Жеңижоктун насыяты скачать в хорошем качестве

Жеңижоктун насыяты

Орозбек Кутманалиев "Жеңижоктун насыяты" Капталга тиреп жүк артпа, Караңгыда жол тартпай, Каруу болбойт бечелде. Кандай арга кылам деп, Кайгы муң болот кеселде. Байкап турсаң калет жок Акындар айткан казалда. Алып-сатып бакылдап, Койчу сооданын көркү базарда. Караңгыда чакырган, Калмакча эле сүйлөп бакырган, Кара жин болот бакшыда. Каерге барсаң кел бери Кадыр жүз болот жакшыда. Күңгөйдүн бетин кар албайт, Күндүзү чырак жана албайт. Чоркоктор жыгач жаралбайт, Коркоктор жоого бара албайт. Сөлдүрөгөн кээ бирөө Сөздүн жөнүн таба албайт. Өйдөгө арык жүрө албайт, Өксүгөн пенде күлө албайт. Өлчөмсүз кыйын болсо да Өлөөрүн адам биле албайт, Калкып жаткан дайрадан, Кайык өтөт илинбей. Каймактаган кара жер, Канча бир жанды шимирди, Кай кеткени билинбей. Кеч кирбесе күн батпайт, Кесел адам тим жатпайт. Таң атпаса күн чыкпайт, Дени соо адам тынч уктайт. Балык сууда тумчукпайт, Тердебей баштан суу чыкпайт, Бекер жерден чуу чыкпайт, Кумдуу чөлдөн суу чыкпайт, Жоо көрүнбөй туу чыкпайт. Иманы бүтүн пендеден Жалган айтаар куу чыкпайт. Жыйында чечен буулбайт Адалдан арам туулбайт. Бар болбой малың чачылбайт Жок болбой жаның ачынбайт. Башыңа мүшкүл иш түшпөй Малың арзан сатылбайт. Кеспей жыгач жагылбайт Куусуз чакмак чагылбайт. Ылайсыз дубал урулбайт Устасыз дүкөн курулбайт. Жаманга толгон кеп айтсаң Кабаган иттей ырылдайт. Атылбай мылтык сай болбойт, Эмгексиз адам бай болбойт. Сөз кадырын биле албайт Өзүнөн акыл чыкпаган. Эл кадырын биле албайт Эзелден кудай муштаган. Ат кадырын биле албайт Аргымак багып минбеген. Тон кадырын биле албайт Торко тандап кийбеген. Ашыктык жайын биле албайт Аруулап сулуу сүйбөгөн. Өз огунан жаңылбай Жер айланат турбайбы. Асмандагы ай жылдыз Тең айланат турбайбы. Күн-түн менен алмашып, Кете берет турбайбы. Өмүр таттуу көрүнүп, Өтө берет турбайбы. Жандуулардын бардыгы Чөгө берет турбайбы. Өмүр кайра башталып Өнө берет турбайбы. Буйругуна мезгилдин Адам көнө берет турбайбы. Аккан суулар кайрылбай, Ага берет турбайбы. Мезгил тынбай канатын, Кага берет турбайбы. Кылымдарды карыткан, Аска болот турбайбы. Түркүн элде түркүн салт, Башка болот турбайбы. Акак, бермет, каухарың, Таштан чыгат турбайбы. Не бир сонун акыл сөз, Баштан чыгат турбайбы. Эсин алган коёндун, Камыш болот турбайбы. Эр жигитти курчуткан, Намыс болот турбайбы. Кара кылды как жарган, Калыс болот турбайбы. Аргымактын кулуну, Чалыш болот турбайбы. Адамзатты кор кылбас, Акыл болот турбайбы. Жардамдашаар кыйында, Жакын болот турбайбы. Сөздү кыштай кынаган, Акын болот турбайбы. Айбанаттан акылдуу, Түлкү болот турбайбы. Адамзатты жашарткан Күлкү болот турбайбы. Көптү көргөн ак сакал, Кары болот турбайбы. Карынын сөзү жаштарга, Дары болот турбайбы. Тартип көргөн азамат, Сылык болот турбайбы, Кыз балдарда өзгөчө, Кылык болот турбайбы. Өткөндөрдүн бардыгы, Тарых болот турбайбы. Тарых болсо өткөн күн, Анык болот турбайбы. Бүт ааламга жалгыз күн, Жарык болот турбайбы. Кыңыр иш деле кырк жылда Анык болот турбайбы. Атасына баласы, Өбөк болот турбайбы. Баласына атасы, Жөлөк болот турбайбы. Он бир тууган болсо да, Аягында үй-жайы, көрсө, Бөлөк болот турбайбы. Өмүр менен өлүмдө, Күрөш болот турбайбы. Ар адамда ар башка, Мүнөз болот турбайбы. Жакшы кылган жигитти, Жары болот турбайбы. Эстүү жигит туш келсе, Багы болот турбайбы. Көз жоосун алган чөптөрдүн, Гүлү болот турбайбы. Тажатпаган булбулдун, Үнү болот турбайбы. Арыстандын көзүндө, Сүрү болот турбайбы. Азуулунун бир канча, Түрү болот турбайбы. Нар төөнүн өзүндөй Жүгү болот турбайбы...