پەیامداریی و پارەداریی - موڵك كافێ скачать в хорошем качестве

پەیامداریی و پارەداریی - موڵك كافێ

پەیامداریی و پارەداریی، پرۆژەیەكە بۆ بونیادنانی مرۆڤی (پەیامداری پارەداری بەخشەر). مرۆڤێك هۆشیار و زانا بێت بە ئایین و بە ژیان. تێگەیشتن و دیدگایەكی ڕۆشن و دروستی هەبێت بۆ پەیامداری و پارەداری. لە ڕووی پەیامدارییەوە بە جوانی و ڕاست و دروستی لە ئایینی پیرۆزی ئیسلام تێبگات. بزانێت وەك مرۆڤێكی باوەڕدار چ ئەركێك لە ئەستۆیدایە. لە هەڵسوكەوت و كردار و گوفتاریدا خواناسانە مامەڵە بكات، پەیوەست بێت بە سنورەكانی ئیسلامەوە، بزانێت كە ئەركی ئەو چاكسازییە لە خۆیدا، پاشان چاكسازی لە كۆمەڵگە و وڵاتەكەیدا. دەبێت هەموو تواناكانی لەو بوارەدا بخاتەگەڕ، بۆ خزمەتی كۆمەڵگاكەی و باشتركردنی ژیان و ژینگەی ئەوانی دیكە. لەڕووی پارەدارییەوە، توانا و لێهاتنەكانی سەردەم و پێویستەكانی كاركردن و بازاڕی كار دەست بخات. هەستی بەرپرسیارییەتی تێدا بڕوێنرێت بە شێوەیەك پەیامدارانە مامەڵە بكات، كاربكات بۆ فەراهەمكردنی ژیانێكی شكۆمەندانە بۆ خۆی و خێزانەكەی و ئەو كەسانەی لە ئەستۆی ئەودان، پاشان كاركردن بۆ دەستخستنی زیاتر، بۆ ئەوەی بتوانێـت بەشێكی داهاتەكەی پاشەكەوت بكات، یان بیخاتە پرۆژەوە و سەرمایەگوزارییەوە، بەو ئامانجەی كە لێی ببەخشێت بۆ خزمەتكردن و خۆشبەختی ئەوانی دیكە. بە گرێدانی ئەو دوو چەمكە پێكەوە (پەیامداریی و پارەداریی)، بتوانێت لەڕیزی ئەو باوەڕدارە سەرفرازانە بێت كە ئایەتی ﴿قَدْ أَفْلَحَ الْمُؤْمِنُونَ﴾ باسیان لێوە دەكات. ئەم حاڵەتە ڕەنگڕێژی ژیانی بكات، لە ژیانیدا ڕەنگ بداتەوە، هەتا ئەو ئاستەی زۆرترین ببەخشێتە كەسانی هەژار و پرۆژە و كارە خێرخوازییەكانی بواری بانگەواز و چاكەی گشتی. بەم شێوەیە تەحقیقی ئایەتی ﴿وَالَّذِينَ هُمْ لِلزَّكَاةِ فَاعِلُونَ﴾ بكات. ئەم حاڵەتە نابێت تەنها لە چوارچێوەیەكی كۆمەڵایەتیدا قەتیس بكرێت، بەڵكو پێویستە بینای كاری گەورە و دامەزراوەیی لەسەر بكرێت. لە كۆتاییدا مرۆڤێك بەرهەم بێت كە توانای كاركردن و فەرمانڕەوایی و دەوڵەتداری هەبێت، پشكی هەبێت لە ئەو هەوڵانەی دەدرێن بۆ بونیادنانی شارستانیەتی و سیستمێكی نوێی جیهانی، كە مرۆڤ و مرۆڤایەتی تێیدا ئاسودە بێت.