត្រឹមលោកអ្នកពិសោធន៍ឃើញដោយខ្លួនឯង ។ សូមអោយអ្នកដែលរួញរាចូរមានមានះ ចុះចិត្តធ្វើការហ្វឹកហាត់យ៉ាងប្រាកដប្រជាបន្តិចម្តងៗ ជនទន់ខ្សោយ ដែលមានចិត្តរសាត់អណ្តែត ឬ ភ័យខ្លាចយ៉ាងណាក្តី ក្នុងពេលមិនយូរក៏នឹងមានមនោមយិទ្ធិខ្លាំងក្លាឡើង នឹងមានសេចក្តីអត់ធន់ នឹងការយកឈ្នះគូរម្ខាងទៀតរបស់ខ្លួនបាន ។ ការដែលធ្វើចិត្តអោយខ្លាំងក្លា អំណាចដែលនឹងបង្កាប់ចិត្តរបស់ខ្លួន ឬ របស់អ្នកដទៃ រមែងសម្រចបានដោយការហ្វឹកហាត់ ។ ការបានធ្វើការហ្វិកហាត់បន្តិចម្តងៗ អ្នកនឹងដឹងបានថា មនោយិទ្ធិ ចូលមកផ្តេកផ្តិតនែបនិត្យរាងកាយរបស់អ្នក ហើយកាលនោះក៏នឹងជួយអោយអ្នកបង្គាប់ការគិតអោយខ្លាំងក្លា ថយចុះ ឬ ក៏អោយបាត់បង់ទៅបាន ។ អំណាចរបស់ចិត្ត ដែលគ្រប់ដណ្តប់លើរាងកាយ ត្រូវបានគេប្រកាន់ជឿ នឹងប្រើច្រើនជាដរាប។ វាត្រូវបានគេប្រើទៅជាវិធីរក្សារោគ នឹងការដឹកនាំខ្លួនឯង ជនដែលធ្វើការហ្វឹកហាត់គ្រប់គ្រាន់ ធ្វើចិត្តអោយកើតសមាធិ នឹងកាន់ខ្ជាប់នូវភាពមនោគតិណាមួយទុកក្នុងចិត្ត គុណសម្បត្តិទាំងនេះ នឹងបង្កើតសម្ថតភាពអោយដល់ជននោះ ។ ប្រការមួយទៀតបានសាកល្បងឃើញយ៉ាងប្រាកដថា ក្រសែទឹកចិត្តរបស់មនុស្សមានថាមពលផ្សាយចេញពីខ្លួន ហើយបាញ់ត្រង់ទៅកាន់ជនដែលយើងគិតដល់នឹងធ្វើអោយជននោះដឹងខ្លួនបាន ។ ក្រសែទឹកចិត្តដែលរឹងមាំ ធ្ងន់ធ្ងរមិនដាច់សង្វាក់ តែងភាយចេញទៅបានឆ្ងាយ នឹងមានទម្ងន់ក្រៃលែងជាងក្រសែចិត្តដែលមិនប្រាកដប្រជា និង ក្រសែចិត្តរបស់មនុស្សខ្ជឹលច្រអូស ។ ....................................................................................................... ចំណេះដឹងនៃការប្រើប្រាស់អំណាចដួងចិត្តតាមមនោមយិទ្ធិ ត្រូវបានបកប្រែនិងរៀបរាងជាភាសាជាតិដោយលោក ស៊ាង ប៊ុនភេង ក្នុងឆ្នាំ ១៩៧៣ ។ មេរៀននេះ នឹងផ្តល់ប្រយោជន៍ដល់លោកអ្នក នូវការពង្រឹងសម្ថតភាពផ្លូវចិត្ត បង្កើតអំណាចផ្លូវចិត្ត ការបង្កាប់ខ្លួនឯង ការបង្កាប់អ្នកដទៃ កែខៃភ័យវិបត្តិផ្សេងៗ អោយទៅជាល្អប្រសើរវិញ ។ យោងតាមប្រយោជន៍ដែលនាងខ្ញុំទទួលបានផ្ទាល់ពីអំណាចនៃធម្មជាតិនេះ នាងខ្ញុំសម្រេចចិត្តចែកវាជាប្រយោជន៍ដល់ជនរួមជាតិ ដោយសេចក្តីស្រលាញ់ និង រាប់អានបំផុតពីរូបនាងខ្ញុំ ។ នាងខ្ញុំយល់ឃើញថា ការចូលរួមចែករំលែកគ្នាទៅវិញទៅមកនៃចំណេះ ដឹង ជាពិសេសគឺចំណេះផ្នែកផ្នត់គំនិតនេះ គឺជាសកម្មភាពរួមសិក្សា និង រួមអភិវឌ្ឍន៍ធនធានមនុស្សដ៏មានសំទុះ និង ជាក់ស្តែងជាមួយគ្នា ។ សម្រាប់បុគ្គលដែលមាននិស្ស័យក្នុងការប្រើប្រាស់អំណាចនេះ ចូរប្រើវាបម្រើនូវប្រយោជន៍ល្អ បើអ្នកប្រើវាក្នុងការបំផ្លាញអ្នកដទៃ អ្នកនឹងទទួលទោសទៅតាមច្បាប់ធម្មជាតិ ។​ នាងខ្ញុំសូមខន្តីអភ័យទោស បើមានការខុសទាស់ ឬ លើសលស់ដោយប្រការណាមួយ ដោយអចេតនា នាងខ្ញុំសុំទទួលរាល់ការរិះគន់ដែលនាំអោយកើតមានការអភិវឌ្ឍន៍ដល់មនុស្សជាតិ និង​ សង្គមជាតិ។ Email : [email protected] Facebook Page : រដ្ឋា ថាវរ៉ាថ - Ratha Thavrath