《開訪》EP17 《I SWIM》效應 IG粉絲勁升十倍 自評演出咬字未合格 王智騫操肌勁食 自爆13歲初戀 скачать в хорошем качестве

《開訪》EP17 《I SWIM》效應 IG粉絲勁升十倍 自評演出咬字未合格 王智騫操肌勁食 自爆13歲初戀

因為《I SWIM》阿帆一角而彈起嘅王智騫（Martin)，係最新一集‪@boxchannel7957‬《開訪》嘉賓！新男神Martin憑住《I SWIM》而人氣急升，IG粉絲由4千變5萬，十級跳！ Martin話：「由《I SWIM》開機第一日開始，我本身個Instagram，舊年七月之前得4千零人，因為我以前都唔係好識run social media呢樣嘢；去到我琴日睇，已經去到40幾K（最新數字已經破咗5萬！）我係好感恩同時多謝觀眾們，喜歡我呢個角色囉！」 十集《I SWIM》話咁快播完，Martin首次處男演出港劇，佢就話自己未合格喎，「最簡單講緊咬字方面，可能真係未達到一個叫做合格水平，但係so far又好開心地，好多觀眾都好鍾意，我都收到好多dm、好多留言，好support阿帆呢個角色！」 同場拍住Edan、Jeffrey、Stanley，個個男神鬥操肌，瘦底Martin靠勁食增肌，「 Stanley、Alton、Jeffrey嗰啲就勁，佢哋真係好大隻，我唔想拖後腿，搞到唔靚件事，我就一定要繼續泵大佢囉！佢哋係cut嘢食、cut脂肪，但係我本身係瘦，比較薄身少少個身材，我下最多苦工係食！操之前真係要食好多隻雞蛋、飲奶粉，雞胸西蘭花一定係咁食囉！」 學生時代嘅Martin，同阿帆原來係兩個人！「我本身讀書冇咁叻啦，我亦都唔係一個運動健將。我高中修視覺藝術，成日放學就匿喺art room入面painting、做陶泥，比較冇咁active！」 17歳已經開始做模特兒，人生第一個廣告係「維他奶」廣告，「我17歲開始做model，做咗兩年突然間接到個電影casting，好神奇地中咗，踏上咗接觸演戲呢條路！」第一次拍電影《熱血合唱團》，即與天王劉德華做對手戲，Martin話：「以前都有睇過劉生（劉德華）嘅新聞，佢係好錫fans，但係始終隔住咗一個媒介去接收訊息，唔知佢真人係一種乜嘢感覺；喺現場so far佢又教我好多嘢，我覺得佢係好warm嘅前輩！」 Martin仲跟過智叔廖啟智學戲，「因為我跟智叔係一個短course，短短幾堂，我都感受到智叔對每一個學生嗰個關心，佢亦都會進入你嘅思想，睇下點解你會有咁嘅presentation，佢係好關心每一個學生！」 男神專心演戲事業，愛情生活又如何？初戀情史又係點？操肌大效果，想唔想出返本男神寫真？即刻去片睇下Martin點講啦！ 訂閱盒子YT頻道同步睇片：https://bit.ly/3zv6ii2 #盒子 #boxchannel #開訪 #王智騫 #MartinWong #ISWIM #男神 #阿帆 #粉絲 #初戀 #操肌 #電視劇 #ViuTV #人氣 #熱血合唱團 #劉德華 #香港 #娛樂 ----------------------- 記得follow晒呀 FB：https://bit.ly/2WlzyYF YT：https://bit.ly/3guXGz0 IG：https://bit.ly/3n0YIHg