Шаҳри гармтарини ҷаҳон скачать в хорошем качестве

Шаҳри гармтарини ҷаҳон

Фасли тобистони ин кишвар нафасгиркунанда аст. Дар Кувайт шумо дар хона ё мошини кондитсионердори худ нишастаед, то ба корхона ё маркази савдои кондитсионердор равед. Албатта, ин барои муҳити атроф бисёр даҳшатнок аст, аммо ин ягона роҳи гурез аз дӯзахи дар берун ҳукмфармо, яъне гармии тоқатфарсо тобистони ин кишвар мебошад. Дар давраи гармтарини сол, яъне аз охири моҳи май то охири моҳи сентябр аллакай дар соати 9 саҳар дар Кувайт ҳарорати ҳаво то 45 дараҷа боло рафта, давоми рӯз боз идома меёбад. Тибқи маълумотҳои оморӣ дар пойтахти Кувайт шаҳри Ал-Кувайт давоми солҳои охир мунтазам дараҷаҳои рекордии гармӣ дар кураи замин ба қайд гирифта мешавад. Дар тӯли солҳо, иқлими Кувайт мунтазам тағйир меёбад. Дар моҳҳои тобистон, ҳарорат дар давлатҳои халиҷи Форс ҳоло аксар вақт ба 50°C мерасад ва чанде пеш он ҳама рекордҳоро шикаста то ба 54°C расид. 21 июли соли 2016 гармтарин рӯз дар тамоми вақти ченкунии ҳарорат аз ҷониби одам дар рӯи замин ба қайд гирифта шуд. Дар шаҳри Митрибаҳ харорат ба 54°C расид.